موضوع للأنيقات فقط ....كشخة التسعينات ...لوووووول

06-27-2009, 05:25 AM

موضوع للأنيقات فقط ....كشخة التسعينات ...لوووووول

بنتكلم اليوم عن البنات اول
مراهقات الزمن الغابر .. يعني مو شرط مراهقتنا اللي الحين
جمعنا اراء مراهقات سابقات خواتنا .. بنات خالاتنا بنات عمتي منيره وسألناهم عن عالمهم السابق
كانت اجاباتهم عفويه .. وكل وحده تسولف عن مراهقتها كانت تخرطم وشوي وتدمع بنص الجواب
تقول لو اني داريه اني لو بعرس وادج هالدجه .. كان لي الحين خامتن المخده ابرك لي !
لا بارك الله فيكم يالرجال السعوديين عقدتوا بناتنا <<< هماني طاردتهم من الموضوع عاد بحش براحتي
,,,,,,,,,,,,,,
خلونا نستعرض حياتهم ..هبالهم .. لبسهم .. هههههه موضتهم
بادئ ذي بدء .. كان اغلب البنات توهم طايحين بحركة الشناط الصغيره ..
ومن مبدأ انتشار الشناط الصغيره .. صار لزاماً على كل وحده تعبي هالشنطه بكل مايجعلها متميزه عن البنات اللي معها ..
كل وحده تبي تكشخ بس بطريقتها .. اصلا ماهلكنا الا هالكشخه اللي مدري وش تبي!
,,,,,,,,,,,,,,,,,,,

الروج وما ادراك ما الروج
كل بنت لها لمستها الخاصه فيه ..وهو اللي يضفي النضاره على خشة كل انثى
ذاك الوقت ياكافي طاحن البنات بالمحدد
عشان تصيرين كشخه ومحد قدك ولامشيتي كلن يناظرك تقل ماشيه قدامهم هيفا وهبي
حطي محدد بني غامق ..امسكي خشتك وامشي عليها داير مادار وحدديها باللون البني
وبعدين سوي الحركه الراقيه اللي محد يقدر يقاومها ولوني شفايفك بلون افتح من المحدد
يعني حدود البراطم بني غامق ولون الشفايف وردي ولا بيج

يااالطيف اللي كانت تسوي هالحركه كانت معروفه بانه عندهم دش واهلها مايخافون الله
لا من وين تعلمت تمشي بالمحدد على خشتها من دون مايتعرج ؟!
اكيد انها خاشعه عند الدش وتشوف وش يسوون الكافرات الفاجرات ..من قال LBC وافصخي ؟!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

كـ شياكه..واناقه ..لا بد ان تكتمل الطله بجزمتكي ياعزيزتي الكاشخه
ذاك الوقت جتهم موضه عاصفه .. شي غريب ماقد مر على السعوديه
طاحوا العالم بالأبوات
جتهم فتره كلن هب بالأبوات وصاروا مايشترونها الا من برا
واللي مايقدرون يشترون من برا يروحن الشعله لعل وعسى ينزل شي جديد
طبعا البوت عشان يصير راقي ومحد قدك لازم يصير كعب
وياعزيزتي مو اي كعب ! لازم كعب تقل بلكه لو تكفخين فيه باكستاني انصرع يومين
كان ينباع مع الابوات كيلون هبوا فيه ذاك الايام
الكيلون مخطط بالعرض ..خط اسود وخط شفاف
وبمانه بوت وطويل ولا يبان الكيلون تبدا كل وحده تمشي وترفع اللبس
عشان يشوفون البوت لين واصل وعشان يطلع الكيلون
الله مير يقلعكن قرويات ..
,,,,,,,,,,,,,,,,,,,,,,,,,,,,,,,,,,,,,,,,,,,,,

