لحظات انكسار !!

**هلال بن مزعل العنزي** · 03-06-2008, 03:40 AM

يختلق هالصمت لحظات انكسـار
رغم مجد الصمت في عين الكسير

وازدواجيـة تصاريـح النهـار
ألزمت ليـل التوجـد بالكثيـر

إيه غربه وأنت أسبـاب الفـرار
من هدوء الأمس باحساس ٍ ضرير

استقل الوجد طيفـك واستثـار
موجة الإبحار فـي جـو ٍ مثيـر

لاذ بأوهـام المسافـه ليـن زار
ألف وسواس لضلوع المستجيـر

منك بك واهتز وأعلنهـا قـرار
أنت بالخفقه وبالهمسـه جديـر

كنت أمارس صنع دمعي بانبهـار
واكتشفت الحزن بأطباعه خبيـر

لا توصون الغـلا لا ثـار ثـار
واندفع والشك والخوف بمسيـر

الجروح أنفاس طبـع الإعتـذار
والمدامع صمـت آلام الهجيـر

والشعر هو تجربة وصف الشجار
والعناق العذب وإشغال الضميـر

والتنهد واستضافـات الدمـار
واعتلاء القمه بوقـت ٍ قصيـر

لذّة الزهد بتذكّـر كـل ثـار
وافتعال المنبـر لصفـق ٍ هديـر

يا دفاتر خاطـر القلـب المعـار
للأسى وش دون إبداع الصريـر

هب ترنيم الشعور وصاح طـار
واحتفى بالجرح حظ ٍ له شخيـر

يا انطفاءات الدروب الروح نـار
يا شتاء الموق صيفـي زمهريـر

اجتمعتي يـا كآبـات الحصـار
يا بقايا شـك ملتـاع ٍ أسيـر

واحتفيتـي بالألـم والإنـحـدار
بابتسامة خبث يا الطرف القريـر

عاشقك لوح بنكساتـه وعـار
من بنى هالمجد يصبح في الأخيـر

كان مجده غفوة أحلامه وصـار
معدم ٍ مهتم فـي ليلـه سهيـر

صار لا منهج ولا عنـده خيـار
ضايع الرغبات مجهـول المصيـر

صار يملي ولا بهـا أي افتخـار
تجربتْه لشعْر أصبـح لـه سفيـر

شعر عبّر عن معانـاة انكسـار
مجّد الصمت ببحر عين الكسيـر

**شموخ انثى** · 03-06-2008, 12:42 PM

اقتباس:

كنت أمارس صنع دمعي بانبهـار
واكتشفت الحزن بأطباعه خبيـر

لا توصون الغـلا لا ثـار ثـار
واندفع والشك والخوف بمسيـر

:
:

شآعر مبدع .. صح لسآنك

تحياتي لـ سمو قلمك

**هلال بن مزعل العنزي** · 03-06-2008, 07:13 PM

ألف تحية أيتها الأنثى الشامخة ...

**shosho** · 03-07-2008, 04:47 AM

شعر عبّر عن معانـاة انكسـار
مجّد الصمت ببحر عين الكسيـر

وووواواه من انكسار
ابى وابى ان يلتم

ابدعت حد النسيان

**MOONVIP** · 03-13-2008, 04:45 AM

:
:

لحظه انكسار شامخةٌ لـ / الأعلى

صح قلبك شاعرنا

ولـ قلمك و حرفك ألف تحية و " وردهـ"

:
:

دمت

:
:

**Samia** · 03-15-2008, 03:22 PM

اقتباس:

يا انطفاءات الدروب الروح نـار
يا شتاء الموق صيفـي زمهريـر

شاعرنا هلال
احيي فيك هذا الأبداع

دمت مبدع ,,,

**مروض الكلمة** · 04-26-2008, 04:50 PM

صح لسانك اخوي هلال "مبدع"

**همس الوفا** · 05-08-2008, 03:03 PM

قمة في الروعه ..

لاعدمنا تميزك ..

**علي القحطاني** · 06-23-2008, 08:52 AM

صح السانك يا المبدع ابيات تفوق الجمال والتأثير ؟؟
ملاحظه : اذا ابي اكتب قصيده وابي آخذ رايكم فيها شلون ؟؟
ممكن مساعده وبأسرع وقت ؟؟
عندي ابيات حزينه حييييييييييل وابي آخذ رايكم فيها ؟
وشكرا