اعترفي......! ماهي قصة اول طبخة لكِ؟

**أم السنع** · 08-28-2006, 08:08 AM

السلام عليكم ورحمته وبركاته

موضوعي واضح من عنوانه

][ قصــة أول طبخــة لكِ ][

زينة ... مالحة ... حالية ... محترقة ....؟؟

متى كانت أول زيارة لك ع المطبخ ,,, يعني كم كان عمرك ؟؟؟

وش كانت الطبخة وشلون كانت رد الأهل؟؟

شجعوك والا فشلوك ؟؟

طلعوا الفضايح

هههههههههههههه

اتمنى تفاعلكم ياحلوات مع الموضوع

انتظر ردودكم
عاد لاتفشلونني

**طفله مغروره** · 08-28-2006, 11:48 PM

<<<<<< والله من الفضايح..

ام السنع بصراحه احراج ..

متى كانت أول زيارة لك ع المطبخ ,,, يعني كم كان عمرك ؟؟؟

كان تقريبا 14

وش كانت الطبخة وشلون كانت رد الأهل؟؟

احم احم ..

كان بيض مقلي

طبعا" كانت مالحه .. وسوداء شوي يعني محروقه ..

شجعوك والا فشلوك ؟؟

والله بابا الله يرحمه شجعني ..

بس ماما الله يخليها لي حطمتني وطلعت فضايح الاكل

*****

بس الحمدلله محد دخل للمستشفى ولا احد ارتفع ضغطه << ايه باين

ام السنع استري على ماواجهتي

**someone** · 08-30-2006, 01:49 PM

الله يعيننا على الفضايح بس لاتضحكون

والاا تدرون اضحكوا على كيفكم

كم كان عمري؟؟
يمكن 10 او 9 سنين

والطبخه كانت كيك فصارت ماااااااااااااالحه مكتوب ذرة ملح انا حطيت كل العلبه ههههههه

واهلي شجعوني بس خوذوا وخلوا من التطنز قعدت سنتين وانا اذا جيت اطبخ يقولون ولموا ارقام المستشفيات

ههههههههههه

وبس

**اسطورة زمان** · 08-30-2006, 09:54 PM

انا صراحه ماقدر اجاوب على ولا سؤال

<<< ماطبخت الى الحين ولا طبخه

بس شكلك طباخه يأم السنع اغديك تعلميني لو شوي

<< وده تعرف لو شاي

هههههههههههههههه

مشكوووووره اختي ام السنع على الفكره صراحه روعه

**السنع كله** · 08-31-2006, 05:13 AM

والله انا يوم انا صغيره

انواع الطبخ مخويتن اهلي بطبخ لا بعد لي يوم اطبخ الغداء

كلشن اطبخه كيك ورز وحلا

وهذا يوم عمري 11 سنه

وكانو اهلي انواع التمديح

بس هالحين الله يخلف بس الحمد لله اطبخ بس بب مثل منول

**شمــوعــه** · 09-01-2006, 05:07 AM

بصراحه كانت اول طبخه لي هي بيض مقلي

وكان عمري 9سنوات
وللاسف كان محرووووووووووووق واخواني انواع المجامله

>>>>>>>>>الله يعين اهلها عليها تصدق كل شي

وبعدها ما طبخت وان قالولي سوي شي الله لا يهين الشغاله ما تقصر

(الله لايحرمنا منها)

ومشكوووووووووووووووره على الموضوع

**مجننــ العجز ــة** · 09-02-2006, 03:28 AM

يالهووووووووووووووووي وش هالموضوع

كله فضايح .. عز الله انقطع رزقي
هق هق

اول طبخه لي كانت كبسه

<<<<<<<<< مهيب بسيطه طبت في الغويط

هههههههههههههههههههههههههههههههههههههه

الله يسلمكم ذاك اليوم كنت متحمسه اني امطرس لاهلي

قلت لهم الغداء علي اليوم

وابدأ بالمطرسه والحواق .. المهم

وانا احوس في المطبخ وقلبته فوق تحت اللي يشوفني يقول طابخه ذبيحه

وكل شوي وانا فاتحه القدر

وبعد ماجهزت الطبخه .. وافتح القدر واطالع وش السالفه انا طابخه سليق ولا رز
شكيت في عمري ..

المهم قلت اهم شي الشكل مو الطعم

وانا انكب الكبسه في الصحن واتذكر اني ماحطيت ملح

هق هق

يالهوووتي وش السوات

واقوم الله يسلمني واجيب ملح واحطه على الكبسه اللي على شكل سليق

واحوقها شوي

<<<<<<<<< على بالها تعرف تفكر

واحطها في صحون ..

واجتمعت العائله الكريمه على الطاوله ..

عاد منيب قايله وش صار بعد ماذاقوها

شين يهووول ويفشل

قامووو يقرضون ملح

**shosho** · 09-10-2006, 10:15 AM

وووووواو دكرتون أيام السنع
كنت (فعل ماضي مبني على الطفاقه )
كانت أول طبخه كيك بالقرفه والمربى بس الله لايوريكم
وش صارت

**قصيميه مغتربه** · 09-10-2006, 04:08 PM

أول طبخه لي كان عمري 15

سويت شكشوكه

الله لايوريكم طلعت خاااااااانسه

ماله طعم والبصل والطماط مانحمس

واهلي مساكين يقولون لذيذه ينقال تشجيع
بس الكتاب مبين من عنوانه

***********
مشكوره اختي أم السنع على الموضوع

**noof** · 09-25-2006, 01:18 PM

السلام عليكم ورحمه الله و بركاته
*********************

موضوع حلو ، بعترفلك يالغاليه ولا يهمك يالله ... خخخخ

اول طبخه طبختها كنت في اول متوسط اتذكر ... سويت فطيره بالتمر ...

طلعت محترقه والله خخخخخخخخخ...

رده فعل اهلي >>> حكوا لكل صاحباتي .. فشله وربي .. كل ماعزمت وحده من صاحباتي عندنا ..

قاموا يقولون >> ماتدرين .. نوف بدل ما تسوي لنا فطيره بالتمر ...سوت لنا فطيره بالفحم .....

بس الصراحه امي شجعتني اكمل اتعلم اطبخ ... لانه مافيه اختيار .. خصوصا الوحده فينا لازم تتعلم لحياتها الخاصه فيما بعد ..

الحين كبرت ... صرت بالجامعه .. صرت اطبخ لاهلي طبخ حلو والله واتفنن في السلطات والحلويات ....

بس ذكريات اول مره وريحه الحرق والتهزي المحترم والضحك .. باقي مانسيتها ... خخخخخخخخخخ

يعطيك العاافيه ..

مشكووره عالموضوع الحلو ...

بااي