بمناسبة قرب رمضان والعزوبيه

**كل الغلا** · 09-04-2007, 09:55 AM

هــاهـ في اي بي لقيــت لك طبخــهـ ؟؟

**شموخ انثى** · 09-09-2007, 09:40 AM


	عوده لأجلكم VIP اشرب من هالكاس قبل ما تقرأ علشان ماينشف ريقك " " هذي حلوه يكون عندك توست شريحتين تدهن التوست بمايونيز وبعدين تحط مرتديلا ديك رومي مع شريحة جبن وحبه خس وتحط الشريحه الثانيه فوقها وإذا ودك تاكله بارده بالعافيه و إذا ودك تاكله حاره وتدخلها في الميكرويف تسخن شويه بعد بالعافيه " حشوة التونه المقادير: 2 علبة تونه ربع كوب بصل اخضر مقطع عصير نص ليمونه بس نص كوب جبنة موزريلا مبشوره 2 ملعقه كريمه او قشطه نص كوب مايونيز 1 حبة فلفل بارد مقطع ناعم ملح وفلفل اسود تخلط كل المقادير ماعدا التونه وبآخر شيء تضيف التونه وتخلط باليد وتتركه بالثلاجه ومتى مابغيت تحشي لك بخبز ويفضل لمدة ما تقل عن 4 ساعات وبالعافيه " ساندويتشات الفلافل هذي سهله وحلوه اسويها دايم وآخذها معي للبنات في الفطور المقادير خبز عربي (دائري اللي بقياس قد كف اليد ) 20 حبات فلافل جاهزة. نصف حزمة بقدونس ليمون علشان الطعم وكثر شوي كوب زبادي+نصف علبة طحينية شطة ذرة ملح +ذرة فلفل أسود. شرائح خس+شرائح طماطم او خيار الي موجود عندك ^_^ الطريقة: تفتت الفلافل وتضيف الزبادي و الطحينية لين تتماسك وبعدين تضيف البقدونس مع الفلفل و الملح والبهار بعدين تفتح الخبز من الزاوية بشكل القوس وتحط شريحة وحدة من الخس او الخيار اللي انت حاطه وتحط فوقها الخلطة وشريحة طماط وبالعافيه " سندويشات الكبده هذي لقيتها وابيك تسويها وتقطع الكبده زين اهم شيء المقادير: كبدة غنم او دجاج روب بهارات وملح وفلفل اسود فصين ثوم بصل مفروم ثلاث حبات نصف كاس عصير ليمون قليل من الخل كزبره مفرومه بصلة متوسطة الحجم مقطعه جوانح - الطحينة : علبتان روب عصير ليمون طحينيه فلفل اسود ملح الطريقة: - نقوم بتقطيع الكبده قطع متوسطة الحجم . - نخلط الروب و البهارات و عصير الليمون و الخل و الثوم و البصل المفروم و الملح و الكزبره و الفلفل الاسود . - نضع الكبده في هذه التتبيله لمدة ساعتين او اكثر حسب الرغبه. - بعد انقضاء الساعتين نحضر مقلاه بها قليل من الزيت ونضع البصلة في الزيت الحار و عندما يحمر البصل نضع الكبده مع التتبيله في المقلاة و نقوم بتحريك الكبده حتى تنضج او حتى ينشف الخليط. - نقوم بعد ذلك بتحضير الطحينيه بحيث نخلط كل مقاديرها مع بعض . - نضع الطحينة مع الكبده و نقوم بخلطها ثم نضعها في خبزات صغيره او (روتي). - يمكن وضع اوراق من الخس او الخيار حسب الرغبه . " حشوة الجبن جبنة بيضاء مقطعه قطع صغيرة بعدين تضيف له شوية زعتر او قطع زيتون او نعناع وممكن تضيف جبنة سائلة او جبن البقرات الثلاث وحط لك في الخبز اللي تبي " ابيك تصلح هالطبخه وتتسحر عليه بعد شوي المرقوق المقادير ثلاث كأسات ونصف طحين أسمر كيلو لحم غنم مع العظم كأس ونصف ماء كأس ونصف بصل ملعقة طعام ثوم مدقوق ملعقتي طعام زيت حبتين بطاطس ثلاث حبات جزر كأسين قرع اصفر ثلاث حبات طماطم علبة صغيرة معجون طماطم ثلاث حبات فلفل اخضر حار ثلاث حبات ليمون أسود عدل قليل من الملح قليل من الفلفل أسود المطحون ملعقة شاي بهارات مخلوطة - انظري البهارات في الصفحة الرئيسية الطريقة يعجن الطحين بالماء حتى تتكون عجينة طرية ثم تترك نصف ساعة جانبا يوضع البصل والثوم في قدر مع الزيت ويحمر جيدا نضع اللحم مع البصل ويتبل بالملح والفلفل الأسود والبهارات تضاف حبات الطماطم بعد تقطيعها على الخليط ويترك على النار حتى يذوب الطماطم يضاف 8 اكواب من الماء على الخليط يترك على النار حتى ينضج اللحم نصف استواء يضاف الجزر والبطاطس المقطع والقرع الأصفر ومعجون الطماطم والليمون الأسود تفرد العجينة ثم تقسم إلى دوائر بواسطة فوهة الكأس توضع أقراص العجينة على المرق وهو يغلي حتى نفاذ كمية العجين يوضع القدر على نار هادئة جدا لمدة ساعتين تقريبا حتى ينضج العجين يوضع الفلفل الأخضر الحار قبل النضج بقليل وصوره لنا لاسويته الله يعافيك