ههههههههههههههههههههههههههههه
لاتحسبون هذا ينحط بالشنطه !
لالا الببسي والليمون له استخدام شنيع ..لاتستغني عنه اي مراهقه بذاك الوقت
كان يستخدم لتجعيد الشعر
يقولون بذاك الوقت زاد استخدام الببسي وكان يصنع باعداد مهوله كله بسبب تجعيد العكاريش
الطريقه / تروشي وخلي شعرك رطب .. بعدين ضعي قليلاً من الببسي .. بارد ولا حاره مايأثر بس اهم شي فيه غازات ..
يعني ماتجيبينه مفتوح له يومين وتحطينه وتقولين وراه ماتجعد شعري زي بنت خالتي حصه
كانوا البنات بذاك الوقت مشغلتهم سالفة تجعيد الشعر (ماكانوا يقولون كيرلي )
طبعاً اي وحده تجي شعرها منفوش كل البنات يغارون منها .. ويتحلطمون شلون سوته كذا !
يعني الحمد لله اللي ميريام فارس ماطلعت بذاك الوقت قسم بالله انتحرن ياحبي لهن
كان فيه مشكله تواجههم يقولون اننا اذا جعدنا شعورنا ولبسنا العبايه انلبد وخرب التجعيد
واول مانوصل المدرسه الا الببسي صاير يتدبق ( الله يحوم تسبودكن )
واللي مره مستعجله وماعندهم ببسي تعصر لها ليمونه وتحطه على شعرها وان شالله بيتجعد
صحيح فعاليته مب زي الببسي بس يعني يفك أزمه
اهم شي نشكر الشركات العالميه اللي صارت تنتج لنا افضل مستحضرات الكيرلي عشان نرتاح من دبق الببسي وريحة الليمون

ختاما الشكل يكون كذا .. زي هذي بالضبط .. كلهم يتمنون يصيرون مثلها
شعر مجعد تشجعيد يجيب المغص تشم ريحة الببسي والليمون من بعد كيلو
وشفايف محدده تقول كبد عنز والروج فاتح عشان يبان التناقض الخلاب
وحبة الخال اللي مرسومه بكحل .. يعني مايعوق ما شالله
ماعندك حبة خال ارسمي لك وحده .. ترى الدنيا فانيه ..
ماكثر الله الا الكحل

l,q,u ggHkdrhj tr' >>>>;aom hgjsudkhj >>>g,,,,,,g >>>g,,,,,,g ggHkdrhj l,q,u

06-27-2009, 06:09 AM

”

اقتباس:

لا بارك الله فيكم يالرجال السعوديين عقدتوا بناتنا <<< هماني طاردتهم من الموضوع عاد بحش براحتي

لا تعطين يالغلا حكم عام على كل السعودين فيهم الزين وفيهم الشين

اجل اذا صار السعودي لا بارك الله فيه من تبين اجل انتي

نجي الحين للانيقات على قولتك

انا وحده واعوذ بالله من كلمة انا ماسويت اللي قريته واللي انتي كاتبته يختي ماعرفت شي اسمه محدد ولا حطيته لحد مادخلت الكليه وعشان ما اصير كذابه بزواج اخوي مره حطيت قبل ادخل للكليه

نجي للفقره الثانيه على قولتك الابوات

الابوات وما ادراك ما الابوات هذي اللي ماعمري فكرت اشريه الا مره لزوم الكشخه وعشان اتستر ما اطلع سيقاني عند العالم لان تنورتي كانت قصيره شويات

قلت بدال ما البس شراب ويطلع شكلي تووحفه البس بوت احسن بس موب طفه كل يوم كاشخه بوه هي مره او مرتين بس >> ياحبني لي دايم انا غير عن الناس

اوما التجعيد هذا خطير اتخيل شكلي شعري منكوش لا مايصلح هالكلام بعدين وش يقولون الناس عنا ماعندنا استشوار نستشور شعورنا ايه بعد وشسمه يقعدون يتكلمون يختي وش زين البنت اللي مسيحه شعره بلا تجعيد بلا هم >>> ضد التجعيد وبقوه بس اوقات يضطر الواحد له

والببسي صح كنت استهلكم بكثره بس موب لشعري لا اشربه ليل ونهار ببسي والله ذبحني الله يفكنا منه بس

وفي الختام اهدي سلامي لماما وبابا واخواني واخواتي >>> ماسكه خط على باله برنامج

ومشكوره ياقلبي ع الموضوع
وكل وحده تختلف مراهقته عن الثاني واللي حوله هم عامل اساسي ممكن تعيش فتاة مراهقه دلوعه وممكن تعيش العكس

