ان كيدهن عظيم حتى بالشعر ,,,

السلام عليكم ورحمه الله وبركاته

يمكن اول مشاركه لي بمنتدى الشعر كموضوع

حبيت اقولكم قصيده له سالفه <<مسوي الشرهان

لا جد عاد

عندي شريط للراوي الغسلان من اهل مدينه حائل

شريط قصه وقصيده

فيتكلم عن النساء ويقول ان النساء اذواق

منهن من يحب الرجال الشجاع ومنهن من يحب البخيل ومنهن من يحب
الضعيف ومنهن من يحب الدلوع الخ ,,,,

فيقول

فيه شاعره اسمه مويضي البرازيه

تشرح وش النوع اللي تبيه بقصيده وتقول

ماغرني رجال الشــــــجاعـــــه

اعرفهم مير المناعير صلفيــن

اريد مندس بوسط الجماعــــــه

يرعى غنمهم والبهم والبعارين

ولامني زقرته طار قلبه رعاعه

قال ياداف الحشى وش تبغين

ولاقلتله هات الحطب قال طاعه

عجل(ن)يجيب القدر والمواعين

ولا مني ضربته وشادتن بكراعه

لاهوب شاكينن ولا الناس دارين


ابفسره شوي يمكن تصعب على احد مع انه واضحه بس للتوضيح

تقول اعرف الرجاجيل الشجعان عندنا واعرفهم فلان وفلان بس مابيهم

لانهم مهب جايين على كيفي

ابي واحد ضعيف ماله كلمه اجيبه واوديه وامره

ولا مني ضربته مهب رايح يشتكي

يبي الستر <<طير شلوى اعجبتن القصيده وقلته من حفظ فأذا اخطيت السموحه واسف

وانتظر ردودكم


وشكرا

احترت وش اكتب فمالقيت الا اني اقتبس العنوان

اقتباس: ان كيدهن عظيم حتى بالشعر ,,,

تبيه خاتم بإصبعه

__________________________

يعطيك الف عافيه على طرحك للقصيده ..

عن جد كلمات قويه وحلوه .........

ماقصرت ونورت هذا القسم اخوي ابو كندا .. ممتنه لك

>> ننتظر جديدك لاحرمناه يارب

يعطيك العااافيه ابو كندا...


>>> اما الترجمه اعجبتن ... تصلح مترجم لغات..

تسلم يمينك...

وبانتظار جديدك..

فعلآ كيدهن عظيم ههههه

الصرآحـه الحين كثرو اللي حريمهم يمشون ازواجهن على كيفهن

أبو كِندآ قصيدهـ مميزهـ

لك كل الشكر يالغالي

هههههههههههههه


مهب تشتهي ياحووول


يعطيك العافية عزيزي ابو كندا


لاحرمنا جديدك

::


عـن نـفسي انـا لا مـابغاه كـذا


اجـل ليه مـتزوجـه رجـال انا ؟



صح لسان شاعرتنا .. بس ماراح اصفق لهـا



سلمـت اناملك ابوكِـندا..

ويعطيك العافيه على الشـرح


::

دامه من حائل اكيد خياال ولا عليه كلام ..

يعطيك ألف عافيه لاعدمناك ..

احترم ارائكــــــــم

سواء بالشاعره او الراوي او القصيده

شكرا لمروركم الذي ابهجني

ولا شك انكم من الدعامات القويه بالمنتدى

دمتم بود