قصيدة في عنيزة..

السلام عليكم ورحمة الله وبركاته


قصيدة في مدينتنا الغاليه عنيزة ..

قـال سافـر وتلقـى كـل شـىءٍ وضـده = فـي ديــارٍ بعـيـدة مالـهـا أيــات قـيـد
قلـت هـذا مكانـي فيـه ابـويـه وجــده = وش لي بدار غيـري دام داري تزيـد
موطـنـي يـاغــرامٍ مايـضـاهـا بـقــده = أشهـد إنـه تبختـر مـن وريـد إلوريـد
من شمال إلجنوب ومن جبيلـه لجـده = ذاخــرٍ ديــرةٍ لــي عشـقـهـا مايـبـيـد
كـل قطـر ٍ حواهـا جنـةٍ فــوق خــده = ياسلامـي عليهـا .. ليلـهـا لـيـل عـيـد
ماحلا الطهر فيهـا ..ماخـذٍ كـل حـده = مـن يلـوم بهـواهـا أشـهـد انــه بلـيـد
فتـحـي ياعـيـونٍ كــل زيــنٍ تـصــده = برقـي فـي جمـالٍ يوجـب إنــا نشـيـد
في عنيزة سياحه .. قل .. من لاتشده = صورة امن التفرد في الزمان الجديد
الله الـلـي حبـاهـا بـكـل شــيءٍ نــوده = درةٍ إحضنتـنـا بالـغـلا الـلــي نـريــد
فـي هواهـا نسـيـمٍ يـألـف الـخـد نــده = كل مامر شاعر طاب كيـف القصيـد
الغضاء نبـت بـر وبرهـا صـار مـده = جلسةٍ في غضاها تعطي الروح هيـد
يومها اللـي اعيشـه جـاء يبشـر بغـده = كنهـا صافـي المـاء ذايـبٍ بــه جلـيـد
طبع أهلها مكارم والكـرم مـن يـرده = نفحت الطيب تبقى مـن حفيـد إلحفيـد
رائـده للسياحـه فــي قصـيـم الـمـوده = ماتقـارن بغـيـر امــن الـبـلاد البعـيـد
ويامسافـر إلبـرا هــاك علـمـي ووده = وش لي بدار غيري دام داري فريـد

للشاعر

علي بن تركي الحربي