دروس في الهجوله ......

الهـــــــــــجــــــــــــــولــــــــــــــه

الدرس الاول :

**تعريفها الدوران في الشوارع بالسياره
**اسبابها الطفش
**مميزاتها الشعور بالوناسه <- يلعن ام الفله يحسام
**عيوبها احتمال توقيفك من قبل الدوريه مراداً لا محاله او انك تموت بتريله ولا باص حق بنات

**مفردها (مهجول) وجمع المذكر السالم (مهجولين) وجمع التكسير (هجولجيه)

________

***اقساااااام المهجولييييين*** <--متحمس

1- المهجول الرئيسي وهو السائق:-
وهو الذي على كيف أهله يتمشى ويختار الشوارع اللي يبي يفرها
وله الاولويه لانه صاحب الموتر ، وهو اكثر من يبذل جهد في الهجوله لانه طول الطريق مستلم الطاره ولذلك،، يجب على الباقين من مساعد سواق وغيره اتباع المثل (اهم شي راحه السواق)

2- مستشار المهجول الرئيسي ويسمى (مساعد سواق) :-
وهو اللي يجلس جنب السواق <-- اجل وين بيكون جالس خخخخخ
يستلم المسجل ويكون مسؤول عن ما يسمى ب (جو الطلعه)
وايضا يساعد السائق في الرؤيه البعيده (لا سمح الله تفتيش منا والا مناك، والا دوريه مجنبه والسفتي طافي..ألخ)

3- المهجولين الفرعيين :-
وهم الذين يكونون خلف السواق ومساعد السواق
وهؤلاء هم اقلهم بذلاً للجهد حيث انه بس جالس ومعيّن من الله خير

طبعا هذا الدرس الثاني من علوم الرجاجيل .. عفواً علم الهجوله ...
.......
***للهجوله مواتر***
كما نعرف ان السياره لها دور كبير في الهجوله
الهوا في الكفر موزون والتانكي فل
ونظافتها خارجياً وداخلياً أمراًهاماً للغايه
**الكامري = شيخاً ولحد يوصله في الهجوله ، وهو افضل المواتر زحلقتننننننن في الخط ، ولكن عيبها انها اكثر المواتر شبهتن وبلاغاتها كثيره وهذا يؤدي الى احتمال توقيفك من الدوريه بنسبه 98%
**السوناتا الجديده والهوندا اكورد = عيال عم ولا تقل ميزه عن الكامري بل لها مميزات اكثر لان سمعتها نظيفه وتوها نازله (بالعربي محد يجيك)
**الالتيما = لا اعرف عنها سوى انها موترن ليس بسهل
**الفورد ول ماركيز = وينتمون لقبيله مشهوره في امريكا ، ميزتها القوه وقدره التحمل العاليه في الخطوط ، عيوبها 8 سلندر (يعني تشفط بنزين مثل العرب اذا اذن المغرب في رمضان وطاحو في الشوربه)
**الدداسن = ام عزيّز للقوه هيبتها ، يوجد منها غماره وغمارتين ، عيبها (المراتب ما ترجع بالعربي عمودك الفقري بزاويه 90 درجه طول الطريق)
**الكرولا والاكسنت = مواتر صغيره اقتصاديه بنزينياً ، لا يستهان بها
** برق الألمان = وهي الفياغرا والبي ام و الاودي ، لم ارى في يوم موتراً المانياً يهجول ولا ادري ماهو السبب؟
_________
***انواع الخطوط ***
هناك نوعين لا ثالث لهما
1- نوع من المهجولين يفضلون الذهاب والاياب في نفس الشارع
وهذا قد يثير الشبهه اذا كثرت الروحه والجيّه
2- نوع من المهجولين يفضلون الهجوله الدائريه
مثال(خط الملك جنوباً مروراً بكبري السويدي ومن ثم الى خط الخرج واذا بتشطف المليون بخنشليله عادي ومن ثم الى الدايري الشرقي بدايه من مخرج18 نزولاً الى الدايري الى نهايه مخرج 9 ومن ثم خط الشرقيه وهلما جرا)
او
(خط الملك ومن ثم الى مخرج طريق مكه السريع ومن ثم الىامتداد كبري الخليج نهايتن الى مخرج 13 متجهن الى 14 او متجهن الى 12 نزولا الى الدايري والعوده مجددا الى خط الملك سواء من اخر مخرج 9 او الطريق الاطول وهو من جهه العزيزيه والسويدي جنوباً وهلما جرا)
وهذا النوع هو الافضل والاقل شبهتن
........
تررررررررررررررررررررن تررررررررررررررررررررررررررررررن
اوف انتهت الحصه .... وباقي ماخلصنا الدرس ....
يالللللللله لحووووووووووووووووووول
خلاص ياشباب ... نكمل الدرس الجاي في الحصه الجايه ....
.....
وان شاء الله ناخذ في الدرس الجاي :
اداب الهجوله ......
نصائح في الهجوله ....
وان شاء الله انكم تجون ...
لاحد يغيب ويروح يهجوووول فاهمين ....
يالله بايو وانتظروا الدرس القادم والاخير في الهجوله ....
مع تحيات اخوكم i am not easy

حرام عليك تبي تذبحنا

كل واحد عقله براسه ويعرف خلاصه
احنا هنا في السعودي هذي الحركات ولا شي
يسويها واحد عمره 16 سنه

انا كنت اسويه وعمري 5 سنين مايعرف يكذب

••• i am not easy •••

ينفع ادخل اتعلم

ترانيم
تبين تموتين

خلاص نعطيك سيكل تجربين فيه بـ الأول ان نجحتي رحنا لدباب وان نجحتي رحنا لـ السيارة