مراحل نمو السحالي

**الكنج** · 12-13-2007, 02:07 PM

بسم الله نبدأ

اولاً : مرحلة الولادة

السحليه في بطن امها تسوي مشاكل وترفيس وتشويت وتتعفرط وتسوي حركات بهلوانية وبعدين تولدها امها

وهي تبكي >>>> وعلى فكرة صراخ السحالي اذا انولدت يسمعه اللي بآخر الدنيا لسانها طويل من يوم تنولد

بعكس الولد اذا طلع من بطن امه يطلع باحترام ولطافة >>>>> ماشاء الله علينا

ثانيا : مرحلة الحبو

السحليه اذا وصلت مرحلة الحبو لازم تكلبشها او تربط رجولها بسلاسل لان السحليه اذا حبت حطت رجلها

ويالله عاد دورها تلاقيها يامتكرفسة مع الدرج

ثالثا : مرحلة المشي

هذي اخطر مرحلة توصلها السحليه وانصحكم ماتخلونها تدل مكان البقالة او محل الالعاب لان من هذه الاشياء

تبتدي السحليه تحب الاسواق والله يعينك اذا ماسمعت نصيحتي ..

انت جرب وخلها تروح معك البقالة مرة وشف شو بتسوي لك اذا بغت تشتري حلاوة او لعبة وما رضيت

توديها >>>>>>> صدقني بتكرهك في حياتك

رابعاً : مرحلة دخول المدرسة

المرحلة هاذي خطيرة جداً >>> صحيح السحليه تروح للمدرسة تتعلم القراية والكتابة لكن بعد في اشياء

جانبية تتعلمها مع القراية والكتابة طبعا انتوا راح تسألوني كيف ..

رايح اقول لكم

السحليه تروح للمدرسة ولازم انها تختلط مع سحالي وبعدها تجي السحليه الثانية رابطة بكلة وردية

لازم السحليه تقلد عليها وتزعجك الين تشتري لها مثل خويتها بالمدرسة .. يعني من هذي المرحلة تبدأ تقلدالبنــــات

خامسا : مرحلة المراهقة

وفي هذي المرحلة تبدأ دلاخة السحليه >>>>> مدري ليش اي سحليه توصل لمرحلة المراهقة تصير دلخة

ومخها يصير ضعيف افهمكم كيف ...

السحليه حساسة جدا في جسمها ومشاعرها .. يعني لو تدف سحليه وطاحت وتكسرت حتت حتت حتت حتت

وايضا لو قلت لها كيف الحال >>>>لاتقولها صدق بس امزح

السحليه ماعندها تفاهم على طول تزعل

اما الدلاخـــــــة >>>>>>> في انها تصدق اللي يمدحها ويتغزل فيها السحليه تصدق على طول

سادسا : مرحلة العشرينات الشباب

المرحلة هذي مرحلة حلوة مرة للسحالي لانها في المرحلة هذي تبدأ تعدل من اوضاعها وتصير راكدة وتبدأ

تعقل شوي شوي .... بس المشكلة ايش ؟؟؟

يعني تعرفون ان السحالي في هذي المرحلة يكثرون خطابها يعني مضطرة انها تكشخ بكل عزومة او مناسبة

والام توديها معها لاي مكان تروح عشان تقول عندي سحليه واللي يبي يخطب للولد ترى هذي هي

LOoOoOoOoOoOoOoOoOoL

وفي هذي المرحلة تطلع مواهب السحالي اللي تخيط واللي فنانة في تفريك الصحون والا محترفة في كنس البيت والا اختصاصها غسيل وكوي يعني مواهب حلوووووة

سابعا : مرحلة الزواج

وهذي المرحلة هي بداية تعاسة الرجل ماتجي المصايب للرجال الا في هذي المرحلة .. يدخل الرجّال البيت

وتستقبلة السحليه بريحة بصل او ثوم وايديها فيها صابون توها طالعة من المطبخ والا تستقبله وهي تزاعق

عليه وتصفق بوجهه بذيك الورقة اللي مكتوبن فيها ( بصل وخيار وثوم وكوسا وباذنجان >>>>>> على

فكرة هذا كله تراه تمهيد وبعدها تكتب .. مجلة سيدتي .. خاتم ذهب .. شنطة جلد سحلية .. فستان
وتغيير اثاث الغرفة .. واثاث جديد للصالة .. ولاتنسى تمر الصراف وتجيب لي 5000 باروح

السوق >>>>>>>> بعد كل هالطلبات وتروح السوق

ثامنا : مرحلة الامومة

في هذي المرحلة تبدأ المشاكل الكبيرة بين السحليه وزوجها .. يعني الرجّال اللي عنده عيال كثير اقف له وقفة

احترام لانه صابر على زوجته وتلقى الرجّال في هذي المرحلة يحاول انه يهرب من البيت كثير لكن وين

ينحاش السحليه وراه وراه والله ان تطلع من تحت الارض وين مايروح تلاقيه .. اذا جلس الابو في البيت

تلاقي وجهه احمر من المنافخ على البزارين ..

والابو يعصب والام تقول معليش >>>>> احر ماعنده ابرد ماعندها

واذا كان يبي يسولف معها يلاقيها متعلقة بسماعة التليفون ومعها كيس فصفص

وتملا الصالة قشور واذا خلصت الرجّال يبي يكلمها وتقولها بكنس الصالة .....

**Samia** · 12-13-2007, 05:36 PM

احلى مرحله مرحلة العشرينيات
روح الصغار وعقل الكبار فديتهم والله

اما باقي المراحل بكيفهم
هههههههههههههههههههههههههه

يسلمووووووووووووووو

**الكنج** · 12-13-2007, 06:55 PM

هههههههههههههههههه

يسلمووووو ساااميه والله يعطيكي العمر كله

وكل مراحل نمونا فيها ذكريات جميلة وحلوة

وماتنسي ابد .......... تحياتي لكي

**حـاتم** · 12-13-2007, 10:17 PM

ههههههههههههههههههه
كفو الكنج...!

تقبل مرووري

**الكنج** · 12-14-2007, 01:09 AM

يسلمووووو حاتم

مرورك أسعدني كثيرا يا الغالي

شـكــ وبارك الله فيك ـــرا لك ... لك مني أجمل تحية .

**الـمـلـكـي** · 12-14-2007, 02:00 AM

الكنج

ههههههههه وربي حلووو الموضوع

ويعطيك الف عافية

مع تحياتي لك يااخوي

**الكنج** · 12-14-2007, 02:49 AM

تسلم يالملكي والله يديم الضحكه

شـكــ وبارك الله فيك ـــرا لك ... لك مني أجمل تحية .

**i am not easy** · 12-24-2007, 09:46 PM

الله يقطع ابليسك
ههههههههههههههههههههههههههههههههههههههههههههه
شـكــ وبارك الله فيك ـــرا لك ... لك مني أجمل تحية .