قصيدة ليه للشاعر سالم السيار

**vip** · 07-05-2007, 02:07 PM

السلام عليكم ورحمة الله وبركاته

هذه قصيدة للشاعر الكويتي سالم السيار وهي من أجمل القصائد التي سمعتها في حياتي عشت بين حروفها حرف حرف أرجوا ان تنال إعجابكم
والقصيده مرفقه صوتيه من القاء الشاعر سالم سيار

ليـــــــــه ..!!!

هذا هو اللي تبيه .. ؟؟
اني ارحل من حياتك
واشعل عيوني بــ ليه..!!
بس خلاص ..!!

هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..

زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..

بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟

ياخي حس ..!!
والله عيب اللي تبيه ..
اني ارحل من حياتك ..
واشعل عيوني بــ ليه ..

لاجبينك شمس واحساسك مطر ..
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك بــ افا ..

ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..

والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..

هذا هو اللي تبيه ..؟!!
وهذا هو اللي قدرته ..
وقدرك ربي عليه ..

بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..

وين اروح ..؟؟؟
شلون اجيب لقلبي المجروح .... روح
هذا هو اللي تبيه ..!!
.*.*.*.

للشاعر المبدع سالم السيار..

**{ ـآلريـمْے ..** · 07-05-2007, 09:45 PM

•»|[ .. V!P .. ]|«•

صًٍـــــًٍـح لســــًٍـــآن شــــًٍآعرهــًٍـــًٍـــآ ..
تســًٍـلمـ V!P ع النقًٍــــــل الرآئـــــــًٍــع ..
لا عًٍــــــدمنـــًٍــــــآًٍكـ ..

..

---------------------------------

**فهد دووم** · 07-06-2007, 07:10 AM

تسلم اخوي vip

**vip** · 07-06-2007, 09:13 AM

الريم

فهد دوم

شاكر لكم مروركم

**نونو5656** · 07-21-2007, 02:20 AM

يصلمووووووووووووو

**شموخ انثى** · 07-21-2007, 08:59 PM

رائع

~
سالم سيار .. تعجبني قصائده كثيراً
~

والاروع هو ذوقك مشرفنا
ابداع ما اتحفتنا بها
لشخصك الشكر موصول

ارق التحايا

**DreamOne** · 07-21-2007, 10:53 PM

الاب الروحي : VIP ....

لقد سررت بما نقلته ...

فعلا أنها رائعه .....

أقبل مروري وأحترامي لشخصك ....

DreamOne

**adad101** · 07-26-2007, 03:33 PM

يعطيك العافية اخويمن زمان ادورهادمـــت بــــود

**همسة غلا** · 07-26-2007, 05:50 PM

اقتباس:

المشاركة الأصلية كتبت بواسطة vip

<

والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..