طالعتني هذه القصيدة التي اعجبت بقوتها وجزالتها في احد المنتديات ورغبة المشاركة بها بهذا القسم بالمنتدى خاصة انها المرة الاولى التي اتشرف بزيارة منتدى الشعر ، كما ان القصيدة تحكي واقع طبقات معينة من المجتمع شملتها بجميع جنسيها بدون استثناء طفرة الاسهم وما فيها من سلبيات وايجابيات .
اسف على الاطالة واليكم القصيدة
* للإحاطة والعلم ، مـــنـــقـــــــول
تقبلوا تحياتي ،،،
قولوا لبو متعب ترى الشعب مقهـور ** يا خـادم البيتيـن امسـك عصـاهـا
ضاعت فلوس الناس مع كـل هامـور ** ومثلك يعرف البير ويعـرف غطاهـا
من سي لاسوأ وبين عاثـر ومعثـور ** وسهمك. وهو سهمك رموه بخلاهـا !
كيف اشكي العله علـى كـل دكتـور ** والطب عندك وانـت تعـرف دواهـا
ماخافـو الله خالـق النـار والـنـور ** حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا
سوقك بلون الـدم باسبـاب مغـرور ** يضغط علـى سابـك وكسـر يداهـا
في عشر اواخر نرجي الذنب مغفـور ** قامـوا علينـا قومـة ٍ مـا وراهــا
واعمار صارت دمهـا اليـوم منثـور ** وخاب الرجاء باعمار واللـي رجاهـا
ياما بنينـا فوقهـا ابـراج وقصـور ** وراحت سدى والسوق دحـدر معاهـا
كم شاب قال ابغى اتزوج مـن الحـور ** وافلس وبيره جف مـا شـاف ماهـا
وكم راعي أسره أصبح الصبح مفقور ** العيـد بكـره واسرتـه مـا كساهـا
وقمت اتفكر وادرس الـراي والشـور ** قلت ازبن لصقر العروبـه .. ذراهـا
بكلمه تجي من عنده اليـوم مسـرور ** والسوق يرجع عشب يـروي ظماهـا
يادرعنا لا صـار بالكـون عاصـور ** كم صرخـة ٍ للنـاس تسمـع صداهـا
يالحر .. يابن الحر.. والحر مخبور ** قاد الحـرار الشامخـه فـي سماهـا
ما يلحقك يا سيـدي شـك وقصـور ** لكـن رسالـه ياصـلـك محتـواهـا
انـك ابونـا والرجـا فيـك موفـور ** عدلـك شمـل كـل الديـار وغشاهـا
جوني يعزوني على السـوق ماجـور ** قلـت البقـا بالشيـخ يطفـي لظاهـا
ويرد لون السوق عشبـي ويخضـور ** مثـل علـم دار السعـود وصفـاهـا
خيرك عميم وشاكر النـاس مشكـور ** ومـزن الحيـا عـم البـلاد وسقاهـا
انت الرجا بعد الولـي تدفـع الجـور ** واسلم عساك تـدوم وتحمـي حماهـا
انتهى ,,,
الإهداءات
11-10-2006, 09:38 PM
نداء الى خادم الحرمين الشريفين / الملك عبد الله بن عبد العزيز حفظه الله ..
العرض العادي
