[[مسـافـر مالـقى ديــرة !!]]

أنا قبلك بلا معنى أنا قبلك بقايا أنسان
مسافر مالقى ديرة تعوض عن شقا بيته

غريبة صرت في قلبك أنا قصة بلا عنوان
كتبت الشعر من قلبي بدم الجرح خطيته

شكيت الحب على قلبي علامه حطّم الوجدان
سألت القلب متى ياقلب أشوفك صرت حبيّته

كثير قلوب من حولك وأخبرك تعشق النسيان
لقيت الحب في نبضك وشعورً صادق أبديته

لقيت الحب في قلبك زهورً تنبعث ريحان
سكنت الحب في روحك وباقي الناس خليته

أنا جيتك أدور فيك مايروي ظما العطشان
لقيتك ظاميً قبلي وظما قلبي أرويته

حفظت الشوق في قلبي ووصيته على الكتمان
لقيت الشوق في قلبك على قلبي وضميته

كتبت الشعر في وصفك قصايد كلها ألحان
لجل أوصل حشا قلبك كم مرة تمنيته

أحبك كلمة معناها شعورًممتلي أشجان
أبي اكون ذاك اللي باسم قلبك تبنيته

ابي عهد ووعد منك توفي بلا نكران
ووعد مني تكون اللي من أقصى القلب حبيته

أنا أسعد بشر عادي تولع في غرام أنسان
كتبت حبه على صدري وسط القلب ضميته

بسافر في بحر حبك وابيك تكون لي ربان
أموت ولا يخون قلبي ولو خانك توطيّته

ابي أسكن وطن حبك ترا مليت هالأوطان
ابيك تكون ذاك اللي قصيدة عشق سميته