أحَاولْ أبْتِسِمْ وأنْسَى ولكنْ وشْ ينسيني..؟!

**فوق الخيال** · 07-13-2008, 08:17 AM

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني
حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني
أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني
على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني
مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني
وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني
مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني
مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!
أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني
تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني
أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني
تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني
يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني
تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني
إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني
أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني

**قآيد الريم** · 07-13-2008, 02:23 PM

في سماء الإبداع رأيت نوراً يلمع
فذهبت إلى هناك فوجدت أن هذه السماء هي هذا المنتدى الرائع
وهذا النور أتى من صفحتك الجميله.
سيدتي لك مني الإعجاب بذائقتك الرائعه.
لا عدمت هذا التميز
دمتي بود

**R.O.L.A.N** · 07-14-2008, 07:06 AM

يعطيك العافيه

قصيدة رائعة

ننتظر جديدك

**فوق الخيال** · 07-14-2008, 07:36 AM

اقتباس:

المشاركة الأصلية كتبت بواسطة قآيد الريم


	في سماء الإبداع رأيت نوراً يلمع فذهبت إلى هناك فوجدت أن هذه السماء هي هذا المنتدى الرائع وهذا النور أتى من صفحتك الجميله. سيدتي لك مني الإعجاب بذائقتك الرائعه. لا عدمت هذا التميز دمتي بود

مشكووور ياالغالي على مرورك
المنور
واعجابك ياالغالي على عيني وراسي
هذاء من طيب أصلك فديتك
احترامي

**فوق الخيال** · 07-14-2008, 07:38 AM

R.o.l.a.n
مشكوووره ياالاغاليه على
المرور المعطر
تحياتي

**ملكة الزهور** · 07-14-2008, 08:05 AM

يآآآآآآآآآآآآآآآآآآآآهـ ,,

كــلمــات راقـــت لــهـا مـتـذوقي ..

يـعـيطك العــآآآآفـيهـ ..

تـح ـــتي ،،

**فوق الخيال** · 07-15-2008, 08:34 AM

ملكة الزهور
مشكوووره ياالغاليه
على المرور الرئع نورتي
تحياتي

**dana** · 07-19-2008, 10:49 PM

تخبئين بين سطورك المشاعر المرهفه والحساسه نرى جديدك مع المزيد من الحب

**فوق الخيال** · 07-20-2008, 09:01 PM

اقتباس:

المشاركة الأصلية كتبت بواسطة dana


	تخبئين بين سطورك المشاعر المرهفه والحساسه نرى جديدك مع المزيد من الحب

dana
مشكوور ياالغالي
على المرو ر المعطر
نورت تحياتي

**طير السعد** · 07-21-2008, 04:10 PM

صـح لســان الشـاعر وسلم بنــانك ع النقل المميز

والرائع

دمتي بوود