منيرة و الفرنسي

بسم الله الرحمن الرحيم

السلام عليكم ورحمة الله وبركاته

** قصه منيره والفرنسي **




قرر الأب إذا نجحوا كل عياله يوديهم في الصيف لفرنسا.. انبسطت منيرة مرة لما سمعت هالخبر .. لأنه

صار لهم زمان ما سافروا .. من أربع سنين أو خمس ..

المهم شدت البنت حيلها في المذاكرة وأخوانها زيها .. وجت نهاية السنة

ونجحوا كلهم وسافر بهم أبوهم مثل ما واعدهم .. كانت منيرة مبسوطة بس فيه شي منكد عليها كل

السفرة .. ومخلي الأخلاق في النازل ..

أبوها شرط عليها ما تشيل العباية .. يا عباية يا ما فيه سفر .. رضت منيرة لأبوها

راحت بالعباية والطرحة محجبة بس .. البنية أول مرة تسافر بعد ما

كبرت .. كانت ماخذة راحتها أول .. لكن الحين خلاص البنت

كبرت تمشوا وراحوا وجو وما خلوا قرنة في باريس ما دعسوا فيها ..

المهم العيال شبوا على أبوهم يبون شاطئ يسبحون .. ونزلت الطامة الكبرى على منيرة .. وشلون

تروح لشاطئ بعبايتها ..

كيف تشوف أخوانها يسبحون وهي لأ.. طبعا ما لها إلا تستسلم وتطس معهم .. راحت خويتنا وهي

مطنقرة ..

وبينما العيال يسبحون ويمرحون - الله يفكهم من شر عينها - راحت هي على جنب وقعدت لحالها -

من زين الأخلاق - خبركم راكبتها أم العبيد - وقامت تمقل بخلق الله

وبينما هي كذلك

لمحت ذاك الشاب الفرنسي اللي مووووت يجنننن

طوييل .. وسيييم .. وجسمه عضلات .. ولونه برونز - لابس مايوه -

وشعره متروس جل .. ولابس ذيك النظارة الشمسية الماركة ..

طالعها وابتسم .. بغى يغمى عليها يوم شافت صفت اسنانه ..

ابتسمت هي الاخرى ..

قام ومن باب الميانة قرب قرب قرب لين ارتز جنبها ..

لا تسألون عن حالها مسيكينة .. منسبهة .. متنحة .. وفي نفس الوقت مستحية .. وكمان متوهقة

خايفة يشوفها أبوها تحاكي ذا الاطخم يقوم يسفرها لديرتها دايركت ..

التفت عليها أبو الشباب وانفلت بالحكي .. طبعا هي ثور الله في برسيمه ما تدبر وش هو قاعد يرطن ..

هو شافها توزع هالابتسامات عرف إن ما عندها دبرة ..

قام سألها :

do you speak English?

هو سأل ولا ما سأل بغت تحب راسه البنية ..

على طول يييس ..

ودار بينهما الحوار التالي:

أبو الشباب : أنتي من وين شكلك مو فرنسية – أنواع المجاملة اجل هذا شكل فرنسية تتشمس بعبايتها -

منيرة : أنا من المملكة العربية السعودية - طبعا لا تنسون إن كل هالبربرة بالانجلش -

أبو الشباب - وهو متحمس - : كيف وصلتوا هنا ؟

منيرة : وصلنا من كم يوم عادي

أبو الشباب : بس كيف عبرتوا البحر ؟

منيرة : أي بحر ما مرينا على أي بحر رحلتنا كانت دايركت الرياض باريس

أبو الشباب - مستغرب - : يعني ما جيتوا على بعارين؟!

منيرة - كن احد مدغدغها - : أي بعارين انت تمزح لا جايين بطيارة

أبو الشباب: عندكم طيارات ؟

منيرة : إيه عندنا ليه وش فاكرنا ؟

أبوالشباب : أنا اللي اعرف عن السعودية إنها صحراء قاحلة

والناس يتنقلون فيها بجمال و الحريم يركبون وهم متغطين على الجمال و الرجال وراهم شايلين براميل

البترول..!! الخ

منيرة : وين يا عمي وش ذا حنا عندنا كل وسائل التكنولوجيا في ديرتنا ..

