مذكراتك بالثانويه..

**اسطورة زمان** · 11-01-2006, 10:31 PM

السلام عليكم

نبغى كل عضو يكتب مذكراته بالثانويه العامه

يلا انتظر ردودكم

**vip** · 11-01-2006, 10:42 PM

انا عن نفسي ما اذكر

لاني متخرج من زمان يعني قبل 7 سنوات ويالله اذكر عشاء امس

مشكوره اختي وان شاء الله الاعضاء بهم الخير والبركه

**vip plus** · 11-02-2006, 12:01 AM

الله

اياااااااااااااااااااااااااااااااااااااااااااااااااااااااااا اااااااام حلووووووووووووووووووووووووه

ايش اذكرلك بس مو جاي شي على بالي غير انها ايام حلوة والله

**ابو كِندا** · 11-02-2006, 01:50 AM

والله شوفـــــــــي

كان عندي طقـــــوس غريبه

منها

1_ ما أحلق شعري الا اخر يوم ولو انه كشــــــــــــه

2_ اكتب ورقه اقول هذا اول يوم متى يجي اخر يوم

وغيرهواجد بس مانيب قايل <<فشيله

مذاكرتي ماتتعدى ساعتين بالكثير لو ان الماده رياضيات

كنت احب الحفظ واكره الفهم <<مايحب يفهم وداخل علمي

وعلى العموم

هي حلوه والله احلى ايام الدراسه

يعطيك العافيه

**كــ وفااا ــلي** · 11-02-2006, 05:34 AM

ما فهمت عليك

**هاجس الذكرى** · 11-02-2006, 03:07 PM

اذا على مذكراتي بالثانوي عندي تفتر (دفتر) واذا اجتمعت انا وصديقاتي اللي بالثانوي لازم اجيبه ونقرا فيه ونضحك على ايامنا الحلوه..

بنقل لكم قصه هي اللي اضحك على نفسي فيها انا ووفاء (الطرف الثاني بالسالفه) كل ماشفنا بعض
احنا نكتب اليوم والتاريخ وكل التفاصيل..

اليوم السبت تاريخ 23/7/1424هـ
المكان 2/ع/ب
الوقت الحصه السادسه
(كان هذا بدايه ثاني اسبوع بالدراسه)
انا: وفاء ابي تفترك الفيزياء بكمل حقي وبكرا ارجعه لك.. <<اول اسبوع وبتكملين دفترك بدايه رائعه
وفاء: ماشاء الله وش هالدفاره اللي جايتك بتكملين الدفتر من اول درسين
انا:قولي ماشاء الله وجع..
...............................

وانا اللي انام يوم رجعت بيتنا ذيك النومه اللي ماعمري نمت زيها
المهم
قبل اذان الفجر يوم الاحد وانا االلي اصحى ومو حاسه بنفسي مو عارفه وش اللي فيني
بطني يألمني بقوووووووووووووووووووووووووه ماعمري تألمت زيه
المهم ابي اتحرك اروح لامي مااقدر اقوم اصلا
بعدها جت اختي تقومني للصلاه وقلت لها جيبي لي بندول ومويه وهي شافت وجهي مب طبيعي
قالت لي اقول لامي انك بتغيبين عاد انا قلت لها لاء تعب الحين يروح
لاني عارفه امي والغياب من سابع المستحيلات عندها
وبعد بااول السنه الله يعين على التكفيخ لو اقول لها..

المهم وانا اللي اقوم واسحب نفسي
واصحي ابوي قلت له راح الباص عني ودني انا مافيني حيل امشي
هو قال لاتروحين
بس انا معي الدفتر يعني لازم اروح والفيزياء كان اول حصه
المهم رحت للمطرسه ودخلت طويت عبايتي والمديره كانت بعيد بس شايفتني
انا كنت احس بالالم طول هالوقت لكن متحمله الى ان جت لحظه الصفر

وقالت لي المديره عالطابور ياقميل (مديرتنا مصريه)
<
<
<
<
<
صحيت لقيت نفسي على السرير بغرفه المشرفه و وفا جنبي
على طول قلت لها الله لايبارك بدفترك واقعد اصيح
المهم جا ابوي ووداني للاسعاف وتحليل واشعه وفحص وووووووو.....

