أول مشاركه لي أتمنى ماتفشلوني .. وتقلطون حياكم!!

**فيه احد يعرف احد يعرفن؟؟** · 09-07-2006, 06:34 AM

مشكووووورين وحياكم تو مانورت...
بدخل على طول بموضوعي ومن دون مقدمات... علشان ماطول عليكم!!
لكن بصراحه ابي رايكم وشوركم خصوصا ان فيه عقول ماشاء الله توزن بلد!!

قبل امس كنت في احد المراكز رايحه اتسوق....
عاد تعرفون الحين قربت المدارس وتونا نتفطن نقظي كأن الاسوااااق مقفله طول العطله وتوها تفتح!!
والواحد يروح يركض كأن السوق له رجول بيهج!!
الزبده من موضوعي ...........
وحنا في السوق اذن المغرب وبدت المحلات تصك علشان الصلاه الوضع عادي والمنظر عادي عمال يقفلون محلاتهم رايحين يصلون شي يفرح ..وان نصهم او اغلبهم شباب سعوديين يشتغلون !!
لكن والله اللي حزني جد منظر الواحد وهو طالع ..يدخل يده في جيبه ويطلع البكت وياخذله السم ويحطه بفمه...والله وانا امشي انهم يمكن فوق العشره وانا امشي من مكاني للمصلى!!!
أنا اكره التدخين كره الموت ومن زمان وانا ودي اسوي شي يوقفه!!
ماقصرو مكافحه التدخين لكن ود الواحد يسوي شي؟؟
تخطر دايم علي افكار لكن اتردد اني اسويها ...بحكم اني انثى ولااتجرأ واغلب اللي يدخنون شباب!!
من الافكار اللي اتمنى من كل قلبي انكم تصدقون معي فيها برايكم..
انا عندي كروت صغيره على كد الكروت الشخصيه المعروف مقاسها فيها كلام مررره حلو عن التدخين يقنع الواحد بصوره مختصره...
هي اربع كروت ومربوطه بشريطه.. وطباعتها حلوه..
فكرت اني اجيب مجموعه كبيره واحط بشنطتي اليدويه واذا شفت احد يدخن اعطيه عن طريق اي احد صغير بحيث ان الصغير دايما مرغوب ومقبول منه كل شي...
هذي فكرتي المتواضعه والصغيره ..وانا عارفه انها ماراح تكون شي عند افكاركم وارائكم..
اللي اتمنى ماتبخلون علي ...!!

اتمى انكم تقبلوني ضيفه جديده عليكم...
مشكورين عالمروور...
دامي عرفتكم المره الجايه ترا القهوه عندي... قولو تم؟؟!! [/size]

**شموخ انثى** · 09-07-2006, 07:35 AM

هلااااافيك أختي منوره بين اهلك ...
.
.
.

بالنسبه لطرحك احب اشكرك عليه اختي

وهذا إن دل على شيء فيدل على حرصك واهتمامك وحبك للخير

وفكرتك حلووووه والله يقدِرك

ويكتب لك الأجر وينفع بكِ الإسلام والمسلمين

( اللهم اهدنا لأحسن الأحوال فإنه لايهدي لأحسنها إلا أنت سبحانك )

أختك أرومه

**فيه احد يعرف احد يعرفن؟؟** · 09-07-2006, 10:57 PM

مشكوووووره ياأرمه عالمرور.... وعيوني شرفتي....

