عزيزتي المتزوجة السلام عليكم ورحمة الله وبركاته .
بأعطيكم عشرة نصائح والله يعينكم
وعلشان تكون حياتكم في سعادة تمعنوا في النصائح وفكروا فيها زين
1/ اذا جاء زوجك من العمل وطبعا تعبااااان وودة يقيل ( نومة بعد الغداء ) شغلي الغسالة وابدأي في غسيل الهدوم وياليت يكون باب الحمام مفتوح علشان يستمتع بصوت الغسالة.
2/ اذا رحتي معاة للسوق واصر انة يدخل محل معين أصري على عدم الدخول تراة شايف وحدة مزيونة دخلت المحل وودة هو وخشمة يتميلح قدامها.
3/ اذا تأخر في الليل عن الحضور في موعدة وبمجرد ما يفصخ ثيابة ويدخل الحمام يغسل شمشمي فنيلتة الداخلية هي نفس الريحة حقتة والا تغيرت وشوفي الثوب من الخلف من جهة الياقة فية روج للحضريات ( حمرة ) للقرويات (ديرم ) .
وشوفي بعد شماغة شعرة لاصقة هنا والا هنا .
4/ اذا حصلتيه منهمك في مطالعة التلفزيون ولازم يشوف المبارة بين الهلال والنصر حطيله طرطيعه وراء ظهره من حقت البزارين بقايا عيد رمضان .
5/ اذا كنت تشتغلين وهو برضة يشتغل يعني اثنينكم بتروحون الصبح يم الدوام طبعا لازم يكون فية شغالة خلية الين تجي الساعة 9.30 واتصلي على البيت وبترد الشغلة وفي نفس اللحظة دقي على جوالة واذا سمعتي صوت جرس الجوال في السماعة معناة تتركي الدوام وتروحين للبيت وتدعسين في بطنة ولا تنسين الشغالة .
6/ حاولي انك تبرمجين الرسيفر حق القنوات الفضائية بأنك تلغين قنوات لبنان كلها وتحطين قناة اليمن / السودان / السعودية 1.2 / والشارقة واذا اصر انه يتابع خلك مع هيفاء عليك بأفيوز العداد طلعية وارمية فوق سطوح الجيران.
7/ اذا جاء في يوم وعادة يكون في الصيف وقلك عندي انتداب لتبوك او جيزان تراة كذاب مسافر كازا بلانكا ( المغرب ) مع الشلة ( اصدقائة ) حتى وان كان الجواز معك بيطلع بدل فاقد .
8/ اذا جاء في الليل ودخل ينام واعطاك اشكل يعني ظهره قومي سيدتي ببخ الغرفة بالمبيد الحشري ( فليت ) وقفلي الباب وروحي كملي سهرتك قدام التلفزيون .
9/ حاولي تقشطينة اول بأول ترى اذا كثرت الدراهم راح يتجوز عليك علشان كذة غثية كل يوم طلبات .
10/ سيدتي العزيزة انا ماني مسؤوله اذا طلقوكم رجالكم
مع خالص تحياتي ,,
الإهداءات
08-23-2006, 05:20 AM
للمتزوجات فقط..........!؟
العرض العادي