طلعت عندي الزايده الدوديه ملتهبه والى يومكم اقول ان الزايده بسبب دفتر وفاء حق الفيزياء

عاد بعدها صرت اتشائم من دفاتر وفاء واقول لها اذا كنت ابي دفتر منها المره اللي راحت ستر ربي وجت زايده هالمره اكيييييييد جلطه الله يبعد عني وعنكم الشر..

وفيه سالفه ثانيه بس عاد طولت عليكم
مع السلامه..

**السنع كله** · 11-04-2006, 02:17 AM

هههههه يا مملوحه والله تذكرتك انتي وزايدتك الله لا يعيده

بالنسبه لا يامي كانت اياام حلوووووووه

كنا اهبال ووناسه ونجيب ذاك الفطوور السنع بس انواااع التغبي

وانواع الشرقات بالببسي
<<<مسويات شي غلط

بس الحمدلله كنا شاطرات بس القهر اننا بثاني ماله داعي الشطاره

اما ثالث هذه بالذاااات مستحيل انسى ايامه لا بالمطرسه ولا البيت له ذكرى غاليه على قلبي

بس احس كان شوي فيه شينة نفس اللزوم تجميع الدراجات والمذاكره

والله ماكنت اطالب بالدرجه لو هي عشر دراجات بس ثالث كانت غير اذكر

تهاوشت انا واستاذه عشان نص درجه بس الحمدلله صارت من نصيبي

وبعد صرت مثل ابو كندا ماقصيت شعري الا بالعطله

<<<<على باله تسوي نيو لووك

معليش طويلت عليكم

ويعطيك العافيع على الموضوع

مع السلامه

**مـــــرام** · 11-05-2006, 12:30 AM

أسطورة ألف شكر على طرحك الموضوع
طبعا الله من المواقف اللي صارت بس الحين صرنا بثالث يعني عقلنا
أذكر هذا موقفي العام بثاني عاد المعروف عندنا ثاني أنواع الهبال فيها

كنا بايام الا ختبارات انا وزميلتي من العلمي
انا علي فتره ثانيه وهي لا المهم خلصت مذاكرته ورقينا فوق
نتمشى وزميلاتي ثانيات كانوا يدرسون وانا وهي بس نسولف ونضحك
قلت لزميلتي من اللي يدرسن صح مزعجه أقصد نفسي قالت ايه قلت مخالف
المهم تحديت زميلتي اللي اسولف معه انه تفصخ جزماته اعزكم الله وتنزل بالدرج بدونهن
وقلت له امسكيهن معك بس هي عيت المهم وهي تنزل واجيك اشوت جزماته
وصلن قبله المشكله انه كان مليان بنات ويقولون من جزمته اعزكم الله هاذي انا هجيت وخليته
وهي مررررره تفشلت راحت جابتهن والبستهن ومن بكرا ردت لي نفس الموقف بس انا نزلت ومسكتهن بيدي علشان ماتفشلن>>>>ذكيه ماشاء الله علي

مشكووووووووره

**ابو كِندا** · 11-05-2006, 12:59 AM

اختــــــــي اسطوره

ارجوا التوضيح ماالمطلوب من الموضوع ؟

هل هو كيفيه المذاكره أم المواقف المضحكه ايام المذاكره ؟؟

ارجوا التوضيح لكي يرد على ضوه

وشكرا

**اسطورة زمان** · 11-05-2006, 09:34 PM

ههههههههههههههههههههههههههه
هههههههههههههههههههههههه
ههههههههههههههههههههه

صراحه مواقفكم كل واحد احلى من الثاني

ومشكورررين كلكم على المرور وتفاعلكم مع الموضوع

اقتباس: