أي الأطفال كنت

بسم الله الرحمن الرحيم

السلام عليكم و رحمة الله و بركاته


أي نووع من الأطفال كنت ؟؟؟

يختلف الأطفال في سلوكهم و تصرفاتهم و نفسيتهم ..

لذلك .. هناك نماذج مختلفه من الأطفال كنا في يوم من الأيام مثلهم ..



الطفل البريء

في المنزل تجده حبوب و طبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه ما يدافع عن نفسه ..



الطفل العنيد

يطبق نظام البيت بالعكس .. يسوي اللي براسه ..

ما يخاف من الأب أو الأم .. لو قلت له هذا خطر لا تقربه .. عناد فيك يسويه..

يُــضرب كثيراً في طفولته .. و مع ذلك عنيد ما يغير رايه ..



الطفل الحنّـان

يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون أهله من الصداع المستمر ..



الطفل المادي

هذا الطفل ما يرد السلام الا ( بفلوس ) ..

تعامله مع أهل المنزل .. مادي بحت ..

يستخدمونه لتوصيل طلبات المنزل .. و نقل السوالف.. و كل شي بحسابه ..



الطفل الفتّــان

تجد عند هذا النوع جميع أخبار المنزل ..

يجد المتعه في اذلال غيره بالفتنة عليه .. ماله خاتمة ..

هذا الطفل حتى لو شريت سكوته بفلوس ..

توقع تلقى أخبارك ثاني يوم في الصفحة الرئيسية .. في الجريدة الرسمية ..



الطفل الدلوع

هذا دلوع ماما و بابا .. يكرهونه باقي الاطفال لأنه مرفه و شايف نفسه عليهم..

تلبى رغباته قبل ليطلبها .. شخصيته اتكاليه جداً ..



الطفل العله

يزعجك بأسئلته اللي ما تنتهي .. يستفسر من كل شي .. حتى لو عطست ..

قالك شلون عطست .. و ليش عطست .. و شلون تكونت العطسه ..

يحرجك أحياناً .. و يمكن دائماً بأسئلته .. مرة تجاوب عليه و مرة تسفهه ..

و أكثر الأوقات ماتلقى اجابة لأسئلته .. لأنك في الحقيقه تجهلها ..



الطفل الداج

هذا الطفل مستحيل يجلس في المنزل ..

يعيش في الشارع أكثر من بيته .. خبرة و دليل في كل ممر و طريق ..

يعرف طول الشارع بالسنتيمتر .. من الممكن أن يصبح اذا كبر مهندس طرق ..



الطفل الملسون

يستانسون اهله على سوالفه .. فصيح جداً

و يلقط العبارات و المفردات بسرعة مذهلة ..

يسبب احراج دائم لأهله .. من الممكن أن يقول كلمة بالغلط للضيوف أو الأقارب ..

يتميز أحياناً بقلة الذوق و الوقاحة اذا انفعل

لا ينصح بأستفزازه أبداً ..



الطفل اللزقه

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم و يطلع معاهم ..

يـُـضرب كثيراً .. و خاصة من اخوانه اللي أكبر منه .. أو خواته ..

لأنه عبارة عن رادار على طلعاتهم ..

أحياناً يضطرون يطلعون من نافذة المنزل للهروب منه ..

و لكن للأسف يجدونه بانتظارهم في السيارة .. و يسألهم ليش تأخرتوا عليّ ..



الطفل الهادي

هذا الطفل ماله صوت أبد .. وين ماتحطه تلقاه ..

أحياناً يهملونه أهله .. لأنهم ناسينه ..

و أحياناً يلقى اهتمام زائد من اهله ..

لو يموت من الجوع ماتكلم ..

في كثير من الأحيان تلقى أهله ناسينه بالسوق أو عند الأقارب أثناء الزيارات ..



الطفل القوي

أهله دائماً في احراج و مشاكل مع الناس ..

هرمون الأجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر و توقيع ..

يمثل القائد و الفتوه .. يهابونه الأطفال ..

يتقرب منه الكبار و يتوددون له حفاظاً على سلامة أطفالهم ..



أبي أعرف الفضايح يا الله

والله من كل بحر قطره

اقتباس: الطفل العنيد يطبق نظام البيت بالعكس .. يسوي اللي براسه .. ما يخاف من الأب أو الأم .. لو قلت له هذا خطر لا تقربه .. عناد فيك يسويه.. يُــضرب كثيراً في طفولته .. و مع ذلك عنيد ما يغير رايه ..

هذا اللي كنت عليه بطفولتي

>>> بس تغيرت 180 درجه

انا يمكن كنت شي دلوعه بس مو وايد

V
V
V
V
V
V
مشكوووووووووور

الطفل اللزقه

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم و يطلع معاهم ..

يـُـضرب كثيراً .. و خاصة من اخوانه اللي أكبر منه .. أو خواته ..

لأنه عبارة عن رادار على طلعاتهم ..

أحياناً يضطرون يطلعون من نافذة المنزل للهروب منه ..

و لكن للأسف يجدونه بانتظارهم في السيارة .. و يسألهم ليش تأخرتوا عليّ ..

لاأعلم
يسلمو

الطفل الهادي

هذا الطفل ماله صوت أبد .. وين ماتحطه تلقاه ..

أحياناً يهملونه أهله .. لأنهم ناسينه ..

و أحياناً يلقى اهتمام زائد من اهله ..

لو يموت من الجوع ماتكلم ..

في كثير من الأحيان تلقى أهله ناسينه بالسوق أو عند الأقارب أثناء الزيارات ..



^^^^^^^ انا كنت زي كذا ولا زلت كذا ماتغير طبعي