مطرب الأحذية !!!

* قليلون هم من يعرفون بدايات المطرب حسين ((سيكا)) وأنه بدأ حياته في ((سمكرة)) السيارات , ثم تركها الى الغناء باعتبار أن الاثنين نوع من الضوضاء المشروعه , ولكن الحق يقال ان الشهرة التي أصابت سيكا بعد شريطة الأول ((الشيكابيكا)) الذي وزع مليون شريط , هذه الشهرة لم تصب صاحبها بالغرور , فلا يزال مكانه المفضل للجلوس في ((غرزة)) شيحة نهارا و((بوظة)) خيشة ليلا أما اوقات نزهتخ المفضلة فيقضيها في سوق ((السمك )) او تحت كوبري امبابة.
* وفي برنامج ((مطربك المضل )) التلفيوني , ظهر ((حسين سيكا )) ليؤدي أغنيته الشهيرة ((الشيكابيكا)) وبعدها سألته المذيعة عمن كتب كلمات تلك الأغنية الرائعة فأجابها بفخر:
_ أنا محدش بيكتي لي أغنياتي .. أنا اللي بألفها من نبض الحياة .. ولما شفت ام حياتنا كلها بقت شيكابيكا من هنا ألفت الاغنية ..بس قالولي بعد كدة ان وزنها مكسور ..فأنا اديتها شوية ((سمكرة )) مع ((لحام )) .. والمسألة ((اتعدلت )) في الآخر.
عادت المذيعة تسألة وهي تسبل عينيها : طب ايه رأيك في مطربيت الايام دي
فأجابها منفعلا متفتفاً : كويس انك أديتيني الفرصة أقول رأيي في ولاد ال ..تصوري يسرقوا أغنيتي الشهيرة ((كوز المحبة اتخرم )) اللي أنا ألفتها تعبيرا عن الوفاء لمهنتي الأولى ولأن من فات قديمة تاه .
فسألته المذيعة باهتمام مبربشة بعينيها : وياترى عندك الدليل على أن الأغنية دي بتاعتك؟؟
أجابها محتدا : طبعا .. هي أغنية زي دي ممكن يألفها غير سمكري أصيل فاهم أصول المهنة؟
وهنا ابتسمت المذيعة كاشفة عن طاقم أسناهنا لتسأله : ويا ترى مين اللي بيلحن لك ؟؟
فأجابها وهو يهرش قفاه : المعلم عشري كراوية .. ده أستاذ في التلحين أدى له العشر أغاني بالليل يسهر عليهم يلحنهم .. وأستلهم منه الصبح .. وفي المقاولات الكبيرة بيديني 20 % خصم .. ولو أن آخر عشرين أغنية لحنهم لي ماكانش مستواهم قد كده .
-ليه؟
-لأن اللحن ((لادع شويه )) .. والظاهر ((بطارية )) المعلم عشري كانت ضعيفة حبيتين ومحتاجة شحن!
-طب وأيه رأيك في مطربين زمان ؟
وهنا أشار الى حذائة : انتي شفتي الجذمة دي نوعها ايه .. بنص ..مش كده .. أهي الموضة دلوقتي الجزم البنص .. ودلوقتي برباط .. واللي لازم الناس تفهمه ان عبد الوهاب وعبد الحليم وعبد المطلب بقوا موضة قديمة قوي .. واذا كان عبد الوهاب أخد الاسطوانه الذهبية . فأنا أخذت (( الأبلاتينية )) الذهبية .
- وياترى ايه أحدث أغانيك في شريطك
الجديد اللي نازل السوق ؟
وهنا ابتسم حسين سيكا في سعادة وفخر كاشفا عن أسنانه الفضية واثته الزرقاء وأجابها : اولا باشكر التلفزيون اللي أتاح لي الفرصة دي علشان أقابل جمهوري الحبيبي وأحب أطمنهم أني متواجد في السوق دايما وأسعاري متهاودة بس لازم الحجز قبل بشهرين .. أما أغنيتي الجديدة فأسمها (( البيلي باه )) وكلماتها بتقول :
البيل بيلي باه..
وأنا قلبي قال الآه ..
حبك شعللني نار ..
وعاوز لي جلسة زار ..
ياناس أنا عندي أزمة ..
اكمني رايح اتجوز ..
والمهر ناقص جزمة!!
فلما سألته المذيعة عن مغزى وجود (( الجزمة )) في الأغنية أجابها معترضا :
المشكلة في عدم وجود (( الجزمة )) في المهر .. وده بيعبر عن الأزمة الاقتصادية في المجتكع ومشكلة الشباب اللي مامعاهوش يتجوز.. علشان كده محدش يطلع يتفلسف علينا ويقول ان أغنيته مابتعبرش عن مشاكل البلد

* * *


حكايات مجنونة
مجدي صابر

مركز تحميل الصور والملفات - في اي بي

مشكور أخوي عالقصة

و تقبل تحيتي