مرثيه اخي أنس رحمة الله عليه

**طروالي سويل** · 03-31-2006, 10:36 PM

بسم الله الرحمن الرحيم

هاذي مرثيه وصلتني بعد وفاة اخي
اثر حادث الم به رحمت الله عليه ولاكن لا اعلم من كتبها فلقد وصلتني عن طريق رساله بالجوال فرحمت الله عليه كان انسان اجتماعي وله صداقات كثيره ولم نسمع في يوم من الايام ان هناك احد يشتكي منه وهذه القصيده قد عبرت عنه في اغلب جوانب حياته رحمت الله عليه وجزاء الله خير كاتبها

ياليتني في يوم الأثنين ماجيت = حتى هارجت النفس محدن نشدها
مريت قبر فيه خلي وونيت = ونة عجوز مات عنها ولدها
دفوه عني بالكفن يوم صديت = يوم المنية لاقته في وعدها
هذا مكانه يوم خلي وأنا أقفيت = في حفرة ظلمة عنيق لحدها
عذلت نفسي وأبغي الصبر وأذويت = مثل اللي ضيع حاجة ماوجدها
قلب علي الهرج ماكني أوحيت = الصدر ضايق والمَّحنة فقدها
مرحوم ياللي عن هل ِ الدار شذيت = فارقت فرقا مانشوفك بعدها
عز الله إنك صايب العلم ماأخطيت = والهرج محدن منكتم من لهدها
والجار من حبك يزورك إلا أبطيت = حيث النكدة ماشقت من نكدها
إنت الذي لو حسف الجار ما أبديت = كنت الذي لاجاه زله جحدها
بالطيب بين الناس وبحقك أوفيت = كل الفعول الطيبة تغتنمها
ياللي حفظت فروض ربك وصليت = مردك الجنة واللي وردها
كلن تناديه المنية بتوقيت = كلن يشوف أعماله اللي رصدها
ياليتني ياأخوي جنبك وياليت = وأرتاح من دنيا مللنا رغدها

فلا تنسوه من صالح دعاكم

**ميسترو** · 03-31-2006, 11:14 PM

لله ما اخذ ولله ما اعطى

ولارد لقضاء الله وقدره

الله يرحمه ويغمد روحه الجنه يارب

اللهم اجعل قبرة روض(ن) من رياض الجنه ولا تجعله حفرة من حفر النار

يسلموووووووووو اخوي ويعطيك العافيه طروالي سويل على المشاركة وننتظر جديدك ان شاء الله يالغالي

اخوك / ميستروووووووووووو

**طفله مغروره** · 04-01-2006, 12:57 AM

الله يرحمه ويسكنه فسيح جـناته ..

امانه وراحت لربهـا ..

اللهـم ارحمه .. واغفر له .. واسكنه فسيح جناتك ..

عـزيزي ..

حـط فبالك ان الدنيا هذي فانيه .. كلنا لها ..

وربي يجمعك فيه بالجـنه .. الله يرحمه يارب

سلمت من كل شر طروالي .. وسلمت اناملك على النقل.

**أم السنع** · 04-01-2006, 04:21 PM

ياليتني ياأخـوي جنبـك وياليـت
وأرتاح من دنيـا مللنـا رغدهـا

الله يرحمه ويصبرنا ويديم علينا قوة الايمان

**هايم في بحر الحب** · 08-07-2007, 05:58 PM

السلام عليكم ورحمه الله وبركاته

الله يرحمه ويسكنه فسيح جناته.

اللهم ارحم امواتنا واموات المسلمين اجمعين .

اقتباس:

ياليتني ياأخـوي جنبـك وياليـت
وأرتاح من دنيـا مللنـا رغدهـا

**OM alHkEe** · 08-07-2007, 06:43 PM

مساء الخير

..

الله يرحمهـ ويسكنهـ فسيح جنآتهـ

وش نقول غير لاحول ولاقوهـ إلا بالله

لله ما اخذ ولله ما اعطى

والله يصبر اميمتهـ ويجبر مصيبتهـا

..

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

إعلانات نصية مباشرة
شات كتابي	شات	منتديات ستار	jpldg w,v
lv;. jpldg	تحميل صور	مركز تحميل	تعليم الانجليزيه
منتديات المها	تحميل مسلسلات	قصائد	العاب بنات
بلوتوث	برامج	مسلسلات رمضانيه 2008	فيديو ستار

الذين يشاهدون محتوى الموضوع الآن : 1 ( الأعضاء 0 والزوار 1)