برنااامج+شرح برنامج MP3 Audio Mixer كامل, للتقطيع والدمج والريمكسات ..

**sad baby** · 07-07-2007, 06:05 AM

بسم الله الرحمن الرحيم

السلام عليكم ورحمة الله وبركاته

بشرح لكم ان شالله برنامج MP3 Audio Mixer
نقدر من خلاله إنقطع الملف الصوتي, ندمج الأصوات, نسوي الريميكسات, وان شاء الله بنتعلم كل هذا

ليش هالبرنامج بالذات؟
يتميّز هالبرنامج بواجهة بسيطة, أدوات واضحة, فكرتة تعتمد ع النظر
ومن خلال تجربة وحدة تقدر تطبق وتجرب أشياء ثانية, بعكس البرامج الثانية المعقدة
اللي تحتاج ممارسة كثيرة وفهم وشروحات وأدوات إضافية مثل فلاتر, بلسز, وإلخ ..
ومن أشهر برامج الصوت اللي لها أكبر شهرة في مجال الصوتيات Adobe Audition
ان شالله أشرحه لكم في وقت لاحق, بس أول شي ناخذ فكرة كافية أو Zero كورس عشان نفهم
طبيعية الصوتيات وكيف يتم التعامل معاها, وبجذيه نكون قطعنا شوط في مجال الصوتيات

ملاحظة: هالبرنامج ما يشغّل إلاّ نسق MP3

[ أول شي نرفع البرنامج على جهازنا ]

رابط البرنامج فى المرفقات

[ السيريال ]
Serial : 1388101892
OR : 203848196
OR : 1815901356

-----------------------------------------------------------

[ الدرس الأول: تقطيع الصوت ]
-A- من بداية الملف
يعني انقص مقطع من نشيدة, شعر , أي شي .. حق سوالف نغمات واهداءات وجذيه

أولاً: نفتح النشيدة بالبرنامج قائمة File - Add Sound

ثانياً: نسمع الملف الصوتي ونشوف من وين نقص, بهالملف نبي أول شي فما يحتاي
نسمع النشيدة كلها,

ثالثاً: ننطر الخط نشوف لي وين يوصل من المقطع اللي نبيه؟ ونحط Stop عشان نبدى بالقص..

رابعاً: ننسخ المساحه اللي تكون مابين خط البداية إلى الخط اللي سويناله Stop
وهو الجزء اللي نبي انقصّة من الملف ..

خامساً: نلزق اللي نسخناه بملف يديد