قصيدة رثاء في الاستاذين/ بدر الجدعي ووليد القزلان رحمهما الله

سر ياقلم واكتب على بيض الورق حرف القصيد
اكتب قصيدة من ضميـري والحـزن عنوانهـا
للموت ساعه لادنت مَحد(ن) عن الساعه يحيد
اعمـار قدرهـا الولـي وامحـدده بازمانهـا
البارحه علم(ن) لفاني والبـلا علـم(ن) اكيـد
عقب العشا جاني على الهاتف يبـث احزانهـا
عقب العشا جان الخبر عن موتهم بـدر اوّليـد
الله يرحمهـم ويسكنهـم فسـيـح جنانـهـا
ليل الاحد ليل الحزن والدمع والجفـن السهيـد
يـوم المنيـة بدلـت ثـوب الغـلا باكفانهـا
ليل الاحد ليل العنـا والهـم والفكـر الشريـد
عسى الولي ربي يخفف من لهيـب اشجانهـا
تقتلني الدمعه على خـد الطفـل حـره وقيـد
لامن فقـد غالـي وتاهـت دمعتـه باجفانهـا
الله يعين قلوب تغليكـم علـى الوقـت العنيـد
الله يلهمهـا جميـل الصبـر مـع سلوانـهـا
مثلـك ومثلـه يابـدر لامـات بالدنيـا فقيـد
ياسعد من مثلـك ومثلـه حافـظ(ن) قرآنهـا
دربك ودربه يابدر باذن الولي درب(ن) سعيـد
واعمالكم باذن الولـي ربـي رجـح ميزانهـا
يالله يارب القمـر والشمـس والنجـم البعيـد
يالله عساهم في جنـان الخلـد مـن سكانهـا
والخاتمه صلوا عدد ماناض بـرّاق(ن) جديـد
على النبي اللي نسـخ دينـه جميـع اديانهـا