اعــــــــــ خيانه ــــــــضم !!!!

وتاليها معا قلبك انا ناقص وجع وجدان
دخيلك فضي السيره تعبت انزف معاناتي
تعالي ننهي الماضي ويكفينا نكون اخوان
ابطوي صفحة العاشق واعيداحسب حساباتي
انا المذنب وانا المخطي وانا الاسف وانا الغلطان
وياليتك يالزمن ترجع واكفر خطيئـــاتــــي
وانا الجاني وانا المجرم وانا الغادر وانا الخوان
وانا اكبر غبي شافك حديقة في مســاحاتي
ماعاداقوى على الظلمه ولااقدرعلى الكتمــان
احس انك ذبحتيني وجت ساعة نهاياتي
بوجـــــه بوجــــــه الله انــا مثلك بشر انسان
على بالك حجرجامد اجل وشهي كتاباتي
نسيتي ساعة اللقيا نسيتي لمــــــة الاحضان
نسيتي وش كثر كنتي تموتي في لقاءاتـــي
نسيتي دفتر اشعاري نسيتي اعذب القيفان
نسيتي كل قلم يكتب قصايد من عذاباتـــي
نسيتي من رفع قدرك وخلالك مكان وشان
وعزيتـــــك وعليتــــك على كل الاميراتي
نسيتي ذلك البرقع نسيتي ذلك الفستــان
نسيتي ذلك الخاتم نسيتي كــــــــل هديــــاتي
نسيتي من عجف شعرك جداياكنهاشرطان
وزينتك وجملتك وقلت امرك يامــــولاتي
نسيتي من ربط خصرك وهوعينه على الرمان
ومدن صدرك تناديني تبي اعلن فتوحاتي
ولولاخوفي الخالق حبيبي ربي الرحمان
لكنت بساعتي هذي اعض اصبع حماقاتي
تغيرتي ولاعدتي مثل اول زهر عطشان
وحناني للاسف كنه بقايا من خرافاتـــي
تكبرتي تجبرتي وصارت شوفتك سلطان
وانا اهبل على النيه مغير ارسل جواباتي
واقول بخاطري يمكن تغير عندها العنوان
يا شيخ اسكت افهم صحيح اني وهم ذاتي
حسبتك مني وفيني وهمك لواجي فرحان
ولكن شفتك بعيني تصـــــــــــدين ابتساماتي
حسبتك تفتحي قلبك اذا كان الوجدزعلان
ولكن ماكذب خـــــــــدي وهويشهد بكاءاتي
فراقك اصبح الغايه ولاني عالهجر ندمان
قراري بالبعدعنك ترى اســـــــــــهل قراراتي
وداع الذل ياذلي وداع الموت والاكفان
عطيتك قلبي وروحي ولاصنــــــــــــتي اماناتي
وش الحيله اذافكر قتيلك يهجر الاوطان
دخيلك زيدي الطعنه ابــــــــــي اشعر بنوباتي
وعلى شاني اذاباقي بداخل حضرتك ايمان
ابيها من ورى ظـــــهري وانا اتلو صلاواتي
وخنجر طعنتك يصرخ ضحيه من غدر انسان
وانا آخــــتتر حكي عنـــــدي فمان الله طعناتي

يامن تقدر تعوضني عن الضيقه عن الاحزان
بشرط اني انا الـــــــكوكب وهي ابعد مجراتي
يامن تقدر تخليني كبيراعظم ملوك الجان
لجل يصعب تحضرني قبل اطلب قريناتي
سجى مولخ شرووزنديب الجدي طوسان
طلاسم وحدهاتعرف نسيمي من عجاجاتي
سمعنوامن قبل عنها سمعتوا معشر النسوان
بعيده للاسف عنكم مثـــــــل قلبي ودقــاتي
نبيله ساميه عليا جميله سوسن واشجان
اسامي تحيي الميت ولكن اهــــــــلها امواتي
يجوني في صور شتى ومعظمهاصورغربان
صديقاتي واناعذري مثل ماهو صديقــــاتي
خلاص بذمتي والله معادارجع الى الادمان
عرفت ان الغدر انثــى وانااجمع علاماتــي
صغر طيبي صغر صدقي صغر حتى مع الاحسان
صغر شعري واقلامي وممحاتي ومبراتي
صغر ليلي صغر ويلي صغرقلب نطرسهران
صغر دمعي صغرشمعي صغربوحي ونبراتي
صغر شوقي صغرعشقي صغرعاشق صغرولهان
صغروجدي صغرشهدي صغرنوحي وزفراتي
بعد العمر هذا عرفت اني انا الكسلان
حسافه جات مــــــــــــتاخر مراحل اكتشافاتي
ولكن ما اقول الاخذوا(--)بعد قربان
حقيقه مالــــــــــــــــها معني اسولف عن حكاياتي
فمان الله فمان الله فمان الله اناذبلان
حسافه تنوجد عذراتشوف احرف معانــــــــــاتي
قصيدي لاتواخذني مصير ابعد الشيطان
ويكفي اذكر اسم الله واجنب عن تفـــــــــــاهاتي