عاد لازم تسوي شيء من اللي حطيتهن لك :او اللي قبل wink_21 (34):

ترى اجمع لك

حشوات وطبخات من خواتي وحريم اخواني

<<<<<<< تفشلت

ماخلت احد

بس ميخالف
كل شيء لأجل خيووو vip يهون

وتعبك راحه مشرفنا

سلام

**DreamOne** · 09-10-2007, 01:43 PM

شوف ياريس ....

أنا أتعذبت مثلك العام ...

وقضيتها بالفنادق (( آخر 10 أيام على شان الميزانيه ))

بس أحسن حل إن كانت منتب راعي طبخ أنك تقول لأهلك يثلجونها وانت تقلي !!!

يعني يسوون لك السمبوسه ويحطونها بالفريزر .. والبطاطس تجيب لك كيسه من البقاله ...

والتوست أقعد ولف فيه مدام تدوخ ....

أسهل شئ تراه التوست ....

شف تبين أجي أعطيك كورس هالايام ماعندي مشكله ...

**نشوهـ الروح** · 09-10-2007, 05:40 PM

السلام عليكم ورحمة الله وبركاته

رحمتك...vip

معاااااناااه....

طريقه ..حلى المارس

سهله تجنن...

المقادير :

كيك امريكانا _و4 جبن كيري _و 2 قشطه _ و3 ملاعق حليب بودره_ و3 فناجيل سكر _ 4 اصابع زبده _ 2 مارس ....

الطريقه :

نصف بالصينيه كيك امريكانا.....

وبالخلاط _____ 4 كيري و قشطه و3 ملاعق حليب بودره و3 فناجيل سكر وهذي
الطبقه الثانيه ...

الطبقه الثالثه ________4 اصابع زبده نذوبها مع 2 مارس الي ان يذوبون وبعدين نضع
عليه قشطه ....

[fot1]بالهناء والعافيه...[/fot1]

**vip** · 09-13-2007, 05:36 PM

ياحبيلكم بس

والله انكم احلى اعضاء بالعالم

بس الحمدلله اخذت اجازه والحين انا عند امي

اشكركم من كل قلبي على مساعدتكم لي

**كل الغلا** · 09-13-2007, 06:12 PM

الحمداللهـ
(دائما في الخدمهـ)

وهـذا واجنـا خيــو

**عمكم عنتر** · 09-14-2007, 05:40 PM

انورت عنيزه يالعزوبي
وش تحرى ماتعرس شيبت تراك
هههههههههههههههههههههههههههههههى يهلا ومرحبا فيك بين اهل
وربعك يالمدير العام