خلونا نشوف الفكاهه بالقسم العام بطريقه جديه

**ابو كِندا** · 12-05-2006, 06:04 PM

السلام عليكم ورحمه الله وبركاته

خلونا نضحك مع بعض ونبعد الضغوطات بالقسم

وش رأيكم

طبعاً

كل واحد منا فيه شي يضحكه ولا يقدر يخليه يسكت ولا يقدر

يمسك نفسه

يعني يعاني من هالنقطه

وبعدها يقولنا سالفه عن الشئ هذا

مثلاً : االي يضحك اذا جاء يعزي<<مثلي

واللي يضحك لا شاف واحد يطيح الخ ........

خلونا نشوف

اتمنى انها تعجبكم ونتفاعل معه

ولكم شكري مسبقاً

قفله

عشان ماتقولون ابو كِندا مايعرف يضحك كل شي نقاش نقاش

**ابو كِندا** · 12-05-2006, 06:15 PM

لعلي ابدأ

انا من الناس اللي مايعرف يعزي بالتلفون ولا يعرف يعبر عن شعوره

خلون اقولكم هالسالفه

مره توفت خالتي بمكه (الله يرحمه ) المهم عندي واحد من اخوني الكبير

مثلي مايعرف للأمور هذي

تعرفون العزى مره تفكر بكلام ويرد عليك الشخص بكلام ثاني

بعدين تبلش وتجي هالكلمه البايخه

وش اخباركم

مالكم بالطويله

انا اقوله كلم خالي اول وهو يقول لا

قلت له انت الكبير وعيب اسبقك <<بالأمور هذي يعترف انه اخوه اكبر

وافق ابشركم

ويوم كلم طرقن ضحك مادري منين وهو به الضحكه ولا يدري وش يسووي

يقول :

يتمتم يعني يخربط واخر شي ان شاء الله

ما يعرف يتكلم فيوهم اللي قدامه انه يدعي للمرحومه وانا متمزع من الضحك

بديت تدمع عيوني

المهم هو ذكي يوم شاف انه بيضحك قال هذا اخوي يبي يعزي

جيت انا مسوي بطل وماسك عمري واعرف اعزي

والله وأعزي واخر شي تجي الطامه قلت

يله ياخال

حبيت اعزيك <<فيه احد يحب يعزي الله يفشلك

وخلصت المكالمه كملنا ضحك <<مايستحون

عساه تعجبكم ان شاء الله

**RaiN vOicE** · 12-05-2006, 06:31 PM

**شموخ انثى** · 12-05-2006, 06:42 PM

هههههههههههههههههههههههه
هههههههههههههههههههه
هههههههههههههههه
هههههههههههه
هههههههه
ههههه

موقف تحسد عليه شلون حبيت اعزيـ

عالعموم الله يرحم موتانا وموتاكمـ

وعوااافي والله يابو كندا

على هالفكره الجهنمبه والاكثر من روعهـ

يابختنا بمشرفين امثالكـ

الشكر موصول لكـ

وبالنسبه ليـ

انا من النوع اللي اذا ركض يموت ضحكـ

وعلى طاري الضحك انا مادري ليه اذا ضحكت بقوه ( كركره)

ينقطع نفسيـ

حتى مره قاعده اسولف مع وحده وهي تسولف

قالت لي شيء يضحك وانا اللي يبين مايلقان من الضحكـ واطخ

واطيح من الضحك ونفسي راح وهي ترجفن برجله تحسبن العب

ويوم حست اني الله يعلمبي انهبلت وعاد

امي كانت بالغرفه اللي جنبنا وجت من الهبله تركض ووحده كانت

تصلي وقطعت صلاته واختي قعدت تصيح وبنت خالتي جابت عباته

وغطتن معه وصوتت لأبوي شلون ذي مدري بس الهبله تسوي كل

شيء

يحصل معي هالشي كل ماضحكت يقوه

عاد امي لاشافتن اضحك

خانقت تقول تبسمي يكفي ههههههههههه

اشكرك مره ثانيه على هالطرح الراااااااااائعـ

واعذرني ان كنت قد اطلتـ

**WiSeMaN** · 12-05-2006, 07:03 PM

أبو كنـدا انت مثلي أذا صرت بموقـف جدي أحيـانا ألخبـط وأجيب العيـد

مـره دخلـت على خويي بقاعه الزواج ويوم جيـت أسلـم عليـه قلت ( منك العيال ومنه المـال )

العريس دمعت عيونـه من الضحـك وأبوه وأبو العروسه ماتوا من الضحك حتى جيت برقع السالفه يمين يسـار ماقـدرت

