أنزف جروح ودمع عينـي ينآجيـك00

**ريحانه** · 07-09-2008, 10:31 PM

السلام عليكم ورحمة الله وبركاته

أنزف جروح ودمع عينـي ينآجيـك
وأدري تعبت بوقفتـي عنـد بابـك

مليت صوتي مـن كثـر مايناديـك
ليته يعلمـك الحـزن فـي غيابـك

كم لي وانا احبك واداريك وارجيـك
ولا لقيـت إلا زعـلـك وعتـابـك

إن غبت رافقنـي خيالـك وطاريـك
وإن طال بعدك ما قطعت الرجا بـك

إشتقت لك وأشتقـت لأيامنـا ذيـك
وإشتقت لأنفاس العطر فـي ثيآبـك

وإشتقت أبسمع مابقي من حكاويـك
قصة غرامـك والشقـى وإغترابـك

تعال خذنـي للدفـى بيـن أياديـك
بصحى بشوفك وإن غفيت أغفآ بـك

لأزلت غالـي وإن ذبحنـي تغليـك
ولآ تضيق النفس وقت اللقـاء بـك

أمس الغلا صوتن يصحـي لياليـك
واليوم لا صوتي .. ولا شئ .. جابك

البارحـة شفتـك وفزيـت أحييـك
كني جفاف الأرض وأمطر سحابـك

علمت حزني فـي غيابـك يناديـك
مير إن صوتي مات ماجـا جوابـك

**مجرد امنية** · 07-10-2008, 03:42 AM

هلا فيـك ريحانه

سعيدين بتـواجدك بقسم الشعر

اختيـار موفق .. لا تحرمينا من ذائقتـك

نتمنى ذكر اسم الشاعر لكي يأخذ حقه ..

دُمـتِ بـِ ود..!

**R.O.L.A.N** · 07-10-2008, 03:47 AM

صح لسان قايلها

وسلمت يداك على النقل

وننتظر جديدك

**شموخ انثى** · 07-10-2008, 07:44 AM

مذهله ,

:
.

لروحك كل الورد

**القناص** · 07-10-2008, 08:37 AM

اقتباس:

إن غبت رافقنـي خيالـك وطاريـك
وإن طال بعدك ما قطعت الرجا بـك

رووعه

ريحانه

الله يعطيك العافيه

**ريحانه** · 07-11-2008, 06:58 PM

مشكوورين ع المرور الحلوو
وان شاء الله تعجبكم

**قآيد الريم** · 07-13-2008, 02:47 PM

صح لسانك ولسان شاعرها
قصيده جميله
سُعدنا بتواجدك هنا في قسم الشعر
هلا بك
لا تحرمينا من هذه الذائقه الجميله
دمتي بخير

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)