وش السواه ,,قصص متنوعه (!)

**ابو كِندا** · 12-19-2006, 01:23 AM

السلام عليكم ورحمه الله وبركاته

خلونا اقولكم

ياجماعه وش اسوي بعمري ووش ازين

مشكلتي حتى لو الواحد يلعب علي وادري انه يهك علي ماعرف افشل

واصكه بين عيونه

اسمعوا سالفتي

قبل شهرين تقريباً فتح حلاق عندنا بالدوام المهم

اللي يحلقون عنده واجد قلت خلن اشريلي عده انظف

واحسن <<تذكرت دعايه اخشن واحسن

به اثنين يحلقون عندنا واحد مصري والثاني باكستاني

تعرفون عاد انتم

العنصريه العربيه وقرب الخواطر <<مسوي عضو مجلس الدول العربيه

قلت للمصري ::

وش رأيك اعطيك فلوس تجيبلي عده

قال ::انت تأمر امر ياسعاده (.... ...) بكرى وهي عندك ان شاء الله

المهم

رحت اتميلح واتزبرق عند الشباب قلت لهم تراي ارسلت المصري يشري

لي عده

قال يا حظك <<فشلون اللي مايستحون

المهم

جاء ذلك اليوم

وقالي جبتلك العده <<عاد انتم اعرفوا النطق بالمصري

قلت طيب

كم كلفتك؟؟؟<<مسوي كاش

من المعوف وش الرد اللي بيقوله : ماتخلي ياباشا

قلت لا وش دعوى كم ؟؟؟

قال :: والله شوف هي كلفت 175ريال <<شوفوا الدقه انتم

بيني وبينكم نغزن قلبي <<لا تقولون بخيل بس واجد تقل

رضخت للأمر الواقع وعطيته

ايه ياحزم الضامي <<شطح شطح ارجع للسالفه

ايه صح

اليوم جيت عند الباكستاني

ابتميلح وياليتي ما تميلحت قلت له شف الدرج به
عدتي <<يا أرضي انهدي ماعليكي قدي اللي يشوفك يقول جايب هدف مثل هدف ياسر القحطاني

طلعه وقالي : من جيب هذا

قلت له : المصري

ويضحك ذيك الضحكه الخبيثه التي تنم عن خبث ولعانه <<وش رأيكم بتنم متعوب عليها

ويبدأ يناظر عدتي ويقارنه بالعده اللي عنده

قلت:: وش فيه

قال : لا بس هذا سيم سيم عده هنا

ضاق صدري قلت وشلون

قال هنا كان 2 حبه من هذا مقص
و5 حبه من الكريم هذا

وبدا يستعرضهن كلهن

وانا جتن الصيحه

قال بعدين كله فيه روح مصري مدري وين ودي

دريت وياليتي مادريت

اثره لقط من عده الحلاق الجديده وحطهن وجابهن لي <<هذا انا حسيت اني خبل

يعني ماشرى شي

وزرف من 170 ريال

قسم بالله ماهمتن بس كذا اطلع خبل قهر

عموماً

وطلعت منزل رأسي قدام الباكستاني واحسه يقول

ليت كل الناس مثلك

وافضيحتاااااااااااااااااااااااااااااااااااه وش اسوي

اسكت كني ناسي والا افتح الموضوع

والا اترجاه مايفضحن

والا ولا ؟؟؟؟؟؟؟؟؟

قفله

ابشركم باقي خمسه ريال ماعطيته اياهن وش رأيكم اعرف اكاسر

ماستفاد من القصه :

1_ لا عمرك تفكر تشري عده عن طريق وسيط <<صارت اسهم

2 _ اذا صرت عجاز ولا لك خلق تروح تشري لا تدفع 170 ريال

3_ الحياء دائم يخلي الحلاقين يلعبون عليك

**ابو كِندا** · 12-19-2006, 07:07 AM

ولا رد

شكله ماجازتلكم

محاوله فاشله يعني

يعيطكم العافيه

**dOdE** · 12-19-2006, 07:12 AM

وش دعوى ابو كندا

اصبر عليهم شوي لا تصير عجل مثلي يعني منب رادن عليك الحين ابي اقرا موضوعك وانا رايق مايصلح كل شي بعجله ^_^

**خانتني دموعي** · 12-19-2006, 03:45 PM

وافضيحتاااااااااااااااااااااااااااااااااااه وش اسوي

اسكت كني ناسي والا افتح الموضوع

والا اترجاه مايفضحن

والا ولا ؟؟؟؟؟؟؟؟؟
---------

اخوي ابوكندا افتح الموضوع ونص لو انت مشيته يمكن ينصب على غيركـ

بس اذا فضحته وفتاحته وصكيته كم كف والله مايعودلها

لاتنسى تعلمن وش صار عليكـ >>>متابع للقضية

**ابو كِندا** · 12-19-2006, 03:57 PM

اقتباس:

بس اذا فضحته وفتاحته وصكيته كم كف والله مايعودلها

اخوي صعبه

تخيل اقعد اتضارب انا وياه بالدوام

والله مركزي مايسمح

وبعدين

اقولك ما أعرف افشل هذا اللي غاثن

اقتباس:

لاتنسى تعلمن وش صار عليكـ >>>متابع للقضية

يا مال الوجد انت بس اللي تفاعل معي

شكلك رحمتن صح ههههههههههههههههههههههههههه

يعيطك العافيه على المرور

قفله

وش رأيك اوكلك تضربه بدالي ههههههههههه

**قصيميه مغتربه** · 12-19-2006, 05:02 PM

والله مفروض ماتسكت له وتفضحه وتادبه بعد

صادق خانتني دموعي اذا سكت له بينصب على غيرك

وعلمنا شصار عليك شب كبدي هالمصري

**خانتني دموعي** · 12-19-2006, 05:55 PM

قفله

وش رأيك اوكلك تضربه بدالي ههههههههههه
----------
موافق موافق موافق موافق

وانت تقول انك متفشل تقوله بالدوام عندك 3حلول

1-انك تكتب ورقة وتحطه بمساحة سيارته

2- انـك تلمح له انك عرفت انه نصب عليكـ

3-انك تستأذن قبل مايطلع الدوام وتلطم واذا طلع عطه كم كف

**vip** · 12-19-2006, 08:13 PM

هههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههه

رحمتك والله

حلاق ينصب عليك ؟؟ والله حاله يابوكندا

طيب عندي لك حل << مسوي يفكر

ليش ماتقوله اببيع العده دورله زبون ههههههههه