مودم سبيد تش SpeedTouch 585

**dOdE** · 12-24-2006, 06:06 PM

السلام عليكم ورحمة الله وبركاته

اما بعد

الأن ماشاء الله الاتصالات مدري من اللي داعي عليهم وقبلت دعوته

يركبون الدي اس ال DSL واشوف الناس وأكثرهم يستدعون فني تركيب عشانه شي جديد عليهم ومايعرفون له وحبيت اشرح لكم نوع من أنواع المودم اللي هو سبيد تش speed_touch
وانا اتوقع انه افضل نوع لأن سعره في متناول الجميع وفيه جميع المميزات وسهل الاستخدام ويتوفر فيه طريقتين للأتصال بالانترنت اللي هي عن طريق الكيبل (( كيبل شبكه)) وفيه الواير لس (( واي فاي))

المودم اللي بشرحه لكم ان شاء الله اسمه

Product Name: SpeedTouch 585

وهذي بعض الصور للمودم وشكله الخارجي

طبعاً المودم يحتاج لكهرباء 220 فولت

وسلك التلفون اللي فيه دي اس ال

بعد ماتركبهم فيه وتشغله تفتح الكمبيوتر

بنسوي له الاعدادات عن طريق الكيبل (( كيبل الشبكه))

تركب الكيبل في اي مدخل من مداخل المودم طبعا فيه من ورا اربع مداخل كل مدخل مكتوب عليه الرقم نضع الكيبل في المدخل رقم 1 واحد

بعدين نفتح المتصفح وندخل على هالرابط

[اخي العزيز ،، يتوجب عليك اضافة رد لرؤية الرابط]

بعد ماندخل راح تنفتح لنا صفحه المودم وهي بهالشكل

اضغط على الصوره للتكبير

[اخي العزيز ،، يتوجب عليك اضافة رد لرؤية الرابط]

بعد ماندخل نروح اول شي نسوي له حمايه عشان مايدخله اي شخص على هالصفحه غيرك

نروح نضغط على [ Administrator ]

بعد مانضغط عليها تنفتح لنا صفحه فيها خيارات نختار الخيار Change passwordنضغط عليها بعدين تطلع لنا بهالشكل

في الخيار الاول Old Password: طبعا مافيه باسوورد قديم لأن المودم جديد نكتب اي رقم خلونا نقول 12341234 بعدين نكتب تحت الرقم السري الجديد واللي بعده تأكيد الرقم السري

الحين خلصنا من حمايه المودم
ملاحظه : تكتب عندك بالمفكره هالكلمه Administrator والرقم السري مع بعض لأنه اذا بغيت تدخل المودم مره ثانيه راح يطلب منك اليوزر نيم والرقم السري وانا عن نفسي عجزت احفظ هالكلمه

باقي عندنا الواير لس وكيف نحط له رقم سري ونغير اسم الشبكه

نروح نضغط على Wireless:

اضغط على الصوره للتكبير

[اخي العزيز ،، يتوجب عليك اضافة رد لرؤية الرابط]

بعد مانضغط عليها نروح لأعلى الشاشه من اليمين ونضغط على Configure

بعد مانضغط عليها راح تفتح لنا هالصفحه وبشرحه لكم بالصوره

اضغط على الصوره للتكبير

[اخي العزيز ،، يتوجب عليك اضافة رد لرؤية الرابط]

طبعا مستوى الحمايه في اثنين الاول اللي هو 64 يعني يتكون الرقم السري من 8 ارقام وفيه المستوى الثاني 128 ويتكون الرقم السري من 26 وهذا الافضل لأنه الحين برامج اختراق الشبكات كثيره والخيار الثاني راح يأمن لك الشبكه الخاصه بك

بعد مانخلص نضغط Apply

الحين باقي المرحله الاخيره اللي هي وضع اشتراك الدي اس ال

فيه اشتراكات كثيره وانا افضل اول نت واللي بعده نسمه

بعد تفعيل الاشتراك من الشركه وانتهيت وصار عندك اليوزر نيم والباسسورد تدخل على المودم وتضغط SpeedTouch

بعد ماتضغط عليها تنزل لأخر الصفحه تحت وتضغط Set Up

بعد ماتضغط عليها تفتح لك هالصفحه

بعدين

وبعدين

بعدين يقولك start بعدين تنتظره شوي وبعد كذا يقولك انتهى فينش انتهى

وخلاص

واللي يواجه مشكله مع المودم يخبرني واللي يشتري اشتراك دي اس يسأل المحل اذا كان يبغى تفعيل هو يفعله احسن لكم

ارجو اني وفقت بالشرح ودمتم

**MOONVIP** · 12-24-2006, 06:26 PM

الله الله..

كفيت وَ وفيت..

شرح رائـــــع..

ومجهود أروع.. تشكر عليه الصراحه..

ألف ألف شكر ويعطيك ألف عافيه..

بس أنا عندي مشكله إنه يتصل وتمام بس يطلع " الاتصال غير آمن" ماعرف ليه؟!

ومشكووووور مره ثانيه..

دمت..

**خانتني دموعي** · 12-24-2006, 11:00 PM

اخوي انا مركب هالمودم وصراحة رفع ضغطي

دايم تطلع لي الجملة هذي واحيانا اقعد يوم كامل مايشتغل النت

وان شاء الله احط لك صورة

**خانتني دموعي** · 12-25-2006, 12:04 AM

بسم الله هذي المشكلة الاولى:

أحيانا لطلعت هذي اقعد يوم ماادخل النت

المشكلة الثانية:

احيانا اقعد 5 دقايق وتنحل

**dOdE** · 12-25-2006, 05:50 AM

اقتباس:

المشاركة الأصلية كتبت بواسطة MOONVIP [اخي العزيز ،، يتوجب عليك اضافة رد لرؤية الرابط]

الله الله..

كفيت وَ وفيت..

شرح رائـــــع..

ومجهود أروع.. تشكر عليه الصراحه..

ألف ألف شكر ويعطيك ألف عافيه..

بس أنا عندي مشكله إنه يتصل وتمام بس يطلع " الاتصال غير آمن" ماعرف ليه؟!

ومشكووووور مره ثانيه..

دمت..

الله يعافيك

اذا كنتي تقصدين " الاتصال الغير أمن " اللي تطلع لك بالواير لس
فهو عشانه ماله رقم سري واي واحد يقدر يدخل الشبكه حقتك ويدخل المودم بعد يعني احتمال ينسرق اشتراكك هذا اذا كنتي تقصدين الاتصال غير أمن الي تطلع بالواير لس

شكرا لمرورك

**dOdE** · 12-25-2006, 05:53 AM

اخي خانتني يمكن المشكله من نفس خط الدي اس ال
او من نفس الشركه او المودم يبغى له تحديث عموما تصير معي هالحركه واكتشفت انه من الشركه نفسه شكرا لمرورك واذا وصلني خبر جديد لمشكلتك ماراح ابخل عليكم

**خانتني دموعي** · 12-25-2006, 01:06 PM

تشكرت على التواصل

وبعدين اسوء شركة اول نت انا افضل شركة جربته صحاري نت

**vip** · 12-25-2006, 01:29 PM

تمت اضافة الشرح في مكتبة الدروس

الله يعطيك العافيه اخوي دودي جهودك مميزه

[اخي العزيز ،، يتوجب عليك اضافة رد لرؤية الرابط]