|
|
|
[
توبيكات في اي بي ] -[
توبيكات حزينه
] - [ توبيكات
رومانسيه ] - [
توبيكات اسلاميه ] - [
توبيكات منوعه
] - [ توبيكات
شعريه ] - [
توبيكات مضحكه ] - [
توبيكات انجليزيه
]
|
|||||||
| منتدى الشعر مخصص لنثر الشعر الأدبي بجميع أنواعه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
11-27-2007, 09:00 PM
|
#1 | |||
|
الرموش المظاليل
الرموش المظاليل يابنـت يلـي فـوق خـدك مناديـل......يلـي علـى فرقـاي دمعـك تهلـه لاتذبحينـي بالـرمـوش المظالـيـل.....يـم الرمـوش الناعسـه والمظـلـه يبو جديل(ن) لا انثنـى كنـه الليـل.....يشبـه ذيـول مهـاوزات الأظـلـه تشـوف خلـق الله جنـون ومهابيـل.....لاجـات بالملعـب وقامـت تفـلـه ياوردتن مالـت علـى ظفـة النيـل.....يملـهـا ريــح النسـيـم وتمـلـه بنتـن تشابـه للنـجـوم القنـاديـل.....ماهيب صورة فـي غـلاف المجلـه ليتـك تعذرينـي بقطـع المراسـيـل.....خل العتب في ماضي الوقـت خلـه واليوم ابا احكيلك جميـع التفاصيـل.....وأشرحلك الموضـوع دقـه وجلـه ابوي وصاني عـن الهـس والميـل.....جـاب الكـلام وثبتـه فـي محلـه ماتدمح الأعـذار عـرض الرياجيـل.....لأن الشرف أكبر مـن العـذر كلـه ويش العذر في بنـت ذباحـة الحيـل.....قـوم(ن) تعقـد الحبـل ولا تحـلـه وويش العذر في بنت شرابـة الهيـل.....يضمابهـا ريقـن وريـقـن تبـلـه وانتي نسل من في اللقى يتعب الخيل.....يصطي على الجمـع الغفيـر ويهلـه وهرج القفى يمشي مع القال والقيـل.....يمشيبهـا مـن حطنـى فـي سجلـه ألـي علومـه كلبـوهـا تهـاويـل.....مـن شوفنـا جالـه ثمانيـن عـلـه وما أنساك لو تنسى العرب قصه الفيل.....وطويـق يمشـي ويتغيـر محـلـه والشام ينزل من ورى هضبـة هذيـل.....محدن يجـي يمـه ولا أحـدن يدلـه وشمـر تعيـف دلالهـا والمعاميـل.....والبـن الأشقـر تتركـه مـا تزلـه وعتيبـة الهيـلا تعيـف الفناجـيـل.....ويظلمبهم من حطهـم محزمـن لـه وآلاد وايـل يتـركـون المصاقـيـل.....ايمانهـم للسيـف تعـجـز تسـلـه وقحطان مال بيوتهـا فـي المداهيـل.....وضيوفهـا تلقـى العنـا والمـذلـه ومطيـر والصمـان تتركـة وتحيـل.....وتنكـر فعـول أجدودهـا بـالأدلـه ولو لقحوا بنت العبيـه مـن شعيـل.....والذيـب يبـرك للـشـداد ويشـلـه ما أنساك لو أقطع حبـال المواصيـل.....يبـو جديـل(ن) جعلنـي فـدوة لـه
|
|||
|
|
|
|
|
12-01-2007, 06:48 PM
|
#4 | |||
|
رد: الرموش المظاليل
|
|||
|
|
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
 |
جميع المشاركات المكتوبة تعبر عن وجهة نظر صاحبها .. و لا تعتبر بأي شكل من الإشكال عن وجهة نظر المنتدى
 |
 |
العرض العادي
