عاجل جداً جداً......

القصيده للشاعر بدوي الوقداني

ايامنـا والليـالـي كــم نعاتبـهـا = شبنا وشابت وعفنا بعـض الاحوالـي
تاعـد مواعيـد والجاهـل مكذبهـا = واللي عرف حدها من همهـا سالـي
لااقبلـت يـوم ماتصفـي مشاربهـا = تقفي وتقبـل مادامـت علـى حالـي
ايـام فـي غلبهـا وايـام نغلبـهـا = وايام فيهـا سـوا والدهـر ميالـي
جربت الايـام ومثلـي مـن يجربهـا = تجريب عاقـل ذاق المـر والحالـي
كم من علوم وكم مـن اداب نكسبهـا = والشعـر مـازون مثقـال بمثقالـي
اعرف حروف الهجا بالرمز واكتبهـا = عاقل ومجنون حاوي كـل الاشكالـي
قوم لاجيتها رفت شواربها بالضحـك = وقلوبهـا فيـهـا الــردا كـالـي
وقـوم لاجيتهـا صكـت حواجبـهـا = وابدتلي البغض فـي قفـاي وقبالـي
لو مت في ديرتـن قفـرن جوانبهـا = فيها وطي السبـاع القبـس مدهالـي
خير مـن ديرتـن يجفـاك صاحبهـا = كم ذا الجفـا والتجافـي والتحلالـي
حـث المطايـا وشرقهـا وغربـهـا = واقطع بها كل فـج دارسـن خالـي
واطعن نحور الفيافـي مـع ترايبهـا = تمسـي مـن الهـم خالـي البالـي
لاخير في ديرتن يشقى العزيـز بهـا = يمشي مع الناس في همـن واذلالـي
والروح وش عذرها في ترك واجبهـا = راح الحسب والنسب في جمع الاموالي
الارض جفـت واشتبـت شبايبـهـا = والغيث محبـوس يامعبـود ياوالـي
يالله مـن مزنتـن هبـت هبايبـهـا = رعادها فـي البحـر باتلـه زلزالـي
ريح العوالي مـن المنشـا يجاذبهـا = جذب الدري من جبا مطويت الجالـي
ياجاهـل اسمـع تماثيـل مرتبـهـا = فيها معاني جميـع القيـل والقالـي