مسموح يامن ملكت الروح (روعه جدا)

**نوني الحلوه** · 11-05-2007, 10:00 PM

قصه روعـــــــــــه قرأتها في أحد المنتديات وعجبتني فحبيت انكم تشاركوني قراءتها وتعطوني رأيكم وللأمانه القصه منقوووووووووله

للكاتبه

ســ السعوديه ــاندي

الشخصيات

عائله أبو عهود

مالك: ابو عهود ,عمرة 41سنه محامي مشهور في الرياض ومسافر لمناقشه رساله الدكتواره

عزيزة: أم عهود,عمرها 36سنه طبيبه أسنان في مستشفى التخصصي , ولها عياده خاصه.

عهود:طالبه اولى ثانوي ,16 سنه ,طيبه ومرحه جدا على نياتها مرة ومقبله على الحيابه بصدق وعاطفه.

عائله أبو عماد:

محمد:ابو عماد ,48 سنه سفير سابق , والان مستشار في شركه كبرى , قوي

عماد : طالب أخر سنه هندسه معماريه ,22 سنه , مكافح ومثل والده قوي الشخصيه , وله قدرة عجيبه في الكلام
يستطيع ان يقنع أي احد برأيه.

زياد: ثالث ثانوي , 18 سنه , رومانسي وحالم جدا ,واكبر اهتمامه بالكورة وماله تفكير بغيرها ويحب فريق الهلال.

هايدي: طالبه اول متوسط : 13 سنه ,اكبر من عمرها بكثير لوفاه والدتها ,وتحب النت مووووووت.

عائله أبو سعود:

أبو سعود :أبراهيم , 45 سنه موظف حكومي مرموق.

أم سعود : مريم عمرها 43 نه ربه بيت ,كانوا في ابها وتو ماانتقلو للرياض من 3 سنين وهي أخت ابو عماد.

سعود : فعمر عماد , متسامح وطيب مرة وخجول لاخر حد ويعلقون عليه من كثر خجله.آخر سنه أحياء دقيقه .

ماجد :20 سنه ثاني كليه , مرح مررة ومزاح لاخر درجه ,وخفيف ظل يحب البحر والكشتات مرة.

سعاد: 19 سنه أولى كليه تخصص تربيه خاصه , ودراستها معقده مرة,تصرفاتها اقرب للفتيان وطباعها لانها البنت الوحيده في العايله.

فيصل :14 سنه , ثاني متوسط هاااادي جدا .

حسن :12 سنه سادس ابتدائي وكل شقاوة الدنيا متجمعه فيه.

محمد : 8سنين وطيبون مرة

أحمد: 3 سنين وقعده أم سعود ودلوعتها مرة ودلوعه كل العايله لانه اصغر كل العوايل وماعندهم أحد بعمرة.

عائله بو عاشق

أبو عاشق : يوسف48 سنه مرح مرة وطيبون والاهل يعاملوه كصديق كبير .

أم عاشق : تهاني 45 سنه , أخت أم عماد الله يرحمها , وأمرأه حكيمه جدا.

الشوق:26 تعمل ممرضه بالشميسي جميله جدا

الجوهره : 21سنه طالبه علوم طبيعيه وعايشه سنها ومرحه مرة.

عاشق :20 سنه طالب تربيه خاصه نفس تخصص سعاد وسنه ثانيه , واللي بقلبه على لسانه .

**نوني الحلوه** · 11-05-2007, 10:01 PM

الجزء الاول*

الزمان :قبل الدراسه بكم يوم
المكان :بيت ابو عهود الضحى
عهود : يما البيت اللي نزلنا ه هذا حلو مرة وبمنطقه هاديه وراقيه.
الام: وانت الصادقه يابنتي لنا ثلاث اسابيع مااحد ازعجنا ولا في زحمه ولا شي.
عهود: لكن يما مو عيب محد عزمنا من جيرانا :
الام : الله يهديك يابنتي يعزمون ورجال البيت مو فيه .
عهود تتذكر : ايو الله يما صعبه ابونا ماجا للحين محد يقدر يعزمنا .
الام تغير الموضوع:اقول عهود تجهزتي للدراسه.
عهود بحسره : ياويلي بدت الدراسه ......يعني بدأمعاها الكد والتعب ........ايه.
الام تضحك:يابنتي لا تعب ولا شي اهتمي بها وهي تكون سهله وبعدين بنتي ........انتي داخله مرحله صعبه يعني علمي وأدبي ان ماشديت حيلك بها بتضيعين وانتي بنتي المفروض تسيرين مثلي.
عهود: مايصير أكنسل هالسنه يعني ...........وربي مالي خلق لها
الام:وبعدين اللي نعيده نزيد............يابنتي لازم تعرفين انا مانذاكر وندرس منشان انفسنا
عهود : كيف يماااااا؟؟؟؟؟؟؟؟
الام: انا وابوك من اللي اهتم فينا ؟؟؟؟؟؟؟مين اللي ودانا بعثات عشان نتميز؟؟؟؟؟؟؟؟مو بلدنا ..........عاد يابنتي المفروض ان ابسط حقوقها علينا هو اجتهادنا وتميزنا في مجالاتنا عشان نطلع بوطنا ويكون في مصاف الدول ........كلنا نعرف ان بلدنا نامي ...ومحتاج لكل جهد ابناءه عشان يحقق النجاح وبعدين.....ويش بيقول ابوك الحين لاجا......... .وربي يتضايق من كلامك.
عهود: لا عاد كلو ولا زعل ابوي الغالي. والله ماارضى عليه الهمسه.
الام: خلاص يابنتي اتفقنا ..........صح لاتنسين بنروح المملكه" مركز المملكه"
.............
عهود: ليش يمااااااا
الام: انتي عارفه ان ابوك بكرة بياصل انشالله ............نسيتي يعني.
عهود لا ليش...؟؟؟؟؟؟؟
الام : عشان نشتري له هديه حلوة .
عهود: أي وانتي الصادقه يمااا.....خلاص العصر انشالله بعد الصلاه نروح.
لام: لا ماينفع العصر ........المغرب انشالله نصلي ونروح.العصر عندي عياده.
عهود: صار انشالله يمااااااا.......

عهود لانها الوحيده في البيت كانت تتميز بدلع شوي مع ذلك كانت طيبه لاخر حد وماتعرف تفرق بينها وبين بقيه الطالبات اللي وضعهم المادي ضعيف شوي لان ابويها معودينها على التواضع كثير ........وهي جمالها متوسط اللي ميزها كثير عن بقيه البنات هو عيونها الخضر طبيعه اللي ورثتهم عن جدتها لامها التركيه الاصل وهذا كان مفخرهتها على البنات كمان ابتسامتها اللي تشبه ابتسامها بطلات السينما كانت ابتسامتها راقيه لابعد حد..........ولا جمالها مو مميز كثير

وفي المغرب بعد ماصلن لبست عهود وامها عبيهن (عهود عبايه راس مخصرة والغطوة ع الطريقه الملكي ومحدده العباه بتطريز بني والشيله بعد ولبست صندل بني وشنطه نفس الماركه , والام عبايه كتف لانه اسهل لها بالحركه)وراحن للسايق اللي ربع ساعه وكان في السوق ودخلن وتمشن شوي ليمن دخلن محل

عهود وهم في محل ساعات: واااااااو يمااا هذي ساعه خيال .
الام : حبيبتي هذي ماتناسب طبيعه شغل ابوك.
عهود :طيب ......اممممممممممممممممم ...ِأيش رايك بها القلم المميز؟؟
الام: والله روعه..........خلاص باخذه ..........و........بأخذ السبحه معاه.
واشترن الهديه وغلفنها وطلعن........وعهود شافت محل جولات حلو مرة
عهود تكلم أمها: يمااااا اقولك بأمر على محل الجوالات شوي.
الام:ايش حقه بتروحين؟؟
عهود جوالي قدم يما بأغيره.
الام: حرام عليك قديم.......من 6 شهور اشتريته أمداه يقدم يعني؟؟؟؟؟؟؟
عهود: يما نزلن موديلات جديده كثير بعد جوالي...
الام: انشالله ..........وراحو للمحل واشترت عهود جوال المدمر لانه توة كان نازل الاسواق جديد...........

وبعد مارجعو للبيت .........الام راحت للصالون تستعد ليوم بكرة والبنت راحت تاخذ دش ونامت.
ويوم جا الصبح .........البيت فيه حركه مو طبيعيه ..........الام اخذت اجازه وعهود تستعد لرجعه ابوها اللي من اربع شهور مو شايفينه لانه سافر للمناقشه الدكتوراه ورجع بها.وكانت فرحانه مره لان البيت كبير ومافيه اوناس لانه وحدها...........ماعندها اخ او اخت وهذا الشي كان مأثر فيها كثير......خصوصا لمى تسمع من صديقاتها حكاوي وسوالف عن اخواتهن اللي يطير النوم من العين........وياما تمنت ان يكون عندها اخ تخاف منه وتحبه وانه هو كمان يحبها ويغار عليها...........مشاعر كثيره اختلطت في قلبها وعقلها لكنها نفضتها بسرعه عشان ماتخرب فرحتها برجوع ابوها

الساعه 6 المغرب في بيت ابو عهود
الام : ماادري ليش ابوك تأخر للحين ماوصل......انا قلبي مو متريح.
عهود: عيني خير يما مابقى الا يوصل انشالله
ماكملت عهود كلمتها الا بدخله الوالد عليهم.
ابوعهود: السلام عليكم.
الام +عهود:وعليكم السلام والرحمه.
عهود طارت على ابوها تحضنه ...والام تبتسم فرحانه
الام: سلامه الاسفار ابو عهود ...بشوق مابغيت ترجع.
ابو عهود ......بنظره حنان: الله يسلم غاليك ومغليك حبيبتي ...ايش اعمل هذي الدراسه وأنتي ادرى.
ام عهود: وانت الصادق ابو عهود ..........يلا الحمدلله على سلامتك وجعلها اخر الغيبات انشالله.
الكل: انشالله
وسكتوا شوي
عهود: يلا يبا ماتريد ترتاح؟؟
الاب: الود ودي اقعد وما أتحرك من هنا اطالعكم لكن 8 ساعات طياره تعب مرة .

وراح الوالد يرتاح ولحقته الوالده وعهود تشيعهم بنظرات كلها حب وحنان وقالت ( الله لايغير علينا يبا ويما)
هي كانت تخاف عليهم مره .........يمكن لانها مالها غيرهم بعد رب العالمين..........ماكانت تدري ايش سر هالخوف الكبير فيها

وباليوم الثاني بدا جيرانهم يعزمونهم كل واحد بيوم ومر الاسبوع بسرعه وبدأ اول يوم دراسه.

اليوم السبت:
الوقت الصبح 6
في بيت ابو عماد:
المربيه سوزان: يلا هايدي تأبريني الفطور جاهز ( وكانت هايدي تصلي) وبعد ماخلصت دخلت عليهم ومعاها
شنطتها تحطها وتجلس
هايدي : دادا سوزان وين ابوي واخواني.
المربيه: بيك فطر وطلع من بكير ......اما الولاد تو مارجعوا من المسجد وهلأ بينزلو.
دخل عماد: السلام عليكم:
الكل : وعليكم السلام
عماد ..مستانس بالفطور: الله أيش هالفطور السنع.......تسلم يدينك مدام سوزان.
المربيه : ولو على شو .........أنا مابأعمل الا الواجب.
وهنا دخل زياد وهو لابس لبس رياضي بنطلون اسود على تي شيرت خمري وربطه راس من نفس اللون
زياد: السلام عليكم
الكل: وعليكم السلام ورحمه الله وبركاته.
زياد يكلم المربيه: مدام سوزان ....لو سمحتي جهزي لي كوب عصير برتقال فريش لمى ارجع.
المربيه: ولو تكرم عيونك.
عماد:لا تتأخر زياد عندي محاضرات الصبح تعرف بعدنا مأخذنا الجدول وكل شي لخبطه الاسبوع اللي فات ماقالو شي (ونظام الدوام في الكليه قبل المدارس باسبوع)
زياد وهو خارج: 10 دقايق وراجع.

زياد رياضي مرة ومتعود كل يوم يلف حوالين الفيلل المجاورة وحول حديقتهم ويرجع لان ماقريب منهم حديقه عامه............وكان هالجري يجدد من نشاطه وهو مفكر يتدرب على حمل اثقال لكن منتظر ليمن يصير عمره 26 ويبدأ بناء جسمه.............وكانت هالرياضه مفيده له....وهو وسيم شوي واللي ميزه خشمه اللي مثل سله السيف مثل مايقولوا وكان يغار من عماد كثير لان عماد مربوع وأوسم منه كثير ولكن زياد يتميز بجسم احلى عنه.

واليوم عماد طلع من باب المطبخ اللي ورا وسار حوالين ثلاث فلل مجاورة للبيت

في نفس التوقيت في بيت ابو عهود
عهود وهي نازله معاها شنطتها وعبايتها.:صباح الخير يما
الام: صباح النور والسرور
وقعدت عهود تفطر بعجل
الام: ايش فيك عهود قعدي افطري على مهل.
عهود وهي تاخذ ساندويتش:لا يما انا هذي تكفي
الام باستغراب : ليش ماتفطرين عهود؟؟
عهود : بأمر على رفيقتي هند سواقهم مريض اليوم وماعندها احد يوصلها.
الام : ديري بالك على عمرك.

السواق خرج السياره برا وحطها مقابل الباب الرئيسي تمام....... وعهود لبست شيلتها وعبايتها وخذت شنطتها وطلعت ...........ولان البوابه كبيرة والسياره مقابلها ماتفصلها الا الرصيف ماناظرت لايمين ولاشمال ع اساس بتركب طوالي .............وماتوقعت مفاجاءات .وطلعت وماحست الا ارتطام قوي وعنيف بها وماحست الا وهي على الارض؟؟؟؟؟؟؟

عهود كانت طالعه وزياد كان بنفس التوقيت خلص دوران على الفلل من ورا وصار يجري قدام الفلل حتى يدخل
بيتهم من البوابه الرئيسيه وكان يجري على الرصيف
فمرورة السريع مع الرصيف وبخروجها المفاجئ هي وبدون ماتنتبه وبثواني سريعه حدث ارتطام قوي بجسمه المندفع وبجسمها الغض سقطت على الارض تتأوة من الالم .....(كانت لحظات صعبه خصوصا من زياد الله حس بالاحراج من اللي صار)....وزياد ارتبك مايدري ايش اللي صار بها الثواني السريعه

خرج السائق من السياره: ايش هذا ايش سوي ماما
زياد: لا حول ولاقوة الا بالله سلامات اختي انشالله ماشر.
عهود ورجلها توجعها مرة:أأأأأأي رجلي التوت وجت بتقوم ماقدرت.
مد السواق ايده : ماما ساعد انتي.
وساندها السواق وقامت وبتمشي مالت بصورة سريعه وحاده ...فاضطر زياد لاشعوريا أنه يمسكها مع ذراعها .........هنا حس زياد بشعور غريب كأنها كهربا مشت بكامل بجسمه......
زياد ارتبك وسحب يده : اسمحي لي اختي .. موقصدي .
عهود: لاماعليك اخوي مسموح.
وهنا جت الخدامه من الداخل وساندتها للداخل
عهود: أي أي يايما رجلي.
الام : بسم الله عليك يابنتي ايش صار
عهود: طحت يايما بالشارع ورجلي التوت.
الام: عهود اشوف رجلك..ولان عندها خبرة .....لا مافيها شي ومسكتها بالقوة وسحبتها.
عهود بصرخه قويه: ااااااااي ايش هذا يما.
الام بعد ماسمعت الطقه : لا سليمه روحي ارتاحي داخل.
عهود:آىه يايما ماوصلت هند.
الام: ماعليكي بارسلها السواق .
عهود: تسلمي يااغلى من الغلى ذاته.
الام: عن الدلع وروحي ارتاحي ولا بتوجعك زياده.
وراحت عهود فوق والام راحت الدوام.

زياد مايدري ايش صابه من مسك ايد البنيه .........مايدري ايش صار مع انه مو حق بنات ابد ولاحق سوالف كذا وكذا............كمل طريقه للبيت مشي ودخل واخذ دوش ........وهو طالع ينشف راسه

عماد : وينك زياد تأخرنا
زياد : عماد وبعدين معاك الحين اخلص
عماد : يلا أنا انتظرك بالسياره
وطلع عماد

زياد رمى المشط من ايده وسرح: أيش هالصوت الناعم وتذكر اللي شافها ....ماكنت اظن ان عند جيرانا بنت حلوة وناعمه كذا.....قال هذا الكلام وهو مو داري عن البنت ومن هي اصلا تخزبق يوم سمع صوتها...........وفعلا توتر وخاف ان هذا يكون تاثيره على صحتها سيئ............
ومشى عماد عنه لانه صيف وهو مستعجل ..................واضطر يدق على رفيق دربه وخويه شاكر ...........ومن وصل طلع له............وطلع وهو غير شكل حتى اصحابه لاحظو عليه التغيير.
شاكر يكلم زياد : هلا والله ابو الشباب سنه مباركه علينا هههههههههههههه والله الله بالجد والجد هالله الله عليه هههههههه
زياد : مبروكه عليك انا راسي مفتر ومو بخير
شاكر هو صديق زياد من الطفوله ويعرف زياد كويس لمى يكون حزين او فرحان او مرتبك وهو كاتم اسرار زياد:اقول زيود.................مو كنه وجهك اليوم صبوحي؟؟؟؟؟؟؟؟؟؟؟؟
زياد يطالعه بشك: ليش وجهي مثل كل يوم حتى اليوم ماحلقت.............
شاكر بخبث الدنيا كلها : زيود علي هالحركات !!!!!!!!!انا عاجنك وخابزك ياولد والله انك بك البلا يلا تحكى انا اسمعك...........
زياد بخفه دم : والله لي كم يوم بنت مستلمه جوالي وكله على حبيبي ونور عيني.........لين ماخلتني ادوخ........
شاكر : هههههههههههه على مين تلعبها ......على مين يابن الناس...........عاد قال وش دراك انها كذبه قال كبرها.....زيود اللي يوم نناظر لنا على بنت يشرد تقول هو البنت مو بهي......
زياد وخلاص وصل حده : أوهووووووووووووو علينا عاد ........ويش تبغى اقول اقول.......
شاكر: أقوووووووووووول.....................ياويل قلبي على اللي بيصير لي ............أويلااااااااااااااااه
زياد : شكور ...............شف ان ماقلت ايش تبي ترا بها الدركسيون الحين........
شاكر: هههههههههه خلاص بتسوي فيني حادث وانا بعز شبابي..اللي يشوفك يقول انت اللي تسوق مو انا.........اقول واجري على الله (وهنا وقفوا عند المدرسه ونزل شاكر لانه بيشرد ).............اقول ..................طحتوا بالهوا يابعد حيي............وع طول شرد
زياد يناظر فيه : .......................ودقيقه واستوعب..................... شكور
زياد : أيااااااااااااااا شكور ..............ايا ياللي ماتستحي ..............ونزل ومعاه عقاله بيده عاد دور شكور ماتلقاها شرد لانه يعرف زياد مايداني هالسوالف..................
وبدا الدوام وراحوا لفصلهم لانه هو دايما لثالث ثانوي.............وقعد زياد بجهه وشاكر بجهه..........شاكر كان خايف من زياد موت وزياد مقهور منه وهنا الطلاب لاحظوا لانه اول يوم وبالعاده كل واحد سوالف مع الثاني لكن كان في شي غريب ...........حتى المدرس اللي يهنيهم بالسنه الجديده استغرب مكاناتهم وقعد يسأل
المعلم : اقول شاكر بتظل بمكانك هذا طول السنه؟؟؟؟؟؟؟؟؟؟
شاكر ارتبك وخاف من مدرسهم مرة لانه قوي: هااااااا.............لا.............ايه........... ..اوهو...........والله ياستاذ وهو يطالع زياد مادري.........!!!!!!!!!!!
المعلم : كيف يعني ماتدري .............لغز هو ...............
شاكر يناظر لزياد الله ميت قهر عليه : استاذ انا اريد اجلس بجنب زياد بس..........
المعلم : بس أيش يالولد؟؟؟؟؟؟؟؟؟
شاكر : ههههههههههههه اخافه بها العقال اللي معاه ............يمسردني
هنا كل الفصل ضجوا بالضحك
هههههههههههههه هاهاهاهااااااااااااااااااااي
زياد بينفجر على شاكر: استاذ تسمح لي شوي اريد اطلع
المعلم اللي يحب زياد حيل: أذنك معاك ياولد...........
شاكر انفجر من الغيض: ليه ياستاذ كل شي زين لزياد..............وحنا لنا الله.........
المعلم : بااااااااااااس الصوت ياولاد الحين بيجي المدير ............ويناظر لشاكر ..............صير مثله وتبشر بسعدك.....
ورجع بعد شوي زياد وجلس ولا كنه صاير شي...........ويناظر لشاكر ويضحك
شاكر : أهااااااااااا ........هذا شفيه قاعد يوزع ابتسامات بكل ثقه.............ياويلي ويلاه رحت فيها ...........اكيد مكلم له ملاكم يقعد لي على باب المدرسه......ولا مجموعه مجرمين يلاحقوني ويطلعون كبدي (الاخ خياله جامح )والادهى ان زياد يناظر له ويبتسم بخباثه...........

ياترى ايش مسوي زياد لصديقه؟؟!
وتبعات سقوط عهود كيف بتكون؟؟؟!

**نوني الحلوه** · 11-05-2007, 10:03 PM

*الجزء الثاني*

وانتهى اليوم الاول عادي .......وشاكر يراقب صاحبه بخوف وحذر ....شافه طلع بدون مايناظره .......وراح وقف تاكسي وروح لبيتهم بدون مايسلم عليه...........شاكر .....أيه هذا شفيه طلع وروح بدون مع السلامه لايكون من جد زعل والله ماتسوى هالزعله ............حشى لو شاف له بنت تغشى تقول هو البنت مهو هي؟؟؟؟؟؟؟؟؟؟
وطلع شاكر صوب سيارته (وشاكر يدرس بالرياض عند خواله واهله بحايل )وفتح السياره وركب ........ومن جلس حس شي قعد عليه وماستوعب جسمه كله ارتعش وقام وهو يصارخ : يمااااااااااااااه
واول ماقام وناظر ولا عقرب سودا كبيره ...............هو شافها من هنا وداخ من هنا والتمو عليه عيال المدرسه بسبب صرخته العاليه ..........وناظر واحد منهم ومامسك حاله قعد يضحك وشوي ولا كل اللي حوله كهكه وضحك.........شاكر يطالعهم : هيه اشفيكم تضحكون .........
رد واحد منهم : هههههههههههههه هذي العقرب اللي ف معمل الاحياء ههههههههههههههههههههه
وطالع شاكر وشوي شوي استوعب : اياااااااااااااا النذل زيادو انا اوريك خلني احط ايدي عليك .............عادي اقطعك ................واخليك تقول يما ارحميني.............(مايقدر يسويها)
وطبعا زياد كان واقف بعيد ويراقب الموقف ...............ايه خلك تنخرع شوي...........ههههههههههههه كله ولا تكلم على بنت جيرانا ..............يووووووووة هي شدخلها بالسالفه شاكر ماطراها............الا طراها يوم يقول اني متغير اكيد قصده هي...............طيب انا ليه افكر كذا ..............لاحول

ولمى رجع البيت الساعه 1 الظهر دخل بالصاله ومافيها غير المربيه
زياد: السلام عليكم
المربيه: وعليكم السلام ورحمه الله
زياد: وين ابوي مارجع؟؟
المربيه:بعد مارجع لهلأ
زياد: وهايدي؟؟
المربيه: هايدي ترتاح في غرفتها شوي...
زياد: وعماد عنده محاظرات مايجي للغدى اليوم..........مدام سوزان...
المربيه: ايه نعم
زياد:ايش عملتي لنا غدى اليوم؟؟؟
المربيه:الاكل اللي بتحبوا .صينيه بطاطس باللحم وحمام محشي هيدا غير الحلو......
زياد: الله ايه الاكل الحلو هذا يلا كلها نص ساعه وابوي بيوصل عجلي بالغدى تراي ميت جوع
المربيه: مو تأبرني خلي الوالد يوصل بس.
طلع زياد وبدل ملابسه وأتوضأ وصلى وتمدد ع السرير شوي وهو في غفوة شاف اللي صار اليوم الصبح قبل الدوام ويقوم مايدري اشلون يتطمن على البنت اللي دعمها اليوم.
وبها الوقت دخلت عليه هايدي
هايدي : السلام عليكم
زياد: وعليكم السلام هلا هايدي فوتي.
هايدي: زياد ماتبي تغدى؟؟
زياد: لا والله ميت جوع كيف مااتغدى.
هايدي: يلا ابوي ينتظرنا تحت
نزلو مع بعض وشافهم ابوهم
هايدي + زياد: السلام عليكم.
الاب: وعليكم السلام هلا والله بعيالي.
زياد وهو يقعد ع السفرة:كيف الحال يبا انشالله بخير.
الاب : بخير ونعمه ياولدي
هايدي : يلا سمو تراني ميته جوع أنا.
الاب : ههههههههه ماتجوزين ياهايدي الا تشاغبين علينا.
هايدي ....وكأنها تذكرت شي: الا صحيح يبا أنا ليش سميتوني هايدي؟؟؟
الاب ....بضحكه: لانك يوم امك حامل فيك أتوحمت على المسلسل الكرتوني هايدي تعرفينه
الكل : ههههههههههههههههههه
زياد: هههههههه بس لاتكون ترعي الغنم مثلها ههههههههههه
هايدي ...يعني انها زعلانه: لاوالله ....تنكنت أنت ووجهك.يصير خير انشالله.
الاب: لاعاد كلو ولازعل عيوني اللي اشوف بها. آمري بس
هايدي : لاوالله مافي شي بس حبيت اختبر غلاي عندكم.
وهنا دخل عماد وسلم وغسل وجا يتغدى
عماد: اقول يباااااا
الاب : اسلم ياولدي
عماد : ابي اكتتب في الشركه .......... نازل اكتتابها السبت انشالله
الاب: الشركه........ماعليها كلام ياوليدي واسهمها جيده انشالله وانا بعد باكتتب فيها
زياد: ليش كلكم بتكتتبون في الاسهم........
الاب: الاسهم ياولدي تجاره من زمان كانت موجوده وانا مشترك في اكثر الاسهم من 15 سنه لكن ياولدي الناس ماانتبهو لها الا من كم سنه وخصوصا الرواج الاعلامي الهايل لها والانفتاح الفضائي ولا ادلك انه هناك ربح سهل منها ولاتنسى ان فيه اكثر من ربع السعودين عايشين على الراتب فقط والاسهم تعتبر مدخول سهل وجيد يساهم في رفع مستوى معيشتهم
زياد: اجل انا باكتتب..........
عماد : خلاص انا وانت نغيب السبت الجاي انشالله ونروح
هايدي : وانا بعد ابي اغيب السبت..........
الكل : ليييييش؟؟؟؟؟؟؟؟؟؟
هايدي بغيره/ يسلام يعني تغيبوا انتم وانا اروح لحالي؟؟؟؟؟؟؟
الكل : ههههههههههههههههههههههههه
وكملو غداهم ضحك وفرفشه.
وطبعا ماقدر زياد يتطمن على حاله البنت اللي دعمها الصبح لان ماعنده أم يشكي لها وأخته صغيره مايصير تزور بيت جيرانهم ....
وهنا حس بغصه كبيره لو امه كانت عايشه كان اشتكى لها وقالها كل اللي بقلبه وكان اكيد بتكون حياتهم غير لكن مادام امهم مهي عايشه لازم يتكيفون مع الظروف ووالدهم مو مقصر معاهم .....لكن حتى لو بغى يسوي عزيمه غير ينادي اخته ام سعود.
ويوم جا العصر الساعه 4ونص دخل زياد على ابوه
زياد: أقول يبا!!!!!!!!!
الاب: سم ياولدي؟؟؟؟
زياد....مو عارف كيف يفتح لابوة الموضوع: سم الله عدوك يبا ماكنت داري أن الفيلا اللي جنبنا فيها ناس!!!!
الاب ..يتأكد: قصدك الفيلا البيج؟؟؟
زياد ...بتأكيد: أي نعم يبا
الاب : هذي الله يسلمك من 4 اسابيع بس سكنوها ناس واللي ساكنها كان يحضر الدكتوراه في كندا وتوة راجع من هناك .
زياد ...يرد: وانا اقول مافي هناك احد ابد.
الاب...باستغراب: وأنت وش دراك عنهم.
زياد ماصدق قال لابوة كل السالفه
الاب ...يضحك: ههههههههههه الله يهديك ياولدي كان انتبهت.
زياد: عاد هذي الكتبه.
الاب ...بجديه: يصير خير انشالله ....باشوف ابوها وبأسأله.
وفي بيت عهود
عهود ماخبرت امها انه دعمها رجال قالت انها طاحت وبس
وفجأه والكل جالس الاب والام وعهود دق الباب
الام ..توجه كلامها لعهود: أحد بيزورك.
عهود : محد قالي انه بيزورني.
ودخلت الخدامه وقالت انه جارهم ابو عماد.
ابو عهود : انا بروح له واقلطه انزين وانتو جهزو عشى.
أم عهود : أنت تامر انشالله.
ابو عماد وهو داخل: السلام عليكم.
ابو عهود: وعليكم السلام والرحمه ...هلا والله بالجار الله يحيك اقلط تقهو.
ابو عماد.: زاد فضلك اخوي .
ابو عهود جاب القهوه وهو يقهويه: اتفضل ومد الفنجال.
ابو عماد:تسلم الله يزيد فضلك.
ابو عهود:ياحيا الله بو عماد هذي الساعه المباركه.
ابو عماد حب يدخل بالموضوع: ها يابو عهود كيف البنت انشالله بخير؟؟
ابو عهود....مستغرب: الحمدلله صحتها بخير ...ويسأل ...أنت ايش دراك؟؟
ابو عماد : ولدي الله يسلمك هو اللي دعمها.وجيت اتطمن عليها تخبر ام العيال الله يرحمها وماعندي بنات كبير ولا زاروها والله.
أبو عهود: أهاااااااااااا وانا اقول بنتي اليوم كله خجلانه حيل وماتكلم ....اثريت الولد دعمها.
ابو عماد: تعرف انت البنات كله مستحيات
ابو عهود: ماعلينا انت كيف صحتك انشالله بخير
ابو عماد: بخير وعافيه اخوي ...........وكيف شغلك انشالله زين؟؟؟؟؟؟؟
ابو عهود: الحمدلله اخوي شغلي زين لكن هالجرائم كل مالها وتزيد .......
ابو عماد : ليش ياخوي ايش صاير؟؟؟؟؟؟؟؟؟
ابو عهود: السرقات والخطف متزايده في بلدنا بشكل ملحوظ وهذا شي يخوف.........
ابو عماد: والله...........وانا كنت احسب انا ماعندنا غير مشاكل الطلاق؟؟؟؟؟؟؟؟؟؟؟
ابو عهود: وهذي مو قليله بعد تدري ان ثلث نساء بلدنا أما مطلقات او ينظر في أمر طلاقهن بالمحاكم.........
ابو عماد ....بشهقه :لااله الا الله
ابو عهود: الدوله مو مقصره تنظر في امرهم وتحاول تصلح ذات البين لكن الاغلبيه يتم طلاقها والزود ان الاهل الله يصلحهم ينسوا ان في اطفال يضيعون بعد أهلهم ويكونون بذره شر في البلد بدل ماهم بذره خير........
ابو عماد: من وجهه نظرك كخبير في القضايا هذي تشوف الغلط على من؟؟؟؟؟؟؟؟؟؟؟؟
ابو عهود: والله ياخوي الغلط مشترك من بدايه الاهل اللي ماعرفوا يختار و لبناتهم لين الزوج اللي يدمر بيته بالمشاكل او العنف او حتى المسكرات والمخدرات والعياذ بالله.........لين البنت اللي تكون الضحيه لكن ماتضحي منشان اطفالها وبيتها تكون هي والزمن على عيالها
ابو عماد: لاحول ولا قوة الابالله
ابو عهود: ونعم بالله
أبو عماد وهو يقوم: قهوة دايمه انشالله.
ابو عهود: وين اخوي........بدري والله ....تعشى عندنا.
ابو عماد: بدري من عمرك اخوي ...تعرف اشغالي مااقدر اخليها....وخصوصا اني قريب باسافر انشالله.
ابو عهود : صحيح وين بتسافرانشالله؟؟؟
ابو عماد : النيروج ....فرع الشركه هناك محتاجني.
ابو عهود : الله يعينك.
وودع بو عهود ابو عماد
ودخل ابو عماد على اهله
ابو عماد: السلام عليكم:
الكل : وعليكم السلام
زياد كان مو قادر يتحمل يناظر لابوة ينتظر كلمه ولا حتى نظرة:اشفيه هذا حاقرني ولا كني ولد له ومهتم........
ابو عماد : كيفكم ياعيال انشالله بخير
زياد ماقدر...خلاص: اقول يبا كيف جيرانا انشالله كويسين؟؟
ابو عماد ...يعني انه مافهم:الحمدلله طيبين ويسلمون.
زياد ...قعد يتحقرص: يباااااااااااااااا
ابو عماد: كلهم بخير مايدرون ايش صار.
عماد :يبا وش فيه؟؟؟
زياد: لا مافي شي.
عماد.........استغرب من اخوة: أنا ماسألتك!!!!!!!!!!!
الاب:ههههههههههه ولاشي ياوليدي ماصار شي.
واليوم الثاني قعد زياد يسوي رياضه المعتاده ومر من جنب بيتهم ماشاف احد:يسأل روحه: غريبه مو مداومه اليوم؟؟؟؟؟؟؟؟؟؟؟كيف ياربي اكيد تعورت مرررررررة هاللي مخليها ماتبغى تداوم .......

ودخل داخل وأخذ دش وطلع لبلكونه وتم يطالع بيتهم وشافها طالعه..............ماكان مصدق ان هذي البنت
اللي سلبت لبه وناظره (كانت لابسه عبايه راس ومغطيه وجهها بالكامل وشايله شنطه ع الكتف وبيدها ثلاث كتب ولابسه جوت رياضي كان شكلها كيوت مره وركبت بخفه وأناقه)
كل هذا وزياد يطالع " عماد حس ان رجوله مو شايلته قعد ع طرف السرير وقال ( إلينك طحت يازياد ولا حد سمى عليك) حس باحساس غريب مو طبيعي ولاقد مر عليه في حياته السابقه والحاظرة ...........ليش هالتفكير يجيه حيال هالبنت بالذات ماكان قدامه الف بنت وبنت ماحز بخاطرة ولا التفت حتى لهن ........طيب هالبنت مافيها ميزةو قصيرة وشوي دبدوبه بس لها قوام متناسق ..........اللي حتى وجهها ماشفته.....وشوي لبس زياد ونزل تحت
هايدي : زياد؟؟
زياد :سرحان.........................
هايدي : زياد؟؟؟
زياد: ................................
هايدي تأشر للي قعد قدامها وهو مو حاس" تحرك يديها يمين وشمال: ياهووووووووووووووووونحن هنا !!!!!!!!!
الحين زياد انتبه:هلاااااااااااا
هايدي : لاوالله هلا وطل بعد .....وين الاخ؟؟؟؟؟؟؟؟
زياد : مو بعيد ماطلعت......
هايدي: أحلف.
زياد :ضحك وماعلق.
هايدي : شفت يالعيار ماطلعت؟؟
أفطرو وراحو للمدرسه
شاكر بالفسحه ماخلا زياد
زياد : خلاص ياخوي قلنا لك اسفين........
شاكر بضيقه: وين اصرفها هذي ؟؟؟؟؟؟؟؟؟؟قولي...........يكفي الفشله اللي حصلتها من الشباب..........ضحكوا علي ليمن قالوا بس
زياد: انت ماقصرت فيني بعد..............احرجتني...........
شاكر يقلده...........أنت ماقصرت فيني..............وسكت شوي بعدين انفجر مثل الصاروخ...........انا احرجتك لحالك..............أنت قدام امه لا اله الالله...............
زياد: بسم الله...............شوي شوي ..............الشباب يناظروا لنا..................وبحنيه: خلاص خلاص............غداك اليوم على حسابي.........
شاكر يطالعه بنص عين: بشرط..............
زياد : وشروطك مجابه...............
شاكر :اسمعه الاول؟؟؟؟؟؟؟؟
زياد : اتفضل ..............
شاكر : بكل صدق وصراحه.................وبدون كذب..........
زياد شك؟؟؟؟؟؟؟؟؟؟؟؟؟؟:انشالله..........
شاكر: السالفه فيها بنت؟؟؟؟؟؟؟؟؟؟؟؟؟؟
زياد اخذ نفس وناظر للارض وظل ساكت
شاكر: وبهدوء: أنا اقول ان السالفه فيها بنت..................بس لها الدرجه قلبت كيانك؟؟؟؟؟؟؟؟؟
زياد يناظر قدامه وبعفويه يرمي الحصاه برجله وهو حاط يديه بجيوبه: اقولك خلني ساكت احسن...........
شاكر بضحكه سخريه: يقلد الاغنيه.............كلام جميل ...........وكلام معقول وبيكمل ناظر له زياد بنظره ناريه
شاكر : احم احم.............خلاص سكتنا.............اقول .............تقدر تقول شعورك ......بايش حاس.........
زياد يناظر له وعلى شفايفه ضحكه خجل وبسرعه يطلع يده من جيبه ............وينزل طاقيه شاكر على وجهه ويمشي عنه............
شاكر: يابن الحلال خلص...............ماراح اسأل ..........ياعمري على الحيا كله يانس..........
زياد: مو اقول كنك صرت ولد .................
شاكر: وانت البنت هههههههههههههههههههههههههههه
ومرت الايام كلن بحاله
ابو عماد من سفره لسفره
عماد : مشغول بدراسته على الاخر ويخطط لمشاريع مباني سكنيه عطته اياها الشركه الموظف فيها مسائي
وزياد قلبه الصغير بدى يتفتح على اشياء اكبر منه ..........ومراهقته كانت من اولها هاديه
هايدي: فيها كثير اشياء ماتقدر تقولها لاحد لان ماعندها والده تكلمها وتشرح لها مع ان دادا سوزان مو مقصره معها وتجيب لها كتب وتحاول تدردش معاها لكن مافي غنى عن الوالده مهما كان
وعهود اللي كانت دلوعه اهلها وماشعرت بشي ولا حست به الا من يوم ماشافت ذاك الولد هذاك اليوم رغم سفرها وشوفتها لملايين الشباب .......مااثروا فيها
وبقيه العوايل اللي بيدخلوا لحياتنا كمان شوي

وبقو على هالحال 3 اشهر ماحيلته الا انه يناظرها مع الشباك ولا يقدر يروح صوبها ابد.