سيارات وطيارات و كمبيوترات و موبايلات - عاد أهم شي - و انترنت و الشوارع متطورة وترى عندنا

فيصلية ومملكة - هذي مب احسن تنطق تقابل فيصليتها ولا تفشلنا برى -

أبو الشباب : أجل آسف أنا فاهم شي الواقع طلع شي آخر ، بس أنتي ليه ما تسبحين ؟

منيرة : ما أقدر أسبح لأني محجبة

أبو الشباب : أشوا انتي مو منهم ؟

منيرة : من هم ؟

أبو الشباب : اللي متشوهين

منيرة : أي متشوهين ؟

أبو الشباب: الحريم اللي يغطون وجيههم عندكم متشوهين صح؟

منيرة : لا طبعا أي متشوهين الموضوع مو تغطية بس ديننا هو اللي فرض علينا كذا درءاً للفتن - أبو

الفلسفة - أنا هناك أغطي وجهي مثلا : أنت شايفني مشوهة ؟

أبو الشباب : لا أبدا أنتي جميلة ولونك حلو ، بس مو حرام جميلات زيكم يضطهدون ؟

منيرة : ليه يطصدو .. يظهدون .. يظطهون .. - المهم اللي هي - من قال إن إحنا كذا ؟

أبو الشباب : مثلا ممنوعين من السواقة

منيرة : مين قال لك إن إحنا أصلا نبي نسوق كل حرمة وبنت لها سواقها الخاص نسوق ليه

أبو الشباب : طيب ما يقبلونكم بأي وظيفة بس مدرسة صح؟

منيرة: الدولة الله يعزها ما توظف بناتها إلا في وظايف تناسب قدراتها بس مو تدريس البنت السعودية

طبيبة وصيدلانية وسيدة أعمال وموظفة حكومية

بس الأغلب في قطاع التربية لأنه هو الأقرب لطبيعتنا البنات - الله يا الرد -

أبو الشباب : بس مانعينكم عن المناصب الكبيرة مخلينها للرجاجيل بس لا تقولين لأ

منيرة : - أخذتها العزة بالإثم وقامت تألف - من قال كذا أصلا أنت ماخذ فكرة مرة سيئة عن المرأة تتقلد

مناصب كبيرة حتى أنا بالامارة خالتي وزيرة

أبو الشباب : متأكدة !! أنا أعرف إن السعودية ما فيها حريم في حكومتها

منيرة : كل معلوماتك غلط قلت لك خالتي وزيرة

أبو الشباب : شكرا على تصحيحك لمعلوماتي و بهالمناسبة أنا عازمك الليلة

منيرة : وين عازمني ؟ - متشققة -

أبو الشباب : فيه بار جنب بيتنا أمرك ونروح له

منيرة : وين إحنا ما عندنا هالشغلات إحنا مب حقين بارات ديننا محرم علينا الشرب والرقص والاختلاط


و التبرج أولا و بعدين حرام أطلع أنا و انت لوحدنا هذي تسمى خلوة

أبو الشباب : يعني ايش خلوة ؟

منيرة : يعني بنت وولد ما يعرفون بعض ولا محرم لها يجلسون في مكان لوحدهم

أبوالشباب : طيب وأنتي الحين قاعدة معي هذي ما هي خلوة ؟

منيرة : لا هذا مكان عام ما فيه حواجز ومليان ناس

أبو الشباب : عالعموم أنا اكرر عزيمتي

منيرة : وأنا اكرر رفضي

أبو الشباب : ترى إذا قمت ما فيه تغيرين رأيك

منيرة : لا أبد







قام أبو الشباب ومشى خطوتين وبعدين رجع لمنيرة وهي على جلستها

وانحنى عليها ونزل نظارته على طرف خشمه وطالعها بعيونه

و قالها بالسعودي : أجل خالتك وزيرة هاااه ؟ لكل بنت سواق وعديتها لك بمزاجي .. لكن خالتك وزيره

هذي قوييية ..

ههههههـهههههه والله مسكيييينه هالمنيرة ههههههـهههههههـ

السلام عليكم ورحمة الله وبركاته
ههههههههههههههههههههههههههه اما منيره كاشخه بالفيصليه والمملكه ,,
يعطيك العافيه ع الموضوع الظريف سلمت يداك ويعطيك العافيه .
يســــلموو
تقبلوو مرو^_^ووري.
اما منيره والفرنسي هههههههههههههههههه قويه .

وعليكم السلام ورحمة الله وبركاته

شـكــ وبارك الله فيك ـــرا لك ... لك مني أجمل تحية .

ههههههههههههههههههههه

خليها تسلم لي على خالتها

شـكــ وبارك الله فيك ـــرا لك ... لك مني أجمل تحية .

ههههههههههههههههه

يسلمووووو

شـكــ وبارك الله فيكي ـــرا لكي ... لكي مني أجمل تحية .