إنت وضميرك

تخطي وأقول .. إن أنا المخطي ولا أتشرّه !

وتخطي بعد .. وأعذرك وآقـول مايـدري

وفي كل طاري .. يمر تخطي كـذا مـرّه !

وأخاف حملي يزيد .. وينكسـر ظهـري !

جايز .. اكون الحليـم اللـي ظهـر شـرّه

وجايز يكون الغلط منـي .. وذا عـذري .

يا صاحبـي كنـت أحبـك حيـل بالمـره

ولازلت أحبـك .. ولكـن العتـب يطـري

أحيان أشوفـك " بعيـد وخايـف آضـره "

وأحيان أشوفك قريب .. إرتاح في صـدري

ليه أسألك عن جـروح القلـب .. والحـرّه

وانت أبخص الناس في جرحي وفي حـري

يا صاحبي .. لو مسك كل ٍ علـى سـرّه !

ما كان الأحباب .. سموا حبهـم " عـذري "

وأنا تعبـت أسحـب الأحـزان .. وآجـره

وأحفر بأثر جرتي .. قبـر يغـدي قبـري

إمـا تكـون الحبيـب اللـي قـرب مـرّه

ولا عسـى الله يقدرنـي علـى صـبـري

وأنـا أحـبـك .. ولا بـآعـاود الـكـرّه

حتى ولـو كبريائـك .. صـار يستجـري

مإخترتـك تـذوق حلـو بكـاي أو مـرّه

إخترتك .. تحس بأحلى شي فـي عمـري

فـلا تكابـر .. وأنـا ماعـاد بأتـشـره !

وإنت وضميرك .. وفكـر قبـل لا تسـري !!

كلمات رائعة تسلمين و يسلم بوح قلمك الرائع
اختك جراح الصمت