اليوم الثلاثاء وزياد كان قاعد في الحديقه العصر يكلم عمره:.........ياربي أنا كيف اوصل لها؟؟.........وليش اوصل لها.......بعدي صغير يبي لي كم سنه أممممممممممم 4سنين دراسه وسنتين الوظيفه .............أوهوووووووووووو ..........طيب ليش ماأخطبها الحين...........زياد أنت صاحي........لاحول أنا ليش أسوي بعمري كذا ؟؟؟؟؟؟؟؟؟؟؟؟
وهو يفكر أنا بارسل لها بلوتوث لعلها ترحم بحالي؟؟؟؟؟؟؟
وارسل بلوتوث لاقرب جوال.....أغنيه راشد الماجد
من يقول أني لغيرك....
أنا لك ماني لغيرك.......
أنا متعلق مصيري......
ياحبيبي في مصيرك.......
ووصل البلوتوث لجوال ملقب حاله
(((زهرة الياسمين)))
بها الوقت عهود كانت قاعده بالحديقه وجاها البلوتوث وسمعت موسيقاها
عهود: يحليلهم من اللي تذكرني وجيت على باله؟؟
عهود تفتح الرساله وتشوف رقم غريب وتناظر بالبطاقه وكانت حلوة
عهود: غريب من اللي مرسلي بطاقه المسافه 8 امتار ؟؟؟؟؟؟؟؟؟؟وتناظر حولها وبعفويه حذفت الرساله كلها
وشوي ارسل لها باسمها زهرة الياسمين وع طول حذفتها
زياد يكلم عمرة: وبعدين مع الياسمين حلو لقبها ....بس طلعت بنت اللي مو راده على البلوتوث وبعد قفلت البلوتوث عندها
وداخل الصاله بيت ابو عماد
عماد :أقول يبا.........
الاب : خير ياولدي؟؟
عماد قبل لاتسافر الاسبوع الجاي ابيك تخطب لي؟؟؟!!!!
الاب ...متفاجئ: صدق ياولدي.
عماد: أي نعم يبا :
الاب بفرحه ظاهرة: ألف مبروك ياولدي برايك بنت معينه.
عماد: لاوالله يايبا ....ياريت توصي عمتي مريم تدور لي على بنت حلال تكون طيبه وأميرة.
الاب: ماطلبت شي ياولدي.......قبل لا اسافر باقولها.
عماد: يبااا لا تسافر مرة ثانيه.
الاب : ماتوقعتها منك .........توقعتها من هايدي..........انت تعرف طبيعه شغلي ياولدي.
عماد : انت يبا تعرف ان سفرك يأثر علينا
الاب: ادري ياولدي لكن ماباليد حيله.............
عماد : الله يوفقك يبا.
واليوم الثاني الاربعاء أبو عماد وهو زاير أخته.
ابو عماد:ها يأم سعود ايش قلتي.
أم سعود: والله ياخوي لو اعرف ازغرد كان زغردت
بدخله سعاد : مين اللي يزغرد؟؟
الام : أنا يابنتي.........
سعاد ماسألت ع طول:كلللللللييييييييييييييييييييي كلللللللللللليييييييييييييييي ع طول
الكل : ههههههههههههههههههههههه
الام : طيب أسألي ليش.
سعاد: عادي دامها فرحه .........وتذكرت صحيح ليش.
الام: ابو عماد بيخطب حق عماد
سعاد هنا انصدمت: صدق.
الام : أيو صدق
سعاد تكدرت من الخاطر وخافت لانها ماتحب عماد ابد وخايفه امها تقول لها تاخذه.
الام فهمت: لاتخافين ما راح اخطبكي حقه.
سعاد ببراءه .:صحيح.
هنا ابو عماد وام سعود ضحكو من الخاطر: ول لها الدرجه ماتدانينه
سعاد مستحيه: لا مو كذا لكن تعرفون قبل دايم يعصب علي ويصارخ ومنها قلبي كش منه وصار مايحبه.
ابو عماد : لا يابنتي مانعطيك الا اللي تحبيه وتريده
سعاد : أجل مبروك ياخالي.
ابو عماد يكلم اخته: عاد مااوصيك اختي لاتطولين علي تراي ثلاث اسابيع وراجع.
أم سعود: تبشر ياخوي مايصير الا اللي يسر خاطرك.
ابو عماد لهن: يلا ياختي بحفظ الرحمن
أم سعود : بحفظ الرحمن اخوي ودربك خضراء.
وقعدت أم سعود وتكلم بنتها: والله مسئوليه الحين مين اختار له ياربي؟؟؟؟؟؟؟؟؟
وقعدت تفكر وبنتها جالسه
بنتها فجأه : لقيتها يماااااااااااا
الام: بسرعه مين؟؟؟؟
سعاد: يماااااااااا تعرفين ام عاشق اخت أم عماد الله يرحمها؟؟؟
الام : أيوا اشفيها يابنتي؟؟؟؟
سعاد : عندها بنت فلقه قمر.
الام بخيبه أمل: بس هاذي كبيره عليه.
سعاد تدارك أمها: يما مو شوق ............الجوهرة!!!!
الام: صدق والله انا نسيت الجوهرة برغم اني من سنين مو شايفتهم لكن اكيد بتكون بجمال اختها واكثر بعد.
سعاد: انا كل يوم اشوفها.
الام : صدق وين؟؟؟
سعاد: في الجامعه لكن هي علوم طبيعيه وانا تربيه خاصه يمكن كلمتها مرة او مرتين طول الترم.
الام : طيب يمكن مخطوبه
سعاد: مااظن مااعتقد؟؟؟؟؟؟؟؟
الام تسأل: وليش اختها ماأنخطبت للحين؟؟؟؟؟؟؟؟
سعاد : اظن يماااااااا انها انخطبت كثير لكنها ترفض.
الام: والله ليش ترفض.
سعاد: لان اكثر اللي يخطبوها يطلبو منها تترك وظيفه التمريض لانه تعب ودوامات معقده وفيه اختلاط وهي تحب عملها كثير وتشوف فيه الاجر الكبير.
الام: مسكينه عاااااد قطعه قمر انا كنت منهبله عليها وانا مرة والصغار عيالي منهبلين عليها خصوصا ماجد حتى بعد ماجانا بعد وفاه ام عماد يظل يذكرها دايما ومو ناسيها...........تشوفي هالوغيد هبلته كيف بالشباب الكبار.
سعاد: عاد مو ذنبها هذا جمال رب العالمين انا من سنه صدفتها بالمستشفى حتى كحله عاديه مو حاطه.
الام: الله يوفقها ويرزقها ع قد نيتها.
سعاد: الا صحيح يما ليش ماجد قعد بالرياض يوم رحنا لابها محد قالي.
الام تضحك: هذا الله يسلمك ماجد كان صغير بثاني ابتدائي وكان متعلق بمدرس الرياضه عندهم حيل ويوم قلنا بننقل قام يصيح ويبكي ورفض الاكل .....عاد ام عماد الله يغفر لها قالت الا تتركوة عندنا وحنا نربيه وتعرفين كنتو ماشالله حولكم خمس وكنت حامل بمحمد فما صدقت قالت بتاخذه خليته عندها ويوم توفت جبته عندي.
سعاد: الله يرحمها مرت خالي كانت طيبه حيل
الام: هيه الله يغفر لها انشالله.

بالنسبه لام سعاد: فهي ست بيت من الدرجه الاولى .........ملامحها عاديه لكن عندها حنان وقوه غير طبيعيه........وقدرت تربي هالعيال وتتحمل ابوهم اللي كان عصبي جدا ومع ذلك طيب جدا
اما سعاد: فكما ذكرت من البدايه هي بنت عاشت وسط 6 اولاد فطبيعي جدا تكون ماخذه طباع الاولاد ........الاستقلاليه والنرفزة بسرعه .........والغرور احيانا وحتى لبسها دايما بدل وشعرهها ولادي .........وتلبس النظارات على طريقتهم..........والشي الوحيد اللي اخذته من البنات الحيا هي تستحي مره ويمكن هذي الخصله الوحيده من البنات

ياترى بتروح ام سعود لام عاشق؟؟؟
وكيف بيكون موقف الجوهرة؟؟؟
وايش بيقول عماد عنها؟؟؟

**الكنج** · 11-07-2007, 08:32 AM

الصراحه قصه جميله جدا

كعادتك نوني تبدعين في

نقل القصص الحلوة الرائعه

**نوني الحلوه** · 11-08-2007, 05:48 PM

الجزء الثالث

أم سعود أخذت موعد من ام عاشق وكان اليوم الاحد الصبح الساعه عشر
أم سعود وهي داخله:السلام عليكم
أم عاشق: وعليكم السلام ورحمه الله وبركاته
ام عاشق: ياهلا غلا بام سعود...........تو ماتبارك البيت ياوخيتي
أم سعود: مبروك باهله .......كيف حالك وكيف العيال والبنات
أم عاشق: بخير ونعمه
وجلسن شوي يتقوهن وأم سعود بتفتح الموضوع
أم سعود: اقول اختي تهاني ..........كيف الجوهرة انشالله بخير.
أم عاشق باستغراب: الحمدلله بخير وتسلم.
ام سعود: والله مادري ايش اقولك يام عاشق.
أم عاشق تفضلي ياوخيتي ولاتستحي.
أم سعود: تعرفين بناخك عماد.........
أم عاشق وكيف ماعرفه هذا ولد الغاليه
أم سعود: قال لابوة انه بيتزوج وشاوروني وقلت مانلقى احسن من بنتنا الجوهرة له.
أم عاشق : هذي الساعه المباركه والله
أم سعود:بس ياوخيتي ودي قبل لاتقولي لها ويصير الموضوع رسمي انه يشوفها .
ام عاشق : حقه وانا خالته( عندنا يمكن النظر دون علم العروس حتى اذا لم يكن هناك نصيب لاتؤذي مشاعرها)
أم سعود: طيب ايش رايك تزوروني الخميس انشالله عقب صلاه العصر انشالله
أم عاشق: صار خير انشالله والله يتمم لهم على خير قولي آآآآآآآمين
أم سعود: آمين.
أم سعود: يلا من رخصتك يام عاشق.
أم عاشق : وين وين تو الناس تغدي عندنا:
أم سعود بضحكه: ههههههههه وفريق كره القدم اللي عندي من يطالعه ........انا اتغانم الصبح محد عندي وآخذ راحتي
أم عاشق : الله يكون ف عونك سلمي على سعاد
ام سعود: ياصل انشالله.
أم سعود طبعا فرحت وخصوصا انها شافت صورة الجوهرة على الجدار وعجبتها مرة وراحت تتصل على عماد على طول

