من أي الأطفال كنت؟؟؟؟؟؟؟

أعجبني الموضوع فحبيت أنقله لكم...............

********************

يختلف الاطفال في سلوكهم وتصرفاتهم ونفسيتهم ..

لذلك .. هناك نماذج مختلفه من الأطفال كنا في يوم من الأيام مثلهم ..




الطفل البريء


في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه لايدافع عن نفسه ..







الطفل العنيد



يطبق نظام البيت بالعناد .. يسوي اللي براسه ..

لا يخاف من الأب أو الأم .. لو قلت له هذا خطر لاتقرب عليه .. عناد فيك بيروح يسويه ..

يُــضرب كثيراً في طفولته .. ومع ذلك عنيد لا يغير رايه ..





الطفل الحنّـان


يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..





الطفل المادي



هذا الطفل مابيرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل الاخبار.. وكل شي بحسابه ..





الطفل الفتّــان



تجد عند هذا النوع جميع اخبار المنزل ..

يجد المتعه في اذلال غيره بالفتنه عليه ..

هذا الطفل حتى لو شريت سكوته بفلوس..

توقع تلقى اخبارك ثاني يوم في الصفحه الرئيسية في الجريده






الطفل الدلوع



هذا دلوع ماما وبابا .. يكرهونه باقي الاطفال لانه مرفه وشايف حالوا عليهم..

تلبى رغباته قبل ان يطلبها.. شخصيته اتكاليه جداً ..







الطفل العله




يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره بتجاوب عليه ومره تسفهه ..

واكثر الاوقات مابتلقى اجابه لاسئلته .. لانك في الحقيقه تجهلها ..






الطفل الداج



هذا الطفل مستحيل يقعد في البيت ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..








الطفل الملسون




يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..




الطفل اللزقه



تلقاه مسنتر عند باب البيت .. محدا بيطلع الا وهو لازق معه ..

حتى الضيوف من الممكن تلقاه يلزق فيهم ويطلع معهم..

يـُنـضرب كثيراً .. وخاصه من اخواته اللي اكبر منه ..

لانه عباره عن رادار على طلعاتهم ..

احياناً يضطرون يطلعو من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتو عليّ ..





الطفل الهادي



هذا الطفل ماله صوت ابدا.. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع مايتكلم ..

في كثير من الاحيان بتلاقي اهله ناسينه بالسوق او عند الاقارب اثناء الزيارات ..





الطفل القوي



اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل بيت طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

*********************

بصراحه .. اي الانواع كنـتم



يالله طلعوا الفضايح

هلا قصيميه .... كيفك ؟؟
ودك تعرفين يعني من اي نوع من الاطفال.....والله احراج ..... ههههه...
>>>>
هذا الطفل ماله صوت ابدا.. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع مايتكلم ..

في كثير من الاحيان بتلاقي اهله ناسينه بالسوق او عند الاقارب اثناء الزيارات ..
<<<<<

هاذي انا والله .. .ههههههههههه .. ياويل اللي بيضحك علي ...
الى اليوم .. باقيه فيني صفات الهدوء لدرجه انه اهلي بعض المرات مايدون انا عندهم بالبيت والا عند وحده من صاحباتي ...
ودي اعرف فنووون السوالف والثرثره على اصولهاااا ... هههههههههههههه

يعطيك العاافيه حبيبتي ....

بانتظار جديدك ...

والله ما ادري اي الانواااع

بس شكلي كنت طيبه وبريئه

noof

شكلك مريحه أهلك انت صغيره وانت كبيره
والله انهم محظوظين ما تصجينهم

ألف شكر لمرورك العطر
لاحرمني الله من ردودك

*******************

متأمل
ألف شكر لمرورك العطر
لاحرمني اله من ردودك