ويامالك من المواقف البايخه الي أطيح به أذا تذكرت شي ثاني برجـع

<<<< ماصدق أبو كنـدا يمـزح شكله ماراح يطلع من الموضوع

**قصيميه مغتربه** · 12-05-2006, 10:15 PM

ابو كندا جاء موضوعك بوقته

اليوم صارلي موقف

يعني طازج

عندنا بالكليه ماده أسمه تحدث

قالت لنا الدكتوره

كل وحده تجيب شيء ووتكلم عنه

ولازم تمسك المايك وتوقف قدام البنات

المهم يوم جاء دوري

طبعاً أنا بسم الله علي في قمة الجراه

قمت وقفت قدام البنات كانوا 150 بنت ومسكت المايك

وكانت القاعه هدوء والبنات ينتظرون أتكلم

من شدة ماني منحرجه

توقعوا شويت

فقعت من الضحك<<<< انهبلت البنت

وقاموا البنات يضحكون حتى الدكتوره

الله لا يور يكم سويت ضجه بالقاعه

وانا عجزت لسكت

يوم شافتن كذا قالت لي خلاص خلك آخر شيء

وقاموا البنات كل وحده تعرض اللي عنده وتتكلم عنه

بعدين جاء دوري

قلت خلاص الحين لازم أمسك ضحكتي

لكن ليس كل ما يتمنى المرء يدركه تأتي الرياح بما لا تشتهي السفن

وفقعت من الضحك مره ثانيه

بعدين شافت مابي امل أسكت قالت خلاص خلك مع مجموعة بكرا

يعني بكرا أبطلع

ياااااااااارب أقدر أمسك ضحكتي عشان ماتحطلي صفر

.............................

مشكور ابو كندا خليتنا نطلع فضايحنا

ههههههههههههههههه

**vip plus** · 12-05-2006, 11:27 PM

<<<<<<<<< فطس من الضحك

صراحة الموضوع روعة

وكل واحد ما شاء الله عليه جا بموقف لا يحسد عليه

تذكرت موقف ضحكت فيه انا واخوي الكبير

موقف في قمة الاحراج .

اخش بالموضوع

هذا الله يسلمكم كنت رايح انا واخوي الكبير لمستشفى التخصصي بالرياض

مشاء الله عاد مستشفى كبيييييييييييييير

واخوكم واحد من الناس ما قد دخلها

عاد وقتها الصبح بدري وكان لازم نسجل البيانات حقت اخوي بقسم السجلات

رحنا هناك وننتظر الموظف حق السجلات علشان نعطية البيانات

وجلسنا نستنا

و نستنا

ونستنا

ومافي احد

عاد انا ما احب الانتظار كذا

واروح افر يمين يسار واشوف كم باب هنا وهناك

وقلت خلني ادق الباب هذا يمكن احد يرد

وبكل ادب واحترام ادق الباب وادق وادق ولا احد يرد

وارجع اجلس عند اخوي

<<<<< مساوي ابو الفزعات

هههههههههههه

المهم جا الموظف وعطاهم اخوي البيانات

وجينا خارجين

ولا اشوف واحد يخش للباب اللى كنت ادقة

واوقف انا واخوي نبي نشوف في احد بالداخل

تتوقع ايش طلع ؟؟؟؟؟؟؟!!!!!!!!!!!!!!!

الله يكرمكم طلع دورة مياة

وبس بعدها جلسنا نضحك وقام يتشمت علي

وسلامتكم

ابو كندا

ايش رايك تثبت الموضوع ونخليه كل يوم سوالف من هالنوع

نفضفض شوية ونضحك هنا بهذا القسم

**N3NO3** · 12-06-2006, 02:02 AM

هههههههههههههههههههههههههههههههههههههههههههههههههههههههههههه ههههههههههههه والله يا سـوالف كل سالفه تقـول انا ازيـن من الثانيه

ياحبيلكم يا شيخين <-- اما شيخين

مواقـف تصيـر تفشـل واذا جيـت افكـر به بيني وبيـن نفسي والله يا انا استحـي

خل اقولكم احدا سوالفي مع انه لي سـوالف كثـار يفشـلن بس اللي يحظرنـ الحين سالفه مره صارتـ لي مع خـوي اخـوي

كنا بأيام دراسه وكان اخوي يروح ويجي مع واحـد من اصحـابه لأن سيـارته كانت خربانه او به خـراب بس مادري وش العلم بالظبـط
المهم كل ماسألته اقوله من جيت ومن رحت معه اليـوم للكليـه وكان له خــوي يسميـه المطــوع وكل ماقال قال المطـوع وهو ماشاءلله عليه ذاك المطـوع شاطر (دافـور) <--شاطر بالدراسـه ..

المهم اسمع من اخـوي سواليـف يقوله لي بينه وبين المطـوع وانا اسمع بها المطـوع وودي اشـوفه المهم دارت الايـام ورحنـا نبي ناخذ من ها المطوع ملخـص او كتـاب او شي زي كــذا وانا كنت مادري اننا نبي نروح لم المطــوع يوم قربنا لم بيت المطــوع قال ترانا نبي نروح لم المــطـوع اوميـر اختــرش وابدا استحـي لانه اخوي بعض الاحـيان يسولف له عن

المهم نـزل له اخوي عنـد البـاب وقاله ترا اخوي اللي هو انا تراه معاي بالسيـاره وقال المطـوع لأخـوي ناد اخـوك اللـي هو انـا ويوم جيـت حليلكم انـا نازل والابتسـامه عن بعــد كيــلو وعينـك ماتسمــع الا طقطقت الأصـــابع من زود ما استحـي <--ايه يا الحيـوي

ويـوم نزلت وسلمت وقال وش اخبـارك هنا وقعـت الطـامه وابجاوب