أربــع خــناجـــر

**قصيميه مغتربه** · 12-04-2006, 07:35 PM

هذي القصيده لشاعر حامد زيد ان شاء الله تعجبكم ..........

مشكلـه لا جـات حاجتـك بيديـن البخـيـل

مايفـكـك لـيـن تـدفــع كـثــر مايـدفـعـه

ومشكله لا صرت مطعون بكفوف الدخيل

في ظهرك اربع خناجر وبالصدر اربعـه

ومشكلـه لا ضـاق بالوقـت رجـالً ثقيـل

يطـلـب احبـابـه وعـيـا زمـانـه ينفـعـه

ليـت ربـي مايحاسـب خليـلً مــن خلـيـل

دام مـال الحـظ فـزعـه وللـوجـه اقنـعـه

ودام مـال العـذل تالـي ومابالحيـل حيـل

الـغـلا سـمـاً نـذوقــه ومـــرً نـجـرعـه

نحتري فيه القا والحصيل هـو الحصيـل

مـثـل حلـمـاً ماتحـقـق وعـيـت اقـطـعـه

كني اللـي حـط بشفـاه مـن جمـر المليـل

لا قــدر يرمـيـه لـلـنـاس وزرا يبـلـعـه

والظـروف اللـي حدتنـي لنيـران وفتيـل

عرضـت دمـع المحاجـر لـشـيً يجـزعـه

والمـدامـع بالـغـلا لا تـحـال ولا تحـيـل

والمشاكـل كـل مـاجـات جــات مجمـعه

اعذلوني عن هوى النفس وعيوني تخيـل

فـي حبيـب ٍ ماتركـتـه ولازلــت اتبـعـه

مغرم في حب مثله ولا ارضـى لـه بديـل

عينـي تشوفـه وقلـبـي يـجـوع ويشبـعـه

ذاك كـل مـازان بالـي وطالعـت النخيـل

مـاذكـرت الا ثبـاتـه بـوقـت الزعـزعـه

ماهـو الاقطعـة مــن حـشـا قلـبـاً علـيـل

ومـانـي الا قطـعـة مـنـه مخـلـوقً مـعـه

لا جميـل شفـت قبـلـه ولا بـعـده جمـيـل

العذارا رهن رمشه وانـا رهـن اصبعـه

والله انه لـو طلبنـي اطلـوع المستحيـل

لا اطلعـه منـي منـاك يعـنـي لا اطلـعـه

ماعـلـي مــن المـلامـه وهــرج الهبـيـل

مشجـع الرجـال لا ثـار غـيـره مشجـعـه

في عيون اللي عشقنـي ولا جانـي هزيـل

الله اللـي حـط عشقـه بقلـبـي وزرعــه

لو سكت ينطق لـه الصـم والدنيـا تسيـل

وان حكى لو يمشي المزن ياقـف يسمعـه

سلسبيـل مـن شفـاتـه يخـالـط سلسبـيـل

معمعـه بسكـات واحـلا سكـات بمعمـعـه

ماهقيـت ان اكثـر الليـل يمـرح بالجديـل

ليـن شفتـه شـوف عينـي بكفـه يرفـعـه

وان حيـت ومابقالـي مـعـه يـاكـود لـيـل

لا اسهره بـأول غروبـه ومـوت بمطلعـه

والله ان العشق جمره وطاحـت بالشليـل

وان حصل ماطاعك الوقت بحبابك طعـه

من هو اللـي علـم عـداي نكـران الجميـل

ومن هو اللي خـان خلـي وحـاول يقنعـه

كل عاذل ردنـي عنـك يالطـرف الكحيـل

ياعسـى الله يقلعـه ياعسـى الله يقلـعـه

يامعرض قلب الاحبـاب للـدرب الطويـل

السعـه لا بـارك الله بالضـيـق السـعـه

والله ان الوقت قاسـي وانـا مانـي ذليـل

واشهـد ان الرجـل مـرات ظنـه يخدعـه

وانتـم اتعذلـون خفـاق بعـيـون العـديـل

مارحمتـم نـار جـرحـه وحـيـرة مدمـعـه

والسوالـف ليلهـا ليـل والحـايـل يحـيـل

والمشـاكـل مشكـلـه بمشكـلـه متجـمـعـه

مشكلـه لا خانـك الوقـت بالحمـل الثقيـل

لو زرعت الزرع هوج العواصف يشلعه

ومشكلـه لاصـار عاذلـك مايبـرد غلـيـل

لا تــرده طـيـب كلـمـه ولـحــدً يمـنـعـه

ومشكله لا صرت مطعون بكفوف الدخيل

في ظهرك اربع خناجر وبالصدر اربعـه

**كــ وفااا ــلي** · 12-04-2006, 07:51 PM

حامد زيد

القصيده روعه مافيها كلام

تسلمين طفله أنتي وذوقك

**طفله مغروره** · 12-05-2006, 03:29 AM

كلي وفا وشفيك ..

::

يامعرض قلب الاحبـاب للـدرب الطويـل

السعـه لا بـارك الله بالضـيـق السـعـه

والله ان الوقت قاسـي وانـا مانـي ذليـل

واشهـد ان الرجـل مـرات ظنـه يخدعـه

::

ابدع في كتابتهـا..

وابدعتي بنـقلها عـزيزتي ..

يعطيكِ الف عافيه .

::

**قصيميه مغتربه** · 12-05-2006, 03:07 PM

كلي وفا

هههههههههههههههههه

مع انك مانتبهتي لمين الموضوع

لكن تكفيني طلتك الحلوه يالغاليه ومشكوره على المرور

..............................................

طفله مغروره

ويعافيك يالغلا

اسعدني مرورك والف شكر لك

**شموخ انثى** · 12-05-2006, 05:46 PM

قصيده روعه من ايدين اروع

سلمت يمناكـ

الله لا يحرمنا جديدكـ

**قصيميه مغتربه** · 12-05-2006, 11:12 PM

مرورك الأروع أختي الغاليه

ألف شكر لمرورك شموخ

ولا تحرمينا طلتك

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

إعلانات نصية مباشرة
شات كتابي	شات	منتديات ستار	jpldg w,v
lv;. jpldg	تحميل صور	مركز تحميل	تعليم الانجليزيه
منتديات المها	تحميل مسلسلات	قصائد	العاب بنات
بلوتوث	برامج	مسلسلات رمضانيه 2008

الذين يشاهدون محتوى الموضوع الآن : 1 ( الأعضاء 0 والزوار 1)