لاهنت ياليـل .. تضايقت بك .. أمس ..!

**مز1جي** · 10-22-2008, 03:31 AM

دره جديـده .. اعلقهـا على الجدار ..
لتتـآملـوا جمآلهـا ..

طال المدى وابطت عن الموعد الشمس

وعيت تنومسنـي حـروف القوافـي
**

قم وإلعن الشيطان يا هاجسي وإمس

يا كثـر مـا ابلعهـا واردد عوافـي
**

لاهنت يا ليلٍ تضايقت بـك امـس

علمتنـي شـيٍ عـن البـال خافـي
**

عرفت فيك الذيب الامعط من النمس

وعرفت وقت الضيق وجـه السنافـي
**

كل الوجيه البارحه اصبحت عمـس

ما اشوف احد قدمي ولا احدٍ خلافي
**

تعكر العد العـذي بعـد مـا لمـس

يا عد .في وقت الرخآ كنـت صافـي
**

ربع الهنا والهرج والضحك والرمـس

تشابهـوا مـع لابسـاات الغدافـي
**

من عقب علو اصواتهم عودت همـس

وعقب التراحيب فرحـوا بانصرافـي
**

ليه الندم ؟..ليه اظرب الخمس بالخمس

الحمد لك ياللي عـن الخلـق كافـي
**

بان الصحيح اللي ستر عيبه الطمـس

ومن بعدها يالوقـت هـاك اعترافـي
**

ما جارني الا عباتـي مـن الشمـس

ولا ادفاني فبـرد الشتـا إلا لحافـي
**

كآنت هذه الرائعه ..
لـ .. المبدع : سآلم حمد المطيري

**لبيا** · 10-22-2008, 02:23 PM

اقتباس:

لاهنت يا ليلٍ تضايقت بـك امـس

علمتنـي شـيٍ عـن البـال خافـي
**

يسلموووو مزاجي ....

وصح اللسان اللي قالها....

دمت بتألق دوما .

تقبل مروري

لبيا....