قصيدة ام لولدها بعد ان وضعها في دار العجزه

تقول فيها الأم:

وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف من تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا

قصيده تهز البدن

وهذي امه يسوي فيها كذا


لاحولولاقوة الا بالله


اختي شموخ انثى



مشكووورة على القصيدة الرائعة

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا


::



الله يهديه .. ويهدي كل عاصي وعاق..


سلمتِ يالغلا على النقل الرائع.

ياوجدي عليها هــ الأم

الله يصلح كل عاق

والله شي يقهر


يعطيك العافيه

الله يرحم الحال

اشكر لكم مروركم وتعقيبكم اللي يسعدني ويهمني ..لاعدمناكم

شعر روعه والله يا حياتي يا الأم

كل الغلا منوره كل الشكر لإطلالتكـ