أنا شسويت يايمه *** أنا شذنبي أنا شفيني

بليلة برد وبرق ورعد =من خوفي بكت عيني
ولا أحد يحس فينــي = أنا من لي أنا ويني
يايمه ليه تركتينــي = بلا حس يدفينـــي
يايمه هانت دموعـي =يايمه هانت سنيني
يادنيا وينهـا أمي؟؟ =ليه يايمه تعافيـني؟؟
أنا بنتك أنا أنتي = أنا ياكيف تنسيني ؟؟
أنا شسويت يايمه =أنا شذنبي أنا شفيني
أنا غلطانة يايمه =أنا ياكيف بعتيني ؟؟
ياليتك جاهله يمه = وبإيدك وأدتيــني؟؟
ياليتك قبل ما أحيى = أنا بجوفك قتلتينــي
أنا شسويت يايمه = أنا شذنبي أنا شفيني
يايمه أحلف بربـي = دعاء منك يحمينـي
يايمه ياترى وحشتك=مثل ماأنتي وحشتيني
يايمه وينها عيونك = من دموعي تواسيني
يهون عليك يايمه = بلا أسم تخلينـــــي
أنا ساره أنا نوره؟؟ = أنا كيف بتنادينـــي
أحس ببرد يايمه = أبي صدرك يدفينــي
أحس بخوف يايمه =أبي قلبك يغطينـــي
أنا شسويت يايمه = أنا شذنبي أنا شفيني
حملتيني وسط جوفك = وللوحدة رميتينــي
وكنت أسمع صدى = يوم أنك بكيتيـــني
يايمه أسألي سجودي = بأعلى الصوت يدعيني
يايمه أسألي ركوعي = من حالي بيرثينـــي
يايمه أسألك أنتــي = الى يومك تحبينـــي
يهون عليك يايمــه ..= بثوب العار تكسينــي
يهون عليك هالعالم = لقيط الدار يسمينــي
يايمه سامحك ربـي = يوم أنك شقيتينـــي
يايمه سامحك ربـي = يوم أنك خذلتينـــي
يايمه سامحك ربـي = على مر جرعتينــــي
يايمه أنتي مو أمي = أنا أمي ما تخلينـــي
ياأنتي أيه ياأنتي= أبي تنسين عناويــنـي
وأبي تنسين يــوم = أسود يوم أنك ولدتيني
وكل يومي أنا بدعي = لباس الصبر يكسينــي
وأنا مؤمنه برب الكون = خلقني مايخلينــــي
وأنا مؤمنه برب الكون = خلقني مايخلينــــي

سلمت اناملك على هذا النقل الرئع


فعلا قصيده تحزن لها القلوب



فشكرا لكي على هذ النقل الرائع