أوكيـه مادامـك كذا روحـي وأنا مثلك بـروح
خليـك يمكـن ينفعــك طيشـك وحـب الفلسفـــه ِ
ونشـوف من يقـدر على نسيـان همـه والجـروح
ونشـوف مـن يقـوى على عقلـه ومن صابـــه سفــه
لاتحسبيــن السالفــه مزحـه مثـل كل المـزوح
تخطـين وأدمـح زلتـك وأرضـى بكلمــة آسفــــه !!
السالفـه ياسالفــه روح ٍ ٍ جـزت عن حـب روح
عـزيـز قـوم ٍ ٍ ما رضــى يرضــخ لعيشـــه مـؤسفــــه
من عـادتــي من صــد وأقفــى وإبتعــد زدتـــه نــزوح
وإن عــاد مكســور الجنــاح آدق خشمــه وأعسفـــه
حتـى يعـرف إنـي سفينــه والهــوى ( طوفــان نــوح
لـو يعتصـم راس الجبـل يرقـى عليـه وينسفـــه
أبغـاك إذا صرتــي قمر بس المهم أكثـر وضــوح
ما أبغـاك شمـس ٍ ٍ غامضـــه ياغايبـــه يا مكسفــــه
ودام الليالــي فكرهــا دوار يالوجـــه السمــوح
إي ليــه فجرتـي خفوقـي في عبوه ناسفـــــــه
ماكنــي اللي بـاع هالعالـــم على مبــدى الوضــوح
من شان عينك لعنبو عينك ونفسـك آنفـــــــه
والله لولا المستحــى لأجمـح بـك الليلــه جمــوح
وأسيــّــل الوديــان رهبــــه دام طبعــك جــارفـــــه
قولي غبي أو وش يـبـي خلوه ياعالم يروح
وأرجــع وأوثــــّــق كلمتـــي ياجالســـه ياواقفــــــه
الثـور الأسبـــانــي يعجبــك بـس ليــش انـه نطــوح
وإنتــي كمـــا الشــال الحمــــر لاتحســبيــنــك عاسفــــه
من ويـن ماهبـّـت هبوب الريــح والبــارق يلــوح
تبقيــن فـي عينــي مجـــرد ريــح صــرصــر عاصفــــه
مـن بعـد هــذي مالـك إلا الصــد يالقلـــب الشحـــوح
فـي ناظـري مـن عقـب ماكنــــتــي جنــــــون الــعــاطفـــه
إنتـي أنــا ) !!! حامـض على بـوزك ( ولــو النوح نــــــوح
أنـا أنــا وإنتــي كمـا إنتــي وعينـــك شايفــــــه
وأبشــرك جانــي ولــد سميتـــّـــه أشــلاء الطمــوح
إختـــه جفــا ) وأمــــه ( غضــب ) وأنـا ( عــروش النايفـــــه
ياقلــب خـل باســك قــوي لاتنهـــدم ذيــك الصــروح
إهــدأ وأنا عـــارف بــأن أعصـــاب مخـــك تالفــــــــه
ركــز معـي ياخافــقـي من قبــل ريحتنـــــا تفــوح
نبغــى نميــّــز بيــن عشــق وبيــن نظـــره خاطفـــــه
هـل ياتـرى بـه فـرق واضـح بيـن فــوح وبيــن فــوح ..؟
وإن كــان مابــه فــرق .. طـّــيـب .. ليــش صــارت سالفــــه .. ؟
علــى العمـــوم المســـألـــه صعبـــه وخافيهــــــا قــروح
منهــو شــرب منهـــــا يقــــول الكايفـــــــــه ... للكـــايفـــــــه
وأعيــدهـــا ياقلــب لـو أسمـــع لنبضـــــاتــك فتــوح
لأعلــن بــدايــات الشقــــــا كــان المشــــــاعـــر هــادفــــــه
خلــك لهــب نــار وحطــب والـــدوح مايغـــريـــــه دوح
خـــلاص نفســـي عايفـــــه خـــــلاص نفــســي عايفــــه
ارجو ان تنال اعجابكم .....
الإهداءات
03-26-2006, 07:36 PM
^^ خـــلاص نفســـي عايفـــــه ^^