ام عاشق
ام لعيله تعتبر في مجتمعنا نموذجيه
الاب عاقل جدا ويعتبر اولاده اصحابه ماخذ بالمثل اللي يقول اذا كبر ابنك خاويه
وبنتها الكبيره اللي تسير بخطى ثابته لتحقيق كيانها وذاته المستقله وكانت صبورة جدا هذي البنت لانها ساعدت امها على تربيه اخوانها لكنها لسى ماجاها نصيبها وامها بتفكير العجايز خايفه على بنته من كلمه (عانس)
وعاشق : اللي باقي له سنتين ويكمل مشواره التعليمي ويبدا الحياه العمليه وهو انسان هادي لابعد الحدود اصدقائه محدودين ومعروفين ويزورونه في البيت وهاذ اللي مخلي ابوة يكون متريح منهم
والجوهره اللي مثال الرقه في البيت والكل يحبها ويعتبرها صغيره البيت كله

بعد ماوصلت ام سعود لبيتها دقت على عماد..
عماد تو طالع من النادي وشاف الرقم واستغربه لانه مو مخزن رقم عمته: ألووووووووو؟؟
ام سعود:هلا والله بوليدي القاطع ماتعرف تقول لي عمه اقولها الو........
عماد: عمتي مريم؟؟؟؟؟؟؟؟
أم سعود: لا ابو الهول؟؟؟؟؟؟؟؟؟كم عندك عمه ياولد؟؟؟؟؟؟؟
عماد :هههههههه سامحيني عمتي كيف حالك
عمته: الحمدلله ياوليدي ............زين وشلونك وشلون خواتك؟؟؟
عماد : كلهم بخير ويسلمو.........
العمه: وينك ماتزورني ياوليدي.......
عماد تعرفي عمتي وقتي مزحوم على الاخر وماافضى(عماد خلص ثلاث مشاريع تجاريه ويشتغل في اثنين ثانيات )
العمه : الله يعينك ياوليدي لو مايقولي سعود اخبارك ماكنت اعرفها.
أم سعود: اقول عماد .............عاد مافيه............. لازم تزورني.........
عماد : انشالله عمتي اول ماافضى بازورك وحق واجب علي.
ام سعود: لالالالالا يوم الخميس بعد صلاه العصر انشالله تكون عندي.!!!!!!!!!
عماد مستغرب: ليش عمتى الخميس بالذات؟؟؟؟؟؟؟؟؟
ام سعود: عماد.......مااخبرك تهذر واجد ...........تجيني الخميس بدون أسئله.
عماد باستسلام: تامري عمتي الخميس عندك انشالله.
أم سعود: خلاص ياوليدي كلمه اكيده الخميس وانا باتصل فيك يوم الخميس الصبح اذكرك.
عماد خاف: خير عمتي ايش صاير؟؟؟؟؟؟؟؟؟
أم سعود: ماصاير شي ياوليدي لاتخاف.
عماد: أكيد؟؟؟؟؟؟؟؟
ام سعود: أكيد ..........يالله فمان الله ياوليدي.
عماد :فمان الله عمتي.
عماد استغرب من عمته وليش الخميس بالتحديد لكن قال أن الخميس قريب وأن غدا لناظرة قريب.
ويوم الثلاثاء العصر زياد كان قاعد في الحديقه رجع من المسجد وماشاف احد وجلس على الكراسي الخشب اللي في الحديقه وشاف هايدي والخدامه داخلين.
هايدي : السلام عليكم
زياد : وعليكم السلام ..........هلا وغلا هايدي.......سلامات ايش فيك تعبانه.
هايدي: أي والله ضرسي يألمني
زياد: لا الف سلامه ماتشوفي شر ........أوديك المستشفى
هايدي: مالا داعي رحت جارتنا وعطتني دوا قبل ماتدوام.
زياد: مستغرب: ليش جيرانا اطباء؟؟؟؟؟؟؟؟
هايدي: لا بس أم عهود طبيبه اسنان وعطتني مسكن
زياد قلبه بدي يدق بقوة:أي بيت ؟؟؟؟؟؟؟؟؟قال يمكن ابو عهود ثاني هذا؟؟؟؟؟؟؟
هايدي وهي تأشر على بيت عهود: هذا ك البيت اللي كله جبس.
زياد مو مصدق: والله!!!!!!!!!والله رحتي لهم؟؟؟؟؟؟؟؟؟
هايدي مستغربه: ايه ايش فيك رحت يمهم وجيت.
زياد مابغى يفضح عمره: لا .........لا ولاشي!!!
زياد: وليش ام عهود ماعندها اولاد؟؟؟؟؟؟؟
هايدي: مسكينه ماعندها غير عهود.
زياد قلبه وقف....حس انه دايخ(في خاطره):ياقلبي عليها ماعندها الا هالجرح...........ياويل حالي انا
هايدي تشوفه سرحان:هيييييييييييه وتاشر بيدها هييييييييييييييه!!!!!!!!!!!!!!!!
زياد ........أنتبه : ها ويش فيك
هايدي: اللي ماخذ عقلك؟؟؟
زياد: لا سلامتك
هايدي: لكن بيتهم مرة جميل نافورتهم احلى عن نافورتنا كثير.
زياد: واكيد بنتهم الحين دلوعه؟؟؟؟
هايدي: لا حرام عليك تظلمها ..........وربي حليله وطيبونه .......أنا وهي طول بعض( هايدي رغم انها صغيره طويله على والدها)
زياد: لكن اكيد مهي حلوة؟؟؟؟؟؟؟؟
هايدي فهمت انه يبي يعرف شكلها:أي اخوي انت قلتها مهي حلوة بنوب. (هههههههه تشره اوصف لك بنت ............خبله انا)
زياد فتح عيونه: معقوله؟؟
هايدي ضحكت من نيتها: أي ابد مهي حلوة أمها احلى منها كثير.
زياد: غريب ابوها حلو
هايدي اتورطت: تلقاها طلعت على احد من اهلها مهو حلو
زياد : يمكن
هايدي: يمكن............اخوي
زياد: سمي!!
هايدي: سم الله عدوك اخوي .......بغيت اروح انا والدادا لليورومارشيه المغرب
زياد: ليش يعني
هايدي أنحرجت: باجيب شويه أغراض لي وهي بتجيب للبيت(وكانت حبات العرق تنزل على جبينها وهي كذا دايما لمن تنحرج)
زياد فهم: أنشالله خير خلاص روحن وانا فاضي باروح معكم.
قامت هايدي وسلمت وهو ناظر لها ليمن دخلت وقال من خاطرة( الله يرحمك يايماااااااا)
طبعا هايدي من عمرها 10 سنين توفت امها...........وهذا السن الحرجه لاي بنت او ولد.......يعني ماحست بحنان الام ولا بغضبها ولا باي شي وهذا اللي مخليها اكثر وقتها حزينهوماعندها صاحبات فكانت الوحده والحزن ملازمين لها دايم..........وان كانت ماتحب تبين هاذا الشي قدام احد وخلى اللي يشوفها يحسها اكبر من عمرها بكثير
هايدي دخلت وطاحت ع السرير صياح ودخلت عليها المربيه اللي حسبه امها من توفت امها
المربيه: شو هيدا ليش البكي؟؟
هايدي: مافيني شي خليني لحالي
المربيه: شو هيدا اتركك لوحدك مستحيل ( وتمسح على راسها) ليش البكي انا زعلتك بشي ؟؟
هايدي رفعت راسها على طول وبراءه: لاااااااااطبعا
المربيه ابتسمت ولعبت عليها: لا زعلانه مني اكيد اليوم ماحاكيتيني
هايدي :لاوالله يادادا مو زعلانه منك صدقيني.
المربيه بابتسامه: أجل شو مزعلك
هايدي: أتذكرت امي واتمنيتها عندي.
المربيه حضنتها على طول: هي أللي الله كاتبو بيصير يابنتي مالنا الا ندعي لها.
هايدي: أدري بس
المربيه: لابس ولا شي هلأ بدك تستعدي منشان نروح المول خلاص وباشتريلك كل اللي بك ياه وماتستحي مني ابدا انا اللي ربيتك ع إيدي.
هايدي نزلت راسه مستحيه: أنشالله دادا
المربيه طلعت وهايدي تناظرها وقالت: يالله يادادا لو ماكنتي هنا ايش كان بيصير لي؟؟؟
ورفعت يدينها ( الحمدلله رب العالمين على النعمه اللي عندي واللي غير فاقد لها)
كانت طيبه وقنوعه ماتذمرت ولا حزنت وشكرت ربها لانها تدري ان غيرها مو فاقد حنان الام وبس يمكن كان فاقد الاب او حتى ماعندها المكان اللي يسكن فيه وهذي حاجه طيبه في هايدي.

