السلام عليكم ورحمه الله وبركاته
بنات اشلونكم
معاني أسماء البنات في علم النفس :z04:
--------------------------------------------------------------------------------
أمل : طيبة قلب .. و تفكر ألف مره قبل ماتقرر بشي.
أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.
أسماء : هاديه و على طول ساكته .. و مخلصه .. بس غامضه.
ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.
بدور : مثل اسمها حلوه و مزيونه و خجوله .. بس ياويلك منها اذا سويت فيها شي.
بشرى : تحب تثبت نفسها .. ذكيه .. تحب الناس .. غامضه .
بدريه : ثقيله و رزينه .. وكتومه .. يعني اذا قلتلها سر .. تضمن سرك في بير.. بس ثقيلة دم .
بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها ترد عليه بشراسه.
تهاني: خفيفة دم و من خفة دمها أحياناً تظن انها مرجوجه وخريش.. حذره في تعاملها مع الناس.
تغريد: طيبه و محبوبه من الجميع .. بس كسلانة
جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.
حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .
حصه : قوية شخصيه .. محبوبه .. بس للأسف مالها حظ .. دايم مقروده.
حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.
حياة : اللي مايعرفها مايثمنها .. عاقله .. بس عيبها انها تحب كل شي قدامها يكون جاهز .
خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.
خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.
دلال : .حلوه و جذابه .. بس مشكلتها انها ضعيفة شخصيه .
ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.
دانه : أهلها يموتون فيها .. دلوعه .. و حلوه ولسانها طويل ..
رشا : طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..
روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر خير يعني..
رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..
ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..
رنا : حلوه .. حنونه .. و تحب الناس .. اجتماعيه .. واجتماعيتها تسبب لها مشاكل..
رانيا : دلوعه .. ويعتمد عليها .. بس مشكلتها انها ثقيلة دم..
زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.
زهره : ذكيه وشاطره .. حبوبه .. تحب الصداقات .. مشكلتها غيرتها اللي ت**حها و ت**ح اللي حولها .
زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..
سماح : وفيّه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.
سلوى : قلبها طيب ..مطيعه و خدومه .. و حلوه و مزيونه .. دلوعه .. وأيضا مالها حظ .
سعاد : شاطره و ذكيه .. بس شرانيه.
ساره : محبوبه .. ذكيه .. طموحه .. عنيده ..و مزعجه.
سلمى : ذكيه .. شخصيتها قويه .. تحب الحريه و التجديد .. لكنها مزعجه.
سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .
شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه..
شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).
شوق : رقيقه.. و تحب تثبت نفسها .. خوافه.
عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.
عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.
عزيزه : مخلصه .. رزينه .. ثقيله .. وثقيلة الدم.
العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرأ و يغلط عليها.
فاتن : حلوه .. حبوبه .. ذكيه .. شخصيتها ضعيفه.
فردوس : ذكيه .. طموحه .. شخصيتها قويه.
لمياء : محبوبه .. تحب تبني صداقات .. و دلوعه .. و ياويل اللي ماينفذ طلباتها.
لينا : طيبة قلب .. و على نياتها .. و دمعتها على طول على خدها .. بس تحس ان محد يفهمها.
ليلى : شخصيه قويه .. ذكيه .. حبوبه . تحب المزاح .. لكنها مزعجه.
منيره : واضحه .. ماتحب اللف و الدوران .. صريحه .. و أم حنون .. بس لسانها طويل.
منال : هاديه .. و حلوه . ودلوعه .. وواثقه من نفسها .. بس انها مغروره .
مريم : طيبه و على نياتها .. عاطفيه .. و مندفعه .. تحب الحش.
منى : هاديه .. و رزينه .. ذكيه .. و تحب المظاهر.
مشاعل : محبوبه .. تحب بناء صداقات .. لكنها غامضه .
نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..
نوف : تحب بناء الصداقات .. تحب المغامرات ... تحب التراث .. لكن يا حبها حق الحش .
نوال : شخصيه قويه .. محبوبه .. و تحب الناس .. مطيعه .. و عنيده.
ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
.
هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش.
هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..
هيا : محبوبه .. تحب اللي يحبها بس .. مطيعه .. مخلصه .. لكنها عصبيه .
هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره
هنادي : شخصيه قويه .. تحب الدلع و المظاهر .. ذكيه .. ومحبوبه من الجميع
وفاء : شاطره و ذكيه .. بس ياويل اللي تحط عينها عليه.
ياسمين : قلبها طيب .. خدومه .. مزيونه .. لكنها متهوره.
يسريه : شخصيه قويه .. تحب تثبت ذاتها .. و تحب المظاهر
--------------------
الإهداءات
05-29-2006, 04:43 AM
معاني أسماء البنات في علم النفس:::::