06-27-2009, 07:46 AM

مشكووره قلبي على هالمرووور الروعه

لاخلا ولاعدم ومب شرط كلن راهق بهالخمبقه
هذي مجرد استطلاعات ...................
يمكن توك مالحقتي عليها
انا بالنسبه لي امي كانت تطقن لو احط شي,,,,,,,, هع هع
>>يختي عليها من زينتس عاد

تبيني جمال رباني خخخخخخخخخ
اووما الابوات ماعمري لبست الا من كبرت
بس اذكر اختي انكسرت ايام الكوتشات اللي تجي دبابه

هههههههههههه
داقين المدرسه على امي

يعطيتس العافيه لاعمرتس تخلين بنيتس تكشخ بووه

وانا بلعكس هالحين احب اكدش شعراتي
اوما قبل احط الجل واصير كني هندي حاطن زيت من كثره وما يضبط معي خخخخخخخخ
,,,,,,,,,,,,,,,,,,,,,,,,,,,,,,,,............................ ..........................,,,,,,,,,,,,,,,,,,,,,,,,,,,,,,,,

وبالنهايه ترا كل وحده تراهق ع حسب المجتمع اللي هي بوه

06-27-2009, 09:28 AM

الروج وما ادراك ما الروج

انا احب الارواج الاحمر واللحمي عندي بس الماما لما تشوفهم علي تقول امسحيهم صرتي كانك مراءة كبيره بس انا وامي مانحط الا قلوس ناسين الارواج اما عن المحدد مانعرفه ولاعمرنا حاطين محدد

اما الابوات فى عندي جميع انواعه والوانه اسود وبني ولحمي وابيض< اكثر شئ
ولاغنى عن البوت فى الشتا لان كل تنانيري قصار وتعرفين االجو بارد والشراب مايكفي لازم بوت معه

سالفة التجعيد انا غاسله ايدي من شعري لو احط كل شئ يرجع لطبيعته > طبيعته نادره على وجهه الارض مو ناعم حرير عشان كذا منقهره

اهم شئ حبة الخال اللى على جنب الخشه مثل سميره توفيق اللى كان على وقته مطيحه الشباب

سلمت يداك يامجخه

06-27-2009, 10:40 AM

يخليتس ربي فيونكه

يسلمووو ع المرووور

لاعدمناتس

06-29-2009, 08:05 PM

صدق مراهقه ههههههه

الروج والمحدد حركه والله هههه لو يحطون الروج السحري أرحم..

أما بالنسبه للبوت مو بوت ذولي بلك والله وشلون الناس يمشون فيهن..

وبالنسبه للتجعيد(الكيرلي) أحبه بس مو بالصوره هذي لا يكون أحلى ومو منفوش عاد أنا من جنس أختي فيونكه مافي أمل يتجعد أمنيتي أجعد شعري لو مره بس (ألي عنده فكره لتجعيد الشعر السايح (الناعم مره) يتصدق علينا) لأني ودي أغير أجعده لو مره..

وأوافق أختي( مسز كريزي) في هذا الرأي:
كل وحده تختلف مراهقته عن الثاني واللي حوله هم عامل اساسي ممكن تعيش فتاة مراهقه دلوعه وممكن تعيش العكس

ومشكوره "مجخة فهد"على هيك موضوع ولا أحلى

06-30-2009, 09:44 AM

هههه حلو بلك
شوفي بالنسبه للتجعيد انا لما اخلص شاور الف شعري وهو مبلول واجففه شوي بس وبعدين اسويه جدايل "عمايل" كثيره بعدين اقعد لما يجف بالمرره وافكها يطلع كدش
خخخخخخخخخخخخ
انتي سويها وشوفي اذا ماينفع معك التجعيد جربي مب خسرانه

العفو اخت نالي ويسلموعلى مرورك

07-06-2009, 02:55 AM

.. يعطيك الـف عافيهـ ..

استمتعت بتواجدي بصفحتك ..

سلمت يداك على هذا الاختيار الراقي ..

والله أبدعت فيما نقلت لنا ..

تسلم الايادي ولك سلامي ..

07-06-2009, 08:08 AM

يسلمتس ربي "لمسات ناعمه"
شرفتيني بمرورتس الاكثر من روعه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)