على طاري صباح الورد
:
على طاري صباح الورد, وإسمك, والحـلا والـذوق
ذكرتك يـااجمـل أحلامـي , بقافـي واستهليتـه
على درب القصيد أسوق , قلبي والخطـاوي شـوق
وإذا مالت بـي الخطـوه , علـى دربـك تناسيتـه
يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه
أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه
أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه
أحبك , إيه أحب إسمك .وأموت بجيـدك المنتـوق
و تخيل كثر مـا أكـره صـدودك , قمـت حبيتـه
تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته
رحلت , وما بقى منك سواك إنت , و عنا مفهـوق
عنـا ذاك الربيـع اللـي , غشانـي مـا تمنيتـه
تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه
قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع اللـي لأجلـك أفنيتـه
من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه
وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه
دخيل الدمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه
إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه
يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليتـه
........ من إختياري ........
الإهداءات
08-08-2008, 05:56 PM
{على طاري صباح الورد}
رد: {على طاري صباح الورد}
رد: {على طاري صباح الورد}
