شفتها ياسعود صدفه بعد ما مرت سنين !..

.
.






شفتها ياسعود صدفه بعد ما مرت سنين!!!!!!

عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن

ناظـرت فينـي بدهشه نظره متواضعـه

قالت انت تـحسبني من بنات صايعيـن

تـحسبني في زماني عن طريقي ضايعـه

قلت انا ماراح اطـول كل ابوها كلمتيـن

وابعـدت عني شويه ثم جتنـي راجعـه

قالت اسال واضح انك من رجال طيبيـن

بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين

ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن

ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن

واذكر انـه عاشـق فـالورود الياسميـن

صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن

وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن

ومـرتيـن كـررتـها وبعد مـره ورابعـه

قلت وشفيك وشبـلاك يابنيه ترجفيـن

ليش عينك يابنيـه من كلامـي دامعـه

قالت الموقف وقلبـي والمحبـه والحنيـن

كيف اشوفك بعد ماكنـت عنك قانعـه

قلت انا بسألك انكانك انتـي تذكـرين

عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن

بيعونـي غصب حبك لو هو ماني بايعـه

انا في دنياي حالي كنهـا حال السجيـن

حتـى لو فكـوا سراحه فيه شي مانعـه

زوجوني غصب واحد وحرموني حاجتيـن

السعاده فـي زمانـي والحيـاه الرائعـه

والحين انا ام لثلاثه عندي ريـم و ياسميـن

والولد اسمه على اسمك والمشاعـر جايعـه


.
.


لـ الشاعر عبدالمانع الغريب

دمتم بخير \ احبتي

اقتباس: قلت انا حبيت وحده يـوم كنا صغيـرين ومن ثمان اسنيـن راحت للمواصل قاطعـه عقبهـا ماذقـت نـوم يهتنيـه النايميـن ساهر في طول ليلي لين شـمسي طالعـه اذكر انه فيه حبه فـوق ثغـره من يميـن واذكر انـه عاشـق فـالورود الياسميـن صار قلبي بالـورود اللي عشقهـا زارعـه طابعا اسـمه بقلبي فيه سيـن وفيه عيـن وفيه الف وفيه دال وسط قلبـي طابعـه قاطعتنـي بقولها سبحـان رب العالميـن ومـرتيـن كـررتـها وبعد مـره ورابعـه قلت وشفيك وشبـلاك يابنيه ترجفيـن ليش عينك يابنيـه من كلامـي دامعـه قالت الموقف وقلبـي والمحبـه والحنيـن كيف اشوفك بعد ماكنـت عنك قانعـه

صح لسان شاعرها

والله اعجبتني حيل

شــمــوخ انــثــى

الله يعطيك العافية

.
.

" الصدفـه " من الأشياء الرائعه في الحيااة

بس صدفتهم قااهره !!



.
.

سلمت ِ لـنـاا وسلم ذوقكـ ..

القناص

يعافيك ربي

ياهلا فيك نورتنا بتواجدك



شكرا لطيب مرورك خيووو

لاعدمناك \ تحياتي

الرائعه حد التعب \ مونه

لمرورك رونقاً خاصاً
يسعد القلب ويطير فرحاً بكِ

وشرفاً لي
وجود سيده رائعه ومتميزه
كما أنتِ غاليتي


لاعدمتك \ دمتِ بسعاده