واليوم الخميس موعد أم سعود مع ام عاشق
ومن الصبح ام سعود تتصل في عماد
أم سعود:وراه مايرد هذا على الجوال؟؟؟وتدق مره ثانيه
عماد: نايم ويالله وصل للجوال: .........الو؟؟
ام سعود:الو عماد الله يهداك وراك ماترد على تليفونك؟؟
عماد : نايم عمتي
أم سعود بعصبيه : صليت؟؟؟؟!!!!!!!!!
عماد :لاو الله لين الحين ليش كم الساعه؟؟
ام سعود: الا يامسود الوجه ........قم صل نايم بعد.......مزامير الشيطان على اذانك اليوم ماقمت
عماد عمتي شوي شوي ويناظر للشباك: الساعه كم
ام سعود بعصبيه: 6ونص !!!!!!!
عماد طاح ع السرير : عمتي الشمس ماطلعت للحين وربي هبلتيني
ام سعود: بعد بتنتظر لين تطلع الشمس.........بتغير نظرتي عنك
عماد : خلاص عمتي اسمحي لي باوضي واصلي.
أم سعود: خلاص
عماد .قبل لاتقفل تذكر: الا عمتي انتي ليش داقه؟؟؟؟؟؟؟؟؟
ام سعود : شفت جيت انسى الموعد .
عماد : أي موعد عمتي
ام سعود: (أفاااااااااااااااا) والله نسيت موعد العصراليوم؟؟
عماد: أي والله صادقه ماعليه عمتي تو ماقمت من النوم
ام سعود بعصبيه: أيش نسيت والله لازعل
عماد وهو مو فاهم شي: لا لا عمتي خلاض باكتب ورقه واعلقها عشان ماانساه
ام سعود: سو اللي تبغى المهم لاتنسى
عماد: خلاص فالك خير انشالله
ام سعود: مع السلامه
ام سعود: مع السلامه.
وقام يتغسل وياخذ دوش عشان يصلي وهو مستغرب من اصرار عمته الغريب على زياره لهم اليوم ولاااااااااا بعد صلاه العصر؟؟
ويوم جت الساعه 4 الا شوي كان بالسياره متجه لبيت عمته ويأذن المذن نزل يم مسجد عمته ووضأ ودخل يصلي وهو طالع صادف سعود ولد عمته
سعود يسلم على ولد خاله:هلا والله وينك من فتره مو شايفك.
عماد: الله يسلمك تدري مشاغل هالدنيا ........عاد الواحد مايدري كيف ياصل اهله.
سعود: وانت الصادق .......اقول ايش عندك تحوم حولنا اليوم؟؟؟؟؟؟؟؟عسى ماشر...
عماد يناظر له باستغراب: الوالده ماقالت لك؟؟
سعود لا والله ماقالت لي
عماد:من الاسبوع اللي فات وهي تركز على اليوم لازم ازوركم وبعد صلاه العصر بعد
سعود مستعجب:غريبه والله......ايش تبغى منك؟؟
عماد : مااااااااادري
سعود:يالله مشينا
عماد: وسيارتي
سعود: يارجال خل ( راجا ) يوصلها للبيت والله المشي يرد الروح
عماد : وانت قلتها
وقعدو يمشوب يم البيت وهم يسولفون ويتذكرون ايام زمان ومابقى عن البيت الا كم متر ومرت سياره بجنبهم (بنز فخمه)لونها اسود ودخلت يم بيت سعود.....
سعود يناظر لعماد: مين جاينا اليوم؟؟؟
عماد: علمي علمك...
ودخلو مع البوابه الرئيسيه والسياره وقت قدام الدرج اللي يودي لداخل البيت ونزلن منها حرمتين وع طول سعود نزل راسه لانه خجول مرة
وعماد يطالعه: مين هذولا؟؟؟؟؟؟؟؟؟
ماكمل كلامه الا وحده جايه صوبه
............:هلا والله بعماد ماتسلم وماتقول لي خاله اشتاق لها.
عماد ع طول عرفها:وراح حب على راسها هلا والله بخالتي شلونك وكيف حالك
أم عاشق: بخير وعافيه ياولدي ....تناظر لسعود.......أنت اكيد سعود.......كيف حالك ياولدي انشالله بخير
سعود ناظر وهو مستحي: الحمدلله خالتي بخير وعافيه.
أم عاشق: سعود وين امك؟؟
سعود: داخل حياكي خالتي
(كل هذا والجوهره تراقب الموقف وهي واقفه عند السياره ماراحت يمهم ومستحيه ومن سلمت امها على عماد مارفعت عينها عليه وتقول في خاطرها: ماشالله عليه كبر وصار رجال من كم سنه ماشفته تغير مرة....ولا بعد مملوح مثل خالتي الله يرحمها.)
عماد من جهته : مين اللي مع خالتي صديقه لها ولا بنتها ولا مين؟؟
هنا طلعت ام سعود من البيت وتناظروشافت الموقف : الحمدلله سهلو على المهمه كثير
أم سعود : هلا والله بام عاشق وهلا (بصوت عالي)بالجوهره بنتي حياكي حبيبتي ليش مادخلتي
عماد: ماشالله هذي الجوهرة صارت مره
وهنا مشت الجوهرة وكانت لابسه عباه راس مخصرة وشافها عماد وهي دخلت بدون ماتناظرولحقتها ام عاشق
وأم سعود تقول لسعود: حيي بولد خالك خليه يقلط بالمشب وقهوه
والمشب (بيت من الشعر مبطن من الداخل وثلاث ارباع بيوت السعوديه عندهم وغيره مجلس داخل البيت ومقلط)
ودخلن الحريم البيت اللي كان على اليمين مجلس رجال وجنبه مقلط والمطبخ متصلات بابواب ودرج لغرف النوم ويسار الصاله حقت الحريم كبيره وغرفه طعام
ودخلت ام السعود: وي يام عاشق وراك ماتريحتي للحين اتفضليوانتي يالجوهره اتفضلي وجلستها على كنبه مقابل شباك المطبخ تمام
وقهوتهن وقالت : عن اذنك ام عاشق دقايق وراجعه
وهي طالعه شافت بنتها نازله: وين سعاد خلك فوق
سعاد مستغربه: منو عندنا
الام وهي مستعجله: خلك فوق لين ماارسل لك الخدامه
سعاد : طلعت وهي تتحرطم :شفيها امي من جاينا الحين يعني؟؟
وداخل ام عاشق تكلم بنتها: أقول الجوهره.
الجوهره : هلا يما
الام : حبيبتي لا ترمين طرحتك (شيلتك)
الجوهرة باستغراب: ليش يعني؟؟
الام...ماحبت تبين لبنتها لانه يمكن مايجي نصيب:انتي تعرفين البيت مليان شباب ممكن احدهم يدخل فجأه
الجوهرة : انشالله يما

ياترى ايش رايح يصير بين الجوهرة وعماد؟؟
وهل بيتوفق زياد ويكلم عهود؟؟
وشوق ايش بتكون رده فعلها؟؟