شخصية البنــات

**عنتوره معنتره** · 07-09-2007, 01:38 AM

1- الكشيخه:
هذي من تشم ريحة طلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كاشخه كاشخه لو انشاء الله تاخذ لفة حول البيت
____________________________
2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع
الدلع اللي يجي على طبيعته..يااااااااااااااااااااح لوه >>
لكن الدلع المصطنع ..وووووووووواااااااااااااااااع ع ع ع يحوم الكبد ..ودك تشوتها إذا جت تتكلم
______________________________
3- البنات النصابات :
(عاد هالفئه ياهم قاهرييييييني ودي أفحط في بطونهم )
هذي الكذب عندها ماشي سوقه .. تجيب لكم ذيك النصبه اللي مهيب صاحية وتدري انكم ماتصدقونها بس ماعليها من أحد
( فلانه ليش ماشريتي جوال كاميرا تقولك والله انا شايفه جوال عاجبني توه مانزل هنا ...تمــــــــــــــــر السنين .. وتسألها تقولك إلا الآن مانزل ..)
مدري متى بينزل الأخ ..بس تدرون إذا نزل علمتكم <<<معجزه ذا ماصار جوال
_________________________
4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معه... ولو تقولها خير رمتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه
____________________________
5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر
يعني يجيك شاب فـي حااالة موب يم أحد .. وتجي البنت تقول : شوفي هذا قليل الأدب من الصبح يلاحقنا ..
مالت عليه .. ودك من يسنعه .. لازم أهزئه عشان يحرم يلحق أحد ..وهو مهوب يمها الضعيف هو في وادي وهم في وادي ثـــــــــــــــــــــــــــــ ــــــــاني
_____________________________
6-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف
_____________________________
7- الضعيفة :
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
______________________________ _
8-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك
______________________________ _
9-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين
______________________________
10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن جلست معها جتك الزيران غصب _________________________
11-العناد :
بعض البنات عنيداااااااااااات
يعني إذابغوا شي سووووووووووووووووووووووووووووو ووووه ولا عليهم من أحد
تنجلد.. تنطق.. تنحبس.. تتصفق.. تتلسب بالعقال ..ماعليها أهم شي اللي في بالها سوته
______________________________ _
12-الحنانه
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدندرررررررررررررررررررررررر ررررره
يعني إذا بغت شي تقعد تحــــــــــــــــــــــــــــ ـن على راسك لما تعطيها اللي تبيه
___________________________
13-الكريمات:
هذي رهيبه عسى ماتقول أبي كذا إلا وهي جايبته لك ..
وإذا راحت مكان كبت اللي في البوك كله <<<
خخخخخخخخخ
______________________________
14- غيووووورة :
كل البنات غيورات لكن نسبتها تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة <<< عاد ياكثر اللي يغارون مني ليش ماأدري
خخخخخخخخخخ
______________________________ _
15-راعية السوق:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح للسوق هذي هي هوايتها
______________________________ ___
16-الطبيخه :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
______________________________ ______
17-تمســــــــكن لين تمكـــــــــن :
يعني بالعربي ملكعــــــــــــــــــــــــــ ـــــه <<< طبعا فاهمينها
________________________
18- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب
يلا يابنات
كل وحدة تدخل تقول ايش شخصيتها

م ل ط و ش

**قطرة ندى** · 07-09-2007, 02:45 AM

اقتباس:

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معه... ولو تقولها خير رمتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه

11-العناد :
بعض البنات عنيداااااااااااات
يعني إذابغوا شي سووووووووووووووووووووووووووووو ووووه ولا عليهم من أحد
تنجلد.. تنطق.. تنحبس.. تتصفق.. تتلسب بالعقال ..ماعليها أهم شي اللي في بالها سوته

هذي أشين شي فيني .. و اللي أنا عارفتهـ طبعاً

بس و اللهـ قاهرتني هالخصل

مشكورهـ اختي ع الموضوع

تحياتيـ
قط قط

**{ ـآلريـمْے ..** · 07-09-2007, 03:06 AM

•»|[ .. عنتورهـ مع ـنترهـ.. ]|«•

تسلمين يا بطــــــهـ ..

لقيت اكثر من شخصيـــهـ تنــآسبني ..
بس منع ــآ للاحرآج مارح اذكرهــــمـ ..

----------------------

**كل الغلا** · 07-12-2007, 02:08 PM

هع هع

عنتوورهـ .. / مشكوورهـ أختي تسلميين يا عسل موضوع رائع

**الحلا كله** · 09-18-2007, 09:28 PM

يسلمووووووووووووووو الموضوع اكثر من رائع.....

**براءة طفلة** · 01-31-2008, 03:14 AM

7- الضعيفة :
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...

18- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب

مشكورة على موضوعك الحلوة بصراحه هذوالي فيهم من طبعي
تقبلي مروري ...... هموسه

**@نونا@** · 04-08-2008, 12:03 AM

ميرسي موضوع رائع
شكرا

**همس الوفا** · 04-08-2008, 12:25 AM

والله فيه اكثر من شخصيه تمثلني بس والله صعبه اقول ايهم ..

عافاك ربي ..