طالب بدرس ماده تخصص بعالم الطيور

في طالب في الجامعة كان عنده مادة
من المواد اللي بيدرسها مختصة
بعالم الطيور ..ولما قرب امتحان
المادة آخر السنة .. الطالب راجع
وراجع لحد ما شقف حاله من
الدراسة.المهم.. دخل الامتحان وهو
واثق مليون في المية إنه جاهز وراح
ينجح وبتفوق كمان..

المفاجأة إنه الأستاذ جبلهم سؤال
واحد بس...

السؤال كان عبارة عن صور لرجلين
بعض الطيور..

والمطلوب معرفة أسماء الطيور من
شكل رجليها بس!!

صاحبنا عصب وضرب راسه وما عرف
يحل السؤال.. قام من الكرسي وراح
لعند الأستاذ وسلم ورقته فاضية
وقله: تضرب إنـتا ومادتك.. ..

رد عليه الأستاذ ببرود وقله:
اعتبر نفسك راسب بالمادة يا
حبيبي..

بعد شوية.. لاحظ الأستاذ إنه الطالب
ما كتب اسمه على ورقة الإجابة..

قلو بنرفزة : وين اسمك على الورقة
يا ولد ؟
قام الطالب رفع بنطلونه لفوق لعند
ركبه وقله

:
بحياة أمك بتقدر تعرف اسمي من
شكل رجليا