**vip** · 09-07-2006, 11:03 PM

الله يعطيك العافيه اختي

من منطلق موضوعك راح اسوي حمله لترك الدخان

في بداية رمضان ان شاء الله وانا اول واحد راح يبطل ان شاء الله

الافه هاذي لعبت بالناس واهلكت صحتهم ومالهم وانا اول ضحيه

ان شاء الله نشوف تفاعل من الاعضاء والله يعطيك العافيه

**ترانيم الهدى** · 09-07-2006, 11:07 PM

فكرتك جدا مميزه

طبعا ممكن الحين منتشره اشرطه جدا رائعه تتكلم عن التدخين ولمشايخ متميزين

ممكن كمان تكوون ووسيله للهدايه

طبعا يقام كثير من المعارض الي تتكلم عن التدخين واضراره

لو تتكثف يكوون لها مردود ايجابي طبعا هذا مو بيدنا بيد ناس مهتمه بهالمجال

والحين نادر ما فيه احد يجهل اضراره بس ما يعرف مصلحته

لك كل الشكر عزيزتي على الفكر المميز

**فيه احد يعرف احد يعرفن؟؟** · 09-08-2006, 05:15 AM

مشكووور على المرور يامشرفنااااااا... ولي الشرف بمرورك ..
ومشكووور متأمل...
لكن سؤال للمشرف ... اكيد ان الواحد ماطاح في التدخين الا لسبب اما ضغوط نفسيه اوغيره...
سؤالي...
عمرك مافكرت وانت تحط السم بفمك الطاهر اللي يذكر الله في اليوم خمس مرات اواكثر ...
ان فيه نااااس تحبك وتغليك وتخاف فرقاك وانت تقتل نفسك قدامهم؟! ماترحم خوفهم عليك...

سامحني على السؤال اللي مأدري ايش يبي.. واعذرني لاني انا من اللي يعيش هالخوف ولااقدر اسوي شي!!!

**vip** · 09-08-2006, 05:20 AM

اختي العزيزه الدخان مايجي من ضغوط نفسيه او اشياء كذا

الدخان يجي من اصحاب السوء او التقليد الاعمي

انا ابتكلم معك من واقع تجربه شخصيه وهي التقليد الاعمى

اذا كان اغلب اقاربي يدخنون اكيد ابصير زيهم لو بالسر

وانا ادخن الحين لي اكثر من 13 سنه بس انشاء الله عزمت ابطله برمضان

بس ابي مساعدتكم ودعمكم المعنوي

الدخان عباره عن عاده تعوود عليها الجسم وصعبه يخليها على طول

بس ان شاء الله اقدر ابطل العاده هاذي

اشكرك على موضوعك الهادف

**ترانيم الهدى** · 09-08-2006, 01:32 PM

8
8
8
8
8

بادره رائعه استاذنا العزيز

بالتوووفيق

وعقبال الجميع

وحنا معك قلبا وقالبا

**ابو كِندا** · 09-08-2006, 03:41 PM

اي والله يا مشــــــــــــــــرفنا اصدقاء ســــــــــوء

ادعـــــــوا لي انا بعد

انا طحت به من اصدقاء الســــــــــــوء بعد

الله يعطيك العافيه اخــــــــــــتي

وكثر الله من امثــــــــــــــــــالك

من اين لنا اشخاص يخافون ويهتمون بأخوانهم المسلمين

شكرا لك

**فيه احد يعرف احد يعرفن؟؟** · 09-09-2006, 06:54 AM

ياحلوكم حلواااه مشكورين على مروركم و هذا شرف لي!!
ومشرفناااا... كلامك على راسي من فوق..
وماولد عالم الا في اعلم منه..
صدقت بكلامك لكن انا يمكن حكمت على ناس اعرفهم وطاحوو فيه بهالسبب ...!!
لكن.. نصيحه اقولها لك وتكفى انك تقبلها اذا عزمت اعزم من الحين لان التاجيل ماراح يفيدك لان ابليس واقف فوق راسي وراسك ..
واول شي تسويه اترك مجالس التدخين ..
لانك لوجلست معهم صدقني راح ترجع..
ياما ناس تركوه سنين ورجعوا له!!
وانا عارفه ان 13 سنه مي هينه ..لكن توكل على ربك!!
وان صدقت معاه... ماراح يخيب تعبك!!
الله لايحجب مادعينالكم ..

آسفه عاالكلام الواااجد والله يفرحكم مثل مافرحتون بتفاعلكم..
وتكفون بشروني بترككم لهالسم !!!!!!!!!!!!! لاتنسون بليز..
(((((((ليهدي الله بك رجلا واحدا خير لك من حمر النعم))))))))