سعـد علوش .. ماذا وجد في اللوبي ؟

الراس بيت شيوخ والحلم جاسوس

للنفس يقطع من تركهـا ثــواني

خذني وطلعني ولو الهوا كــوس

ابا تنفس شي صافي وهاني

داخـل ,, تصادم فكر ومزاحم نفـوس

على فتافيت الغوى والغوانـي

في هاللوبي كل شي ضايع ومعكوس

ماكن في هالكون رب وامــاني

اثاثه الغامق وتصفيفة الكـــــوس

تدل على ذوق راقــي وداني

شفهم وشف كيف الفشل يجعل الروس

اشيا ... كماليه مابين الاذاني

وشف كيق هذا ثمل ويعثر ويدوس

على مسمى جده الاولاني

وشف هالشايب برغبته محبوس

تحت شعار ان أخر العمر فاني

احس عنده عيله ... وبنت عروس

تخجل من ابوها كثير وتعاني

وشف هالثنين هناك ..؟ تراهم (" جـ .... ")

رجال بس رجـال من نوع ثــاني

ضحـايا نفط وقل طاعه ونامــوس

والام كانت طيش والاب اناني

وشف هالجمال الي مدثر ومحيوس

مثل الكلام اللي بليا معاني

فتاه تعرض جسمها الغض بفلوس

ويبيعها فاليوم عشرين زاني

كل الزوايا طافحه قبح ونجـوس

تسبح وفالركن الاخير المواني

واحد يغني وعنده حثاله جلوس

كـأن مافي هالحياه الا اغـاني

ياوخز قلبي وخزة الجرح بالموس

ياعالم مافيه حلم وتفاني

في هاللوبي مافيه ريس ومريوس

الكل بايع نفس والكل جاني

والكل عنده عذر واهي ومدروس

لو قلت ليه انتا كذا قال اعانب ؟؟

انا اللي اعاني من القوس للقوس

هذا مهب جوي ولاهو مكاني

بركض وابي يركض معي الف فانوس

الي صباحات الغلا والتهاني

روح معي والواقع احيان كابوس

وانا ماحط اللوم على زماني

احمـــد ربي كل مادق ناقوس

وأعرف حدودي واستحي من كياني

وأصمت اليا جا للحكي روس وعسوس

واضحك ولو وجهي من البكي حانــي

لو كل شي محسوس بالفعل ملموس ؟

طلعت اخر جرح بين